海陽。居酒屋

營業中

休息中

午餐時間隨便入左一間，唔洗等位。首先第一個睇中燒魷魚，燒得岩岩好，有魷魚味🤭小小咬口但唔un，可以一試。吉列廣島蠔，粉厚左dd，蠔肉就正常，影相就幾靚🤭有埋個殼，幾吸睛。主菜黎喇，十勝豚肉，肉質幾嫩，唔錯，味道亦剛好，唔會太濃。🐷🐷👍🏻蕃薯天婦羅，呢個又系粉較厚，蕃薯偏粉加上冇乜蕃薯味/甜味，又切得比較厚，所以麻麻地。西京味噌燒銀鱈魚，銀鱈魚幾香同滑，配個醬幾夾，甜甜地。可以自己食哂成條🤭

越嚟越多人過嚟K11 Musea食飯，每逢星期五、六、日都大排長龍，近排發現呢到有好多餐廳，逐間試都有排試呀。今日黎左Kaiyo，氣氛好，一入去見到個大酒櫃，有啲人坐係到飲杯酒，都幾Chill ，我今晚walk in ，入到去全場滿座，黎呢到最好都係book定位先，唔係可能要等啦。係有少少迫嘅，同埋人多都有啲嘈，浪費左個禁浪漫嘅燈光。枝豆同雞泡魚干做前菜，送酒係一流，雖然今晚無飲酒。枝豆過淋，有啲地方枝豆好厚皮又硬，呢到就唔係禁樣，係靚貨。雞泡魚干好味，熱辣辣上枱又唔會乾身太甜。吉列廣島蠔唔會話好厚粉，都唔會話過熟，一咬落去有蠔汁流出黎，比我想像中好味好多。滿滿嘅吞拿魚蓉，勁新鮮，一啲都唔孤寒，食落勁滿足。壽司細細件，唔會一下塞飽左，特讚三文魚子同帶子壽司，好鮮甜。辛-叉燒拉麵，我怕辣食左幾啖，好香，叉燒好香口，麵硬道適中，同行人士話好好味，成晚最好食係佢，如果唔怕辣都不妨一試。