鳥棲日本料理 (已結業)

好耐冇行過駱駝漆，原來入邊都有幾多餐廳，行到肚餓就揀咗呢間日本餐廳試吓。✨入到黎環境都幾闊落，兩個人張枱仲好大添～同埋有梳化坐都幾舒服，最啱行到攰晒入黎灘抖下。✨午餐以set lunch 為主，款式都唔少。包餐湯，沙律同飲品，特飲都係加$8,一定要試一試。✨明太子海鮮稻庭烏冬（ $78 ）：開頭以為係湯烏冬，原來係撈烏冬仲吸引😍。個汁好正，食落有明天子既辣辣地，但又唔會太咸。而且撈埋個溫泉蛋，真係幾香蛋味。個烏冬質感超滑而且煙煙韌韌，海鮮就有蝦，蜆同青口。青口最好食，食落好咸鮮，如果蝦可以再入味d 就更加正。✨簡簡單單嘅車厘茄，沙律菜同埋醋汁沙律都好開胃，麵豉湯好飲唔會太咸。✨個富士山特飲真係勁正，閃燈加上環境暗暗地真係好吸睛，紅色既係巨峰，藍色既係藍桔。 兩款飲落都唔係好甜，有d 似梳打既感覺。上面仲有滑滑既雲呢嗱雪糕，加埋落去幾好味，不過要小心佢會火山爆發咁湧出黎，不過佢好貼心有個碟👍🏻✨原條蒲燒鰻魚定食（$98): 鰻魚好味，食落帶點肥美，個汁好香濃，size 都唔細👍🏻 整體食物幾有水準，如果個定食可以包埋茶碗蒸果d就更加滿足🤣

Lunch繁忙時間, 駱駝漆樓下一定有條長長嘅等𨋢人龍, 今日由觀塘返工嘅朋友帶路, 上左位於5樓嘅鳥棲日本料理, 門口花牆sharp醒招牌好易認, 望入去, 好有cozy感, 全部梳化椅坐得好舒服, 午市定食menu有多款選擇: 豚肉, 炸雞, 海鮮, 烏冬, 鰻魚.... 食咩好呢🤤>所有午市定食都包括蛋花湯, 沙律>是日燒魚定食- 蒲燒潮鯛魚 (HKD88)其實係未食過蒲燒style嘅鯛魚所以叫, 蒲燒汁好好味, 每一片厚切鯛魚肉都塗滿美味蒲燒汁, 食落好似入口即溶咁, 肉質超滑der, 無揀錯! 正因為多汁, 配珍珠飯實在令人停不了口.>原條蒲燒鰻魚定食 (HKD98)Wow wow, 估唔到條鰻魚有成個碟咁長ga! 蒲燒汁嘅味道完全滲入鰻魚肉, OK厚嘅鰻魚燒到非常之moist, 吃得出食材高質+用心的料理. >見到手調系列咁多款冷熱飲都只不過加HKD10, 識飲一定揀手調嘅.>榛子🌰鮮奶 (+HKD10)食飽飽, 來杯棉密奶泡嘅榛子鮮奶, 自己再慢慢享受lunch hour人潮過後嘅寧靜.>鮮奶咖啡☕️ (+HKD10)>

是日微雨，於觀塘區工作，自然不想行太遠，為左照顧一班同事們的happy friday lunch, 我呢個歡樂小姐又再周圍search揾野食！然後見駱駝漆大廈有新野可以試，今次俾我發現到呢間新開的日式cafe！餐牌都有八、九個選擇，算多選擇！價錢定價合理！門口都有一張大大張既中午飯餐牌，有埋相，我地成班人其實就係望住相黎叫！我地幾個人分別主要叫左呢四款！炸蠔有同事嫌未夠新鮮，但外面炸得幾好！花魚一夜干，就有人提話味道咸左些，以份量來說就好鬼大份既，不過要小心食，因細魚骨也不少！原條鰻魚以份量來說，都係足料，但就嫌上碟時熱度唔夠，涼左些！我自己選的，大蝦好脆，以中午價錢82蚊來說，我覺得我的餐不錯，不過我都覺個鍋唔夠熱，要扣下分數啦！希望小店可以加番熱食物既熱度，調味可以調番唔好咁重手！成個中午飯，店舖都不少人幫襯，睇黎開業無耐，仲有得再更上一層樓！

朋友想買波鞋，所以約了在觀塘吃飯，然後陪她去觀塘駱駝漆大廈逛逛。被門外的佈置吸引著，看看餐牌見set lunch不錯，便在這裏吃。七味牛肉豆腐鍋定食（＄88）來到時已香氣四溢，湯底有微微的辣度，使人胃口大開！用它來送飯，不消一會就把飯吃光牛肉嫩滑不嚡口，而且鮮美入味，令人驚喜！豆腐的豆香與湯底完美結合，而本身十分滑溜，一入口就直落喉嚨😃原條蒲燒鰻魚定食（＄98）鰻魚都幾大條，比筷子還要長！🤩🤩🤩食落完全冇腥味，而且肉質厚實，醬汁亦很惹味！餐飲加＄8點了巨峰富士山和藍桔富士山兩杯富士山都比想像中大，呍呢拿味雪糕球奶味香濃，口感幼滑，讚👍藍桔和巨峰的分別是藍桔味道比較清新，賣想也像富士山；而巨峰則酸酸甜甜，兩者都好喝😋

觀塘真係一個好多美食嘅地方，每個月都差不多有新嘅店舖，今日午餐去到駱駝漆大廈覓食—鳥棲日本料理。餐廳內裡裝修簡約，燈光柔和，我地被安排坐梳化位非常舒適，另外入面有個半開放嘅廚房，客人可以睇到廚房內嘅情況。午餐以定食為主，我同朋友選擇咗七味牛肉豆腐鍋定食及蒲燒鰻魚定食，飲品就加錢要咗手調咖啡，我地兩個都揀咗熱及凍嘅玫瑰咖啡。定食包括咗一份新鮮沙律，一碗麵豉湯同飲品。原條蒲燒鰻魚定食原條鰻魚份量足，味道帶點焦香，食落魚肉嫩滑，皮脂算肥美，而且少骨（可以講係食唔到有骨）但因定食關係，魚和飯係分開放，所以醬汁係加係鰻魚上，較難用來拌飯，但勝在鰻魚好味，所以唔差。七味牛肉豆腐鍋定食感覺好似日式家庭料理，豆腐滑溜，牛肉及豆腐滲透晒湯汁好入味，而且有一丁點辣好惹味，用湯汁送飯非常一流。最驚喜嘅係玫瑰咖啡，飲起嚟帶有淡淡的玫瑰花香味，軟綿的奶泡上撒上玫瑰花瓣作點綴，熱飲拉花好靚亦有玫瑰花瓣點綴。提提大家，餐廳有提供bb櫈（供應有限）而且幾靚，非常適合小朋友一同用餐。