鉄火堂 (厚福街)

營業中

休息中

咁除左壽司另一樣我更喜好既就係魚生飯即係以前食開平價港式壽司基本都係乜野角切乜乜乜唔係三文魚就係甜蝦19吞拿魚就好似鋸扒淨係識食豉油西餐咁而家搵野食都認真左好似食意粉拉麵會想食手工麵食pizza會想要見到個火爐食中菜法國菜會研究下個主廚咁食魚生飯同點心一樣都會想去專門店之前去過拉麵陳同doraya覺得好足料好滿足今次就試下另一間黃店鐵火堂呢間每星期都會係自己舖面表演即劏藍鰭吞拿魚不過果間就外賣店我地去既係厚福街堂食店星期六夜晚六點幾黎到仲有少少位可以直入不過入面好滿佢地座位係好好好迫二人檯好似同人搭檯咁因為係openrice搶到賞你食可以用半價買到套四百蚊現金券所以就可以食晒佢成兩個晚市set咁其實佢係主打車仔飯仲有壽司同設定好既刺身丼晚市特價既五式藍鰭吞拿魚望落好豐富有齊晒中拖同大拖兩款赤身同吞拿魚蓉而且唔洗兩舊水仲有半價可惜拖羅係失望既即係即劏吞拿魚呢件事係吸引既但我完全食唔到個鮮味同油脂感唔知如果係外賣店即劏食到既會唔會好唔同呢反而另一個築地海鮮丼仲吸引有飽魚帶子牡丹蝦油甘魚中拖吞拿魚蓉同劍魚呢幾種刺身感覺仲新鮮過佢地即劏既吞拿魚又再滿D無特別既味噌湯夜晚要加一用兩百蚊券再補13

👧🏻Wodafoodie in Tsim Sha Tsui夜晚係尖沙咀食日本野，閒閒地每人至少都$200-$300啦，但呢間係厚福街既魚生丼飯專門店，最平$99就食到！好抵呀！🤩✨厚切五式藍鰭吞拿魚丼 $158五式呑拿魚真係好厚切😍😍有大拖羅、中拖羅、赤身、火炙呑拿魚、碎蔥呑拿魚，每塊都好鮮味。大拖羅油脂豐富，入口即溶；中拖羅魚香十足；赤身脂肪較少，魚肉結實。呢個丼有五種口感五種享受☺️☺️鍾意食呑拿魚既朋友必食！平時要$268架，依家做promotion真係好抵！✨築地極上海鮮丼 $158另一個原價$268既，有磯燒鮑魚、牡丹蝦、帆立貝、三文魚籽、碎蔥呑拿魚，三款刺身。呢個價錢食到咁多種海鮮真係抵到爛😍✨厚切藍鰭吞拿魚(2切)+4款自選配料 $99火炙三文魚、汁燒帆立貝、玻璃蝦、海膽魷魚全部都好鮮無雪味，海膽魷魚撈飯好好食🥰✨厚切藍鰭吞拿魚(2切)+4款自選配料 $99三文魚、火炙左口魚邊、汁燒帆立貝、鰻魚左口魚邊入口即溶，必叫！🤤🤤✨🥗温泉蛋火炙三文魚沙律 $68沙律菜份量十足，三文魚都好多片🤩🤩✨🍡黃金香芋丸 $28放題必食之忍唔住叫左，一樣外脆內軟，好正😋呢到好得意既係🍚飯都有5種

喺尖沙咀某酒店Staycation，夜晚出去食嘢食。今晚想食返個丼，於是諗起「鐵火堂」，呢間一直想試但未試過。本來係去咗首都廣場嗰間，原來嗰間專做外賣，堂食都只係個企喺度食，店員就叫我哋去厚福街分店。好彩時間尚早，6:55左右喺我地前面有兩Pair排隊，都只係等填紙就入得。位置同預期一樣比較窄，都係快手食完走人嘅類別。嚟呢間都係為咗食拖羅，一入嚟已經被由HKD278減到HKD168嘅「厚切五式藍鰭吞拿魚丼」吸引住，第一次食就一於試店家推廣嘅！【厚切五式藍鰭吞拿魚丼】講真賣相就唔算高分，襯埋中華沙律同醃蘿蔔有種廉價感（需然都真係唔係食緊乜高級食店）。刺身的確係厚切，但係呢⋯長同寬又好似又細咗少少，哈哈！至於吞拿魚嘅味道係好正嘅，藍鰭嘅鮮味真係冇其他品種可媲美！大拖羅同中拖羅都極美味！赤身同魚蓉算係係正常，相比之下唔突出。火炙咗個兩舊魚就普通，吞拿魚唔多適合咁食，浪費咗。【蟹親子丼】我試食咗一啖，蟹肉分量好足，好似仲多過飯！加埋蟹膏同蟹子味道十分豐富，大滿足！【吉列炸蠔】正常發揮，好食嘅，但蠔唔算肉厚。【追加壽司飯】食食吓聽到人哋嗌「加飯」，再望吓牆上啲宣傳見到原來係可以免費追加壽司飯 ，