竹串日本料理 (已結業)

周六睏到自然醒已經11點，我和老公決定到銅灣睇戲，到達時已12點，我倆都已經肚餓要搵飯食喇。老公之前返工試過登龍街這間日式料理店，他說有我最愛的鰻魚飯，一聽到鰻魚就決定試喇😍店面用竹來裝飾，好符合店名，充滿日式情懷。店內都以木和竹作佈置，感覺清雅。午市套餐選擇都多，而且價錢實惠，我們選了竹串銀雪魚燒及極上鰻魚丼飯。沙律酸甜的沙律醋很醒胃味噌湯湯料很多而且味不鹹極上鰻魚丼飯鰻魚好大條，蓋在飯面猶如一件極大的鰻魚壽司😍怪不得老公話我實會鍾意。鰻魚肥厚多汁，入口綿軟，魚的油香在口腔內迴盪，最欣賞鰻魚汁不會太濃太甜，恰當地襯托出鰻魚的香味。竹串銀雪魚燒有銀雪魚~甜薯~秋葵~雞翼~芥末松板豬~翠肉瓜，每樣都烤得香而又能保留食材的精華，當中銀雪魚和松板豬尤其出色。銀雪魚好滑而且油分多，魚皮燒得香脆，微微的焦香好特別。松板豬肉質彈牙有嚼勁，豬肉味清香，芥末的微辛令豬肉更惹味。雪米糍飯後甜品，作一個完美終結。假日在鬧市能以這個價錢品嚐一頓滿意的日式午市套餐，真是經濟實惠。難怪一時多已坐滿了人。

放假又與好友到登龍街吃Lunch，惜地舖已人多爆滿，唯有轉戰樓上餐廳，選了大家最喜歡的日本料理🍣傳統日式裝潢加上昏暗燈光，即使大白天，猶如置身日本的“深夜食堂”。🎏Set Lunch $100 樓下，包沙律、小食、味噌湯及甜品，抵食!沙律，爽脆 蔬菜加上醋汁，酸香醒胃; 小食，帆立貝裙邊鹹香惹味。味噌湯，加入昆布及細滑豆腐，豐富口感，溫熱可口。極上魚生飯🐟🍚，有鮮味飽滿的海膽; 肥美嫩滑的牡丹蝦; 軟嫩的帶子; 厚切甘香的三文魚/吞拿魚/油甘魚，全都份量十足，鮮味滿瀉 ~😍和風便當🍱，大大塊吉烈豬扒🐷，外層炸得金黃酥脆，內層香口保留肉汁，蘸上沙律醬更滋味; 鯖花魚及三文魚也鮮味十足，配白飯吃一流~😊自家製免治雞肉棒🐓，外帶焦香，內裏肉汁豐富，混合洋葱更爽口，再撈勻蛋漿及甜燒汁，嚐到馥郁鮮美的蛋香及甜香~😋鹽燒雞軟骨🐓，外帶焦香，鹹香惹味，加點檸檬汁更能提升鮮味。甜品🍦，雪糕糯米糍挺香甜的~整體食物優質味美，刺身/串燒尤其滋味， 百幾蚊可由前菜吃到甜品，超抵食!

老婆大人食過呢間魚生飯話超抵食，今日佢終於帶我黎食傳說中既饅魚飯啦！中午黎既人真係多，好彩我地黎到時仲有最後一張檯! 喺銅鑼灣食日本菜，真係冇三四百都唔得啦！但係呢度午市定食$100都唔駛呀！！！八款午市套餐由$68至$98不等～ 超抵！而且多元化，總有一款岩你！每款定食附有沙律、餐前小食、味噌湯。沙律十分爽脆，用上少少麻醬調味，十分清新開胃。原來每次餐前小食都唔同，今次有螺肉。味噌湯～一落完Order，鰻魚飯即上～成條約一把長間尺既燒鰻魚放在飯面，十分肥美！！！冇斬件原條上更覺矜貴！燒得剛好好，有微微炭香味，塗上少量鰻魚醬汁，配白飯中和一下油膩感就perfect! 竹串日本料理既海鮮全部由日本直送，真係要試試啦！極上魚生飯有齊牡丹蝦、三文魚、吞拿魚、海膽，帶子和油甘魚，鮮味十足！件件刺身好厚切，帶子係好肥美...而且仲係中間夾左塊檸檬添~令到帶子更加清新鮮甜！睇下隻牡丹蝦幾大隻！D肉仲好扎實架！最後仲有甜品：迷你雪米糍，今日我食到香芋味～完美。價錢超值，店員有禮服務周到。竹串日本料理銅鑼灣登龍街28號永光中心15樓3590 4577/6695 6482

