十和田總本店

營業中

休息中

今日去左尖沙咀行街，行經尖沙咀金馬倫道分店十和田。其實我科學園分都食過，所以對十和田的食物吾陌生，坐低前已諗到食咩食物🤓1.雜錦魚生飯必食，因為大大碟好足材料，食完一定飽肚🤓2. 黑松露鯛魚飯，新鮮鯛魚配黑松露香味，配埋古法調理壽司飯，好香口好想食晒所有飯，而且鯛魚份量足夠，$138一碗黎講吾貴，介好抵食。3. 吉列生蠔：生蠔吾算大隻，48元有4隻，但炸得好脆隔走多餘油，一口一隻4..三文魚刺身：我覺得比上次食，都係水準內，厚砌三文魚食落口感好好，如果有三文魚腩點就好了。5. 乳酸soda: 鐘意酸味飲品可以一試，價錢合理。總結：十和田日本料理係尖沙咀黎講價錢中位，食物質素幾好，種類吾算特別多，空間寬闊坐得舒服，我會再過黎食野

呢間十和田，有好多like! 之前就想試，今日男友突然話不如去食，好呀，等我去攞位！六點去到，餐廳仍然準備中，未入得。到六點半，我又再喺門口等。。門口個牌仲係「準備中」，但店員見到我，就開門迎來我這晚市第一位客人😀其後陸陸續續，客人都入座眼見有七成都係walk in, 3成有訂枱七點半前，已full house了但翻枱算快，未見有人排隊前菜，點了一客枝豆，雖然$38,但份量多得誇張！上枱時，仲係熱lat lat的！好鐘意！枝豆上面灑上了少少鹽，其實幾好味超特選壽司拼盤$288 （配麵豉湯同蒸蛋）蒸蛋ok海膽好新鮮。吞拿魚卷好好味，但嫌紫菜已淋，完全不爽脆。鰻魚好好味。松葉蟹口感好，但無乜蟹嘅鮮味。魚子好咸，咬落無嗰種好爽脆爆炸嘅感覺。紫菜同樣已淋，好難咬開。甜蛋硬左啲。其他都可以。火炙壽司拼盤$98呢碟火炙系列，當中最好味係左口魚群邊中間嗰舊吞拿魚overcook左，燒得太熟喇😩另外芝士蝦。。簡直唔想食，好乾。。鯛魚湯$38雖然細細碗，但鯛魚味好香好濃，又夠熱男友讚口不絕，大家都可以試下！😀👍🏻三色吞拿魚$98中間嗰款最好味，肥瘦得宜，有吞拿魚同魚脂香最右嗰款雖然香，但真係太肥太”漏”

同好朋友提早慶祝聖誕節，聖誕節唔一定食西餐，今次我哋食壽司，同事介紹尖沙咀金馬倫道十和田，尖沙咀地鐵站b出口行五分鐘就到，地點非常方便，星期一食飯時間餐廳已經一半滿坐，入到去服務員介紹落單係用高科技平板電腦落單，唔好出錯，又可以慳返人手，仲要有圖有真相添，叫左最喜歡嘅火炙三味壽司$78，有吞拿魚壽司、三文魚壽司及左口魚邊壽司，均有燒過嘅焦香魚油味，尤其是個左口魚邊，邊燒得少少香脆，好惹味，貪方便嘅我，選擇超特選壽司拼盤配蒸蛋及味噌湯，蛋滑身，好特別蒸蛋裏邊有白果$288，壽司拼盤樣樣有啲，唔使諗，推介海膽同三文魚子，馬糞海膽好新鮮又鮮甜，回味無窮，而且大粒魚子非常美味，還有新鮮蟹棒，非常軟綿綿及鮮甜蟹肉味，大粒魚子實在太好味，赤貝刺身三片$48，爽口鲜美，另一個叫左海鮮丼$198，份量幾大及非常足料，材料包括有馬糞海膽、大魚子、帆立貝、玉子、粉嫩吞拿魚蓉及大大隻既牡丹蝦等，滿足既一碗刺身丼，非常新鮮回味無窮點少得叫吉列生蠔$38，有四隻，炸🉐香脆，而且生蠔鮮甜多汁，侍應亦服務殷勤細心！

