Zeng

營業中

休息中

Book 左枱提早同媽媽食母親節飯之前成日經過果時都已經想去，趁今次試試佢🤣一上到去，燈光擺設環境都唔錯，暗暗地有啲氣氛🤭仲有露台望海景位，可惜果日餐廳話唔開放...因為屋企人唔多食生野，所以主要都係揀啲熱食。香脆炸蠔（3件）$58炸粉唔算厚，蠔肉飽滿，上枱仲熱辣辣，唔錯！雜錦串燒（豬肉、雞肉、羊肉）$158職員話冇羊肉，所以豬肉同雞肉各半。串燒既上面既香料有啲特別，唔係淨係孜然粉，聞落好惹味。豬肉乾左啲，食落有啲「鞋」，反而雞肉好嫩好入味，所以後尾我地encore 左2份雞肉串和牛手握壽司🍣（6件）$168牛肉口感爽口，唔會太熟，可惜牛肉爭咁啲油份，燒過後既牛肉香氣會更加突出，總括黎講係值得再試！和牛西冷牛扒配秘製香醋和新鮮生葵 $268呀妹好滿意，佢本身食開比較熟同瘦既牛扒，而我覺得牛扒都算爽口，香醋味道比較特別，整體黎講都唔錯。北海道帶子夾海膽（4件）$195帶子普通，海膽唔新鮮，一放入口就聞到啲腥味，細佬食左一舊就冇食了😂😂松露伊麵 $118啲松露片係職員即場拎舊黑松露出黎刨係碟伊麵上面，有啲睇頭但係一食落口，松露味唔算太出，反而伊麵極級咸！我細佬平時食得好重口味，連佢都頂唔住

辛苦咗成日之後去返間舒適又靚嘅餐廳食下飲下係一件好放鬆嘅事今日就特登嚟到銅鑼灣v point嘅Zeng輕鬆一晚一出𨋢就已經係㗎喇 唔駛驚走錯地方經過一條小走廊之後就見到個bar座位有室內有室外 今次揀咗坐室內因為食野好似方便啲😆食物種類算係西日fusion 款式唔係話非常多 不過都已經夠吸引成日餐廳啲環境都好靚 連啲餐具都好精緻添✨Smoke Grenade $168個alcohol base雖然係whisky 但加咗嗰枝好似香薰嘅野之後有陣好特別嘅香味令到唔飲whisky嘅筆者都覺得好易入口 好好飲✨和牛手握壽司 $168呢個價嚟講cp值真係好高牛肉味濃 壽司飯軟硬適中 超推薦⭐️⭐️⭐️✨意式明太子烏冬 $128賣相已經好吸引🤤明太子醬好濃 每一條烏冬都完全被啲醬包住 而烏冬亦都好彈牙 係略嫌份量細咗啲啫😝✨松露薯條 $68呢個相對嚟講係比較失色嘅個薯條有啲太鹹而松露醬亦都唔夠點晒成碟薯條✨自選shisha $380食完野之後貪得意想玩下shisha就叫個職員介紹下😛食開嘅朋友仲可以自己揀鍾意嘅味添但因為筆者無乜經驗 所以店員就調配咗隻帶啲甜味又有啲薄荷味嘅好易入口 好啱新手試下😗總結

朋友提議Shisha，揀左呢間新開既Shisha Bar，呢度仲有野食添，個景仲係無敵海景。我地黎到就要求坐室外，欣賞呢個無敵景。食物方面呢度係日式為主。<刺身丼> ($158)上面有啲角切三文魚、帶子等，都幾色彩繽紛。份量黎講都係日料size。<和牛手握壽司> ($168)和牛大概五成熟，上面用左金箔裝飾，係壽司飯上都幾夾。味道都有幾香濃牛味架。<松露伊麵> ($118)呢個有啲似豉油王炒伊麵哈哈。食落幾有松露味，上菜時侍應特登黎刨一片片黑松露上去。<Square-piped Shisha> ($380)黎到主角Shisha，我地揀左朱古力味，呢度有專門招待Shisha客人既侍應，對Shisha特別熟悉，好有心機解釋比我呢個對Shisha唔多熟既客人。<Smoothie> ($88)話就話係Mocktail，但其實就係一杯Peach 奶昔，味道唔會太甜，打得幾滑，我同朋友都幾鍾意。呢度裝修豪華，景觀開揚，好適合同朋友傾計聚會。