竹串日本料理是一間居酒屋料理店，除一般刺身外，更有各式串燒供應。 午市造訪，正正安坐於串燒爐面前，可邊吃邊欣賞串燒的製作過程。 每份午餐除主菜外，亦會跟上沙律、小食、味噌湯及甜品。小食是涼伴海蜇，食感脆彈，麻香帶甜。味噌湯口味輕輕的，為濃味串燒打頭陣效果不錯。 主菜是一份串燒拼盤，內含銀鱈魚、鹽燒手羽燒、芥末松板豬、翠玉瓜、秋葵及一口甜薯。 銀鱈魚味道甜滑，外層微微帶焦。套餐以鱈魚定名，但只有小小一塊略為失色。鹽燒手羽燒連雞皮享用香口度甚有保證。芥末松板豬的芥末味道不甚突出，但肥夾瘦的肉質與雞翼一樣十分甘香。翠玉瓜面上灑滿胡椒食鹽，味道香辣上味。秋葵經燒烤後仍能保持水潤嫩爽。一口甜薯味道一如預期，不及之前兩款燒菜蔬出色。 在飯餐的末段時間，店員隨手放下兩顆雪米糍作甜品。竹串日本料理的午市套餐才不過數十元，以這樣的串燒質素來説實在有所交代，可以試試！

早前在網上得知銅鑼灣有家新開的樓上日本料理，老闆是某著名串燒店的老闆，因此質素自有信心保證。雖然公司距離不近，但午市吃日本定食，價錢亦相宜，吸引度立即大增。於是，一個多星期前，我便與同事相約一起前往。 廳挺有日本居酒屋的風格，主要採用木製桌椅及木系裝潢，感覺十分和諧舒適，簡樸不花巧。 午餐到底有吸引？你看，每個套餐除了主食外，還包括沙律、味噌湯、小食和甜品，豐富得很，價錢最多亦不過$98元。雖然需要另外支付加一服務費，對於在金鐘上班的我而言，仍是十分吸引呢！ 午餐的價錢定價由HK$68 至 HK$98，選擇種類多，如魚生飯、和風便當、烏冬定食丼飯等。 鰻魚控的我選極上鰻魚飯是自然不過的事，同事就選了極上魚生飯。不到一會兒，前菜就送到了。先是沙律，後是小食和味噌湯。 今天的沙律是薯仔沙律，薯仔稔糯，入口滑溜，同事還發現薯蓉中間藏有蟹柳粒，有驚喜！小食則是海蜇，爽滑惹味，帶點微辣，十分開胃。味噌湯味道中規中矩。 同事的魚生飯先來，可能賣相吸引，她也來個相機先食。 這個極上魚生飯（$98）材料豐富，包括牡丹蝦、帶子、海膽、油甘魚、吞拿魚及三文魚共6款，配搭起來令整碗飯看起來色彩繽

幾個星期前，到登龍街晚膳，在街頭接過一大疊飮食傳單，隨手便塞入我的八寳袋。今天清理手袋時，看到這張優惠卷，憑卷可享全單八八折，限期至今十一月尾，只剩幾天優惠卷便報廢，我嗱嗱聲訂了星期一的午市時間。上到餐廳，有吧枱區和卡座區，我當然選擇吧枱區，因為可以看到師傅在廚房準備食物的過程外，亦可近距離看到食材區。坐在吧枱，新鮮的魚生就在面前。還可以看到師傅處理燒物餐廳的午市套餐共有八款，價錢由$68-$98不等，每款套餐都包括沙律、味噌湯、小食和甜品。極上魚生飯（$98）👍👍👍👍魚生飯有海膽、牡丹蝦和每樣各兩片的帶子、三文魚、吞拿魚和油甘魚。其中三文魚和吞拿魚都是厚切，所以特別有口感，帶子爽甜，牡丹蝦都很大隻，各樣食材都很新鮮。厚切呑拿魚牡丹蝦竹串頂級牛舌燒（$88）👍👍👍👍套餐包括：厚切牛舌、鹽燒手羽先、芥末松板豬、翠肉瓜、秋葵、一口甜薯。厚切牛舌 - 爽口有嚼勁，調味粉惹味加上燒烤的香味，不需點汁，原汁原味已味道十足。鹽燒手羽先 - 有兩隻雞中亦，雞皮燒得香脆，雞肉則仍幼嫩多汁。芥末松板豬 - 這串松板豬給我最大驚喜，一口咬下，有點脆口，但𥚃面的肉汁還緊緊鎖在肉內，配合日式芥末醬，味覺更突出