朋友仔敘舊，行開尖沙咀好想食壽司，又唔想食元x，朋友介紹去金馬倫道一間日式餐廳，十和田，呢間餐廳在新蒲崗都有分店，到咗七點食飯時間餐廳已經一半座滿，高科技用平板電腦落單，有圖有真相，非常方便，叫左超特選壽司拼盤配日式蒸蛋及味噌湯$288，壽司拼盤貪佢樣樣有啲，仲有超愛既海膽同大粒魚子，值得推介馬糞海膽好新鮮吾嗅，在口腔回味無窮，正，大粒魚子亦非常新鮮鮮味，不得不提新鮮蟹棒，非常鮮美，梗係要食埋火炙三味壽司$78，包括吞拿魚壽司、三文魚壽司及左口魚邊壽司，火炙壽司魚油在囗，還有燒過嘅焦香味，令一番風味，大粒魚子實在太好味，所以加趕一客三文魚子$28，赤貝刺身一隻$48，質感爽口鲜美，朋友肚餓，叫咗個海鮮丼$198，份量大，足料，有橙色馬糞海膽、大魚子、帆立貝、玉子、粉嫩吞拿魚茸、大隻牡丹蝦等，好似去咗日本嘅黑門市場咁，非常新鮮回味無窮，吉列生蠔$38，香脆可口，蠔鮮甜多汁，服務細心，而且地點方便，尖沙咀地鐵站b出口行五分鐘就到，聚腳點，今餐多到放唔晒

是日偶然發現呢間十和田總本店，格局好日系，都好乾淨舒服！餐廳用平板點餐，有圖仲有價錢，方便快捷。先嚟個港人至愛三文魚三味，有新鮮三文魚加火灸三文魚。刺身都好新鮮，肉質好有光澤。火灸半生熟，多一份焦香，必點呢個三味壽司🍣另外單點就點左玉子同芝士熟蝦，不過不失，勝在價錢相宜女友點左個海鮮丼，$198大大碗，鋪滿哂海膽、帆立貝呢d貴價既魚生！望落去好新鮮，女友話個海膽勁鮮甜我就點左個三色丼，三款迷你丼，滿足我三個願望！外型仲好靚好高級！最出色係海膽丼，上面鋪滿海膽，入口即溶！鮮甜至爆松葉蟹肉拼埋蟹膏又係神級美食！蟹味濃郁至不得了！蟹肉仲多過飯呀香蔥吞拿魚就好肥美，魚油滲透落壽司米內，每一啖都好奢侈！小食就點左我好中意食既廣島蠔，外皮薄身夠脆，蠔新鮮！仲好juicy燒明太子雞翼入面既明太子唔算好咸，少少辣又幾開胃

偶然行過金馬倫道，發現此餐廳，看過餐牌，價理又合理又多選擇，又姑且入去試試。內裡光亮乾淨，有吧枱也有2-4人枱！點菜用tablet ，簡單方便！menu有壽司、炸物、丼、壽司拼盤，有圖有價錢，一目了然，選擇都好多。價錢以尖沙咀地鋪來說，個人認為好合理，定價只是一般連鎖壽司店的價錢，好貼地！單點壽司點了玉子及芝士熟蝦，所有壽司都由師傅新鮮製造，而且很快上菜！三文魚三味都很新鮮，刺身滿有光澤旁邊山葵不會只有辣及嗆喉我另外再點了一個海鮮丼，有海膽、帆立貝、吞拿魚蓉、蟹子等！豐富到一個點！份量一定夠飽肚！海膽入口即溶，因為新鮮，入口都很甘甜！帆立貝則好厚身，同樣很鮮甜，毫無腥味！魚生份量多得都不知先吃那一樣好至於男友點的三色丼，同樣是一個好選擇，皆因分別有三個口味，獨立享受不同美味。其中海膽丼上鋪上滿滿海膽，簡直海膽比飯多！甘甜入口軟滑，好正！蟹肉蟹膏同樣出色，蟹膏蟹味濃，入口軟滑，每一口都吃至奢侈的松葉蟹肉！小食有炸生蠔及明太子雞翼。前者用上較濃味的廣島蠔，外脆內軟，不沾醬原汁原味更好食！另外炸雞翼拆骨，裹上明太子。隻隻明太子好足料，微辛，反而好惹味！

位於尖沙咀嘅十和田，店舖由日本師傅主理，店內地方寬敞，簡潔舒適，尖沙咀地區嚟講呢度價錢亦都好合理。赤貝刺身，色澤亮麗，肉質爽脆，鮮甜無比。活鮑魚刺身好新鮮，濕潤程度真係好似直接由海水裡取出似的，切成幼條狀口感更佳，一口咬落清甜鮮嫩，爽脆細緻。海鰻卷，海鰻經過微微炙燒，味道更覺香濃，再加點鰻魚汁甜甜的，香濃可口。卷裡包著夾著青瓜和蛋，令呢個卷物味道豐富。平成卷有金黃嘅海膽、吞拿魚蓉、三文魚子，食落先有海膽嘅鮮味、咬落有三文魚子嘅油份甘香，再有吞拿魚蓉嘅魚鮮味，味道有層次兼鮮甜甘香。蟹膏細卷除有蟹膏外亦都夾點蟹肉絲，蟹膏味道鮮甜濃郁。三色丼，有蟹膏、海膽、吞拿魚蓉嘅丼，各具特色，唔好睇佢好似細細杯，裡面份量十足，就好似呢杯蟹膏丼，面頭嘅蟹膏已經多到滿瀉咁濟，裡面仲有好多蟹肉絲，甘香滿溢兼啖啖肉，好好食呀。海膽丼亦都滿滿的金黃豐腴，潤澤又幼滑嘅口感，甘香鮮甜。推得高高的吞拿魚蓉加了點芝麻、香蔥香味更豐富，味道亦都好鮮味，魚蓉多過飯，好滿足。鹽燒油甘魚頭燒得香脆，魚頭有魚油嘅甘香加了點鹽燒，少少鹹多多脆，魚鰓位亦燒得香脆可口，面珠位肉嫩兼油份充足，識食嘅梗係要食魚頭啦。明太子雞翼係一個好好嘅美

冷冷雨woo~~沒焦點因找不到你～下雨天，人難免會憔悴點、灰一點，唯有搵啲自己喜歡的事黎做下，就係—食！一支公係尖沙咀街頭覓食行下行下就到左十和田門口門面簡潔光猛，內裡環境舒適，有很多客人都一對對來用膳談心。一坐低當然要沖杯茶暖身，茶粉飲得出是抹茶而非綠茶，有一點點回甘。飲下去，心也跟著暖起來。點個小前茶，鮑魚刺身與赤貝刺身鮑魚刺身很鮮甜，口感爽且有𡁻口！赤貝亦不錯，很甜！吉列生蠔炸得剛剛好，一咬下去，汁液濺出😋主角來了～～海鮮丼一點都不馬虎，有差不多十種海鮮，三文魚、帶子、三文魚籽、蝦、油甘魚、玉子燒，下一層有一個如乒乓球大的吞拿魚蓉，真的是大滿足！刺身質素毋庸置疑，鮮、甜！！真心不用去乜乜屋排隊食個質素一般的丼！誠意推介俾愛吃日本料理的朋友！

今日黎到尖沙咀搵野食，去了依間位於金馬倫道金馬倫中心地下嘅正宗壽司專門店，室內環境舒適，燈光光猛門口光鮮好有日本feel竹筴魚壽司$28/件：竹筴魚肉質結實飽滿，味道鮮味有彈性，脂肪平均不油膩生松葉蟹腳壽司$28/件：生松葉蟹腳每日新鮮空運到港，蟹腳大小恰到好處，肉質細嫩鮮甜，睇見都流口水三文魚籽軍艦$28/件：三文魚籽，新鮮到港，外光亮艷麗，粒粒晶瑩通透，魚籽一粒粒在口腔爆破，鮮味無窮吉列生蠔$38 ：吉列生蠔外面炸至金黃色，好鬆化，蠔身多汁安康魚肝壽司：鮟鱇魚肝另有海底鵝肝之稱，口感滑嫩海鮮丼$198：材料豐富十足，有晶瑩通透三文魚籽、肥美充滿油脂的油甘魚、鮮甜牡丹蝦、玉子、吞拿魚溶、海膽、帶子等等，回味無窮鯛魚湯：充滿鮮味鯛魚湯有著濃濃的魚香味，飲到停唔到口

這天行經尖沙咀這間新開的壽司店時，被其開揚簇新的日式裝修所吸引，決定一試， 想不到居然有意外驚喜！餐廳地方寬敞舒適, 清新簡約的日式裝修令人感覺舒服。甫坐下店員即細心介紹怎樣用Ipad Menu落單，清楚的分類令人一學就會，簡單易用，值得一讚！ 壽司種類豐富，分類細明。除了有主打的壽司外, 還有其他如各式卷物, 燒物, 沙律, 刺身, 丼及飲品。 發現當中有些非常特別的食物例如蟹糕沙律， 蟹膏細卷，平成卷， 挪威卷, 活鮑魚壽司等等，每樣也令人蠢蠢欲試！ 蟹糕沙律 ~ 以前在日本食過，已經對它念念不忘， 今次終於可以在香港食到，真是喜出望外！新鮮蟹肉及爽脆鮮菜上面鋪滿香滑蟹膏，口感豐富，蟹膏的鮮味洋溢於口中，味道可媲美日本呢！除了蟹膏沙律, 還有蟹膏細卷，一樣的鮮甜好味，一樣的出色！$48有6件，非常抵食。至愛的火炙三文魚壽司, 火炙左口魚邊壽司及特大甜蝦壽司，全都光澤誘人，肉質通透，真的令人難以抗拒，一再回味!!特長的海鰻壽司亦是不容錯過，肉質鮮香軟嫩， 一點魚腥味也沒有; 沾上惹味的鰻魚醬，份外濃郁香惹！金黃香脆的吉列生蠔，外層入口鬆化，但內裡仍保留着蠔的鮮味， 佐酒一流，滋味滿分