潮滙館 (已結業)

平少好少食打冷，但知道老公好鍾意， 所以決定帶他去朋友介紹的潮式打冷，餐廳離地鐵站非常近，行過離5分鐘左右~ 店內的佈置同餐具都好傳統， 仲要係老公一直想買的公雞碗~ 一坐底即送上熱茶同前菜，係傳統的潮州鹹酸菜， 醒神又開胃~ 有好多野都想食，可惜得2支公~ 呢度的滷水必點，<滷水拼盤>  份量都幾多，可以2-3個人食， 有滷水腩肉、鮮墨魚、紅腸、蛋、豆腐， 我最愛鮮墨魚，非常爽口， 另外腩肉&豆腐都好正，滷得入味~ <砂鍋羔蟹粥> 有唔同size，可以一鍋按照人數選擇， 我地點左細煲已經好多， 每人有4碗，足夠3個人食 羔蟹大大一隻，啖啖蟹肉又多羔， 蟹粥煲到好棉，非常鮮甜~ 最後老公推介潮州甜品<反沙芋頭>  平時好少食中式甜品，覺得它好特別，外層的糖霜脆卜卜，又唔會太油，甜度適中， 內裡的芋頭熱哄哄，非常粉糯，令我有驚喜

潮州菜在香港有多風行也不用多說了, 潮州菜館的林立: 大至集團式經營的, 小至街坊小館的, 於各區都不難找到, 當然小時侯家人領著上的大排檔風味打冷也漸漸'入屋'了。吃潮州菜要人多才好辦事, 走進位於長沙灣福榮街的潮滙館, 位於兩個地鐵站之間, 雖然位置有點隔涉, 不過這家的格局寬趟而潔淨, 讓人吃得舒服又輕鬆。 酸菜花生這例牌的潮式餐前小食, 當大家安座後就自動送上, 不過慣常開端跟結尾的功夫茶這兒就欠奉了。 幾乎每次打冷指定必吃的項目 - 鹵水鵝片 $128肉質腍軟的鵝肉, 連帶充斥脂肪的鵝皮, 香口豐腴, 去骨的鵝片無人不喜愛, 只是略嫌鹵水汁沒有想像中的濃郁, 因此墊底的豆腐未能如常的吸滿濃郁鹵水, 淺度的滲透未能使人回味。 意猶未盡, 額外多點碟 - 鹵水鮮墨魚 $88鹵水味同樣稍有不足, 不過墨魚片不是平常吃慣見慣的橙色, 而是白色, 猜想是用上鮮魷的關係吧, 儘管顏色不同, 但有著同樣的爽口惹味, 雖然底下墊了豆腐, 但份量讓人吃得滿意的。 原本想點上店方的招牌菜: 生醃瀨尿蝦和生醃螄蚶, 可惜當晚已售罄, 於是就來碟潮式美饌 - 大眼雞 $138可要知道大