以前黎登龍街，多數食樓下幾間拉麵，後來愈執愈多，又愈開愈多新野，最近又黎過v point，原來除左呢度，永光中心都有唔少食肆。週日黎到附近，猶疑食邊間餐廳嘅時間，樓下姐姐派傳單，講緊呢間新新地嘅日本料理，位於15樓，因為見午市套餐都幾抵，所以上去試試餐廳位置都幾多，環境偏暗，裝潢富日式風味，以木枱木櫈為主，有卡位有吧枱，啱啱開店嘅午飯時間，人流唔多，所以坐得舒適。後來離開嘅時候，都多左啲客人，相信係因為大家都覺得午市幾抵食吧午市套餐一共8款，有魚生飯、日式叉燒飯、鰻魚丼、便當、烏冬、牛舌燒、銀雪魚燒定食等，定價$68-98。以銅鑼灣區而言，價錢幾吸引。套餐包括有沙律、味噌湯、小食、甜品。我地一人點左一份定食，人均消費唔洗一百蚊沙律、小食沙律菜正常質素，幾新鮮嘅；小食係螺肉，冇雪感，份量唔多，幾粒仔。味噌湯海苔、豆腐、金菇，都幾多料，又夠熱。極上魚生飯 $98魚生款式都幾多架，有帶子、牡丹蝦、三文魚、吞拿魚蓉、油甘魚、海膽，賣相不錯。飯量適中，食落硬左啲，魚生整體都好新鮮，而且睇番價錢都覺得性價比幾高最好食係帶子，大粒鮮味；三文魚唔算好厚切，刺身蝦幾肥美，吞拿魚蓉滑溜冇渣；海膽份量唔係好

剛剛去完日本一轉，返港雖只有兩天，但味蕾仍掛念著上機前喺黑門市場食o既刺身早餐，今日終於忍唔住又想食魚生，結果當然係孖會計小姐去覓食啦！二人就憑之前喺街上接收到o既傳單，決定一試可享八八折優惠o既「竹串日本料理」。餐店內外o既裝備都用木為主材，感覺乾爽企理。店子右方有個壽司吧。最舒適應該係貼牆o既四人皮櫈卡位。因午飯時間僅有一小時，兩口子早已喺網上查閱過午市餐牌，埋位即點選咗兩客丼丼。兩款丼物套餐均附上沙律、味噌湯、小食及甜品。沙律：薯仔沙律清涼爽脆，極易入口。小食：海蜇爽潤惹味，微辣醒胃。極上魚生飯（$98）：大大碗o既魚生飯含帶子、牡丹蝦、三文魚、吞拿魚、油甘魚及海膽，十分豐富。丼物o既魚生飯底粒粒飽滿，大大隻帶子白滑幼嫩。油甘魚爽厚肥美。三文魚柔潤鮮甜。牡丹蝦爽甜潤滑。海膽則香濃滑溜。每樣食材都一樣咁鮮香美味， $98絕對抵食。會計小姐最愛食魚，鰻魚更係佢「飛佛」，所以就點咗客「極上鰻魚丼飯」。XO仔一向怕骨唔敢食魚，何況係咁多細骨o既鰻魚呢？！原條長長o既鰻魚實在震撼，結果細佬都係忍唔到手要俾自己部手機先食。

冇呃你！有圖有真相！第一次嚟到登龍街食嘢，因為經過見到嘅餐館都比較貴，而且又細細碗咁，唔係好捨得食！但今次居然比我搵到平！靚！正！嘅嘢喎～竹串日本料理只係開咗幾日，老公朋友食過覺得好抵，我地就即刻過黎LUNCH啦！果然，食物質素十分之到位！而且又坐得舒舒服服～午市套餐由$68至到$98不等，包括沙律、餐前小食、味噌湯同甜品！前菜好特別，有海帶同八爪魚，加上醬汁攪拌而成，淘小姐係出面真係未食過～我叫左極上魚生飯$98～嘩！嘩！嘩！刺身好厚切啊！有帶子、牡丹蝦、三文魚、吞拿魚、油甘魚同海膽！！！通常三文魚都會被視為比較普通嘅魚，但呢道既三文魚刺身俾我一個驚喜嘅感覺！脂肪分布均勻，魚脂嘅甘香，更增添食慾～兩件帶子(厚到不能用片做量詞！)只係俾我掌心細少少，而且仲係好似十分甜美！油甘魚同埋拖羅簡直係高質添！隻牡丹蝦肉質爽甜，好好食啊～＄98食一個魚生飯，我相信外面一定食唔到呢一個質素！真係超值！！！極上鰻魚丼飯$98呢個鰻魚飯...... 老闆會蝕本嗎？用上海鰻，冇斬件斬件原條上，更覺矜貴！誇張嘅Size更加令我哋一食難忘，長度比男士嘅手掌還要長！驚喜呢～我地post左上自己既社交網站，個個朋