九份飽 (淘大商場1期)

營業中

休息中

是掛念外出覓食，尤其是宅在家怎煮還是煮不出外面的神髓，手累又心累，於是又是選個非繁忙時間去吃個鹽酥雞之類。舖裝修走懷舊老式台風，燈光昏黃，舊客棧feel，趨向提供打卡位、微量飲飲食食，多過供人閒聊數小時坐得舒適吹水之類。餓的是外出吃的心情大於自己饑餓感，所以簡單點兩個午餐沒外加小食。點了台灣擔仔麵，挺適合選擇困難或當兒童餐用，勝在「乜都有啲」，配油麵，鹵水蛋、大蝦、魚皮餃、雪菜、豬肉丸各一份，份量不大，細食女生或兒童是足夠。另點的香酥雞扒魯肉飯，飯底都不少，估計有1碗半，多多少少鹽酥雞之類煮法，夠酥夠熱，就算魯肉如再濃味一些會更好。臨走找數時忘了手機留在枱面，侍應姐姐即火速通知，謹此謝🙏🏻。果腹剛好，飽的是心情。

搬咗過嚟九龍灣之後間唔中都搵啲未食過嘅餐廳見到呢間感覺好九份嘅就俾佢引咗入嚟餐廳嘅天花掛滿紅燈籠，仲有仿老街嘅佈置，感覺真係好九份▫️台灣擔仔麵 $42麵底係油麵，仲可以揀刀削麵或者係米粉，配料有雪菜滷肉粒芽菜，餸就有貢丸蝦仁同滷蛋。▫️肉鬆起司蛋餅 $35煙煙韌韌，感覺似台灣食嘅蛋餅，咸香嘅肉鬆同芝士夾埋超match▫️台灣香腸 $35每次行夜市都會買嘅小食，加埋生蒜食係最好嘅配搭▫️鹽酥雞$38脆卜卜又Juicy，炸漿唔會太厚，調味粉嘅份量啱啱好無太高咸。▫️冬瓜檸檬：消暑解渴又醒胃▫️伯爵紅茶：去油解膩又涼浸浸甜度有五個選擇，仲有唔同嘅配料可以加，啱晒貪心嘅朋友

今日係九龍灣考完筆試之後，夜晚係九龍灣覓食，因為無堂食，只能外賣。無得堂食既情侶只能係公園開餐。海苔培根蛋餅十分足料，啖啖都食到培根，唔會好鹹。酥炸花枝丸有五粒大大粒既花枝丸，口感彈牙，十分惹味。大腸包小腸自從N年前係台北食過幾啖大腸包小腸之後就再無食過，今日終於可以再次食到。第一次食既男朋友表示好食，話糯米同台灣腸好夾。香酥雞扒魯肉飯食完幾飽肚，雞扒唔算油膩，魯肉汁撈飯食好味，仲有半隻蛋。台灣擔仔麵有一隻蝦，半隻蛋同一粒貢丸，油麵同肉躁加芽菜一齊食唔錯。冬瓜檸檬少甜男朋友鍾意飲，所以叫左杯俾佢。