老媽拌麵 (北角匯二期)

營業中

休息中

一包包煮嘅就老媽拌麵就見得多了😆煮就未煮過🍜今次直接黎到實體店試 佢有幾間分店 我就梗係去港島嘅北角匯分店🤣🍜和牛炸醬拌麵 粗麵 $78賣相不錯😍粗麵口感非常彈牙 但係唔會過分林或者過分硬 配菜有青瓜絲🥒同埋蘿蔔絲🥕煎蛋🍳令成件事生色不少 和牛粒醬汁如果更濃郁就好了🌶🍜川味紅燒半筋半肉牛肉麵 $78牛肉手筋都好淋好嫩👍🏻湯底好香 如川味更重會更佳🌶麻辣鴨血 $68最滿意嘅一道菜式 鴨血好滑😍浸上麻辣湯底 非常惹味😋麻辣湯入面另有菜同埋滑lutlut豆腐🧈應該自己一個食晒成碗都得🤣🤣🧆黃QQ (黃地瓜球配花生碎餡🥜) $56從來未食過呢樣嘢 純粹一個搏一搏嘅心態去試😍😍因為呢啲會剩係得我4粒🧆點知一上枱有成8粒😆一咬落去完全係我鍾意嘅嘢🤣同佢個名一樣 超級Q彈！好似食緊年糕咁😋再加上入面包住花生碎🥜甜甜地鹹鹹地 好得意呀😍🧋老媽黑糖珍珠鮮奶茶 $33對珍珠要控制控制控制！ 🧋所以只偷了男朋友的飲2啖🤣超重黑糖味 不過不失

丫妹放假約我一齊DINNER, 於是放工行過北角匯呢個美食集中地, 記得之前好幾次經將軍澳見到有間叫老媽拌麵, 門外仲是排住長長人龍, 而北角匯都有間分店, 今晚終於有機會試試!餐廳都係今年年頭新開, 地方光鮮企理。看看MENU, 除了standard menu, 原來仲推出了冬日限定兩款一人一鍋火鍋, 今日天氣咁凍, 正好order一試! 另外仲叫咗一個拌麵同台式小食。【清燉牛肉湯鍋】HK$108豐富食材排滿了小鍋內, 以一個小火滾住食。入面有蝦餃、丸類各一, 而麵底本身已熟, 只係放入去滾返熱就食得, 湯底清甜, 麵質帶點點煙韌, 波浪邊嘅刀削麵令入口口感更特別。鍋中更有大量蔬菜, 索咗少少湯底, 更顯清甜。配上肥牛, 整個配搭美味又飽肚。【澎湖花枝丸】HK$32即叫即炸, 表面帶點油光, 唔算彈牙, 亦冇太明顯嘅花枝粒【冬瓜檸檬】HK$24甜度好足, 雖然加有檸檬, 感覺幾清新。【和牛炸醬拌麵】粗麵 (加麵) HK$78伴麵熱熱地, 令到整個刀削麵容易同配料混合, 麵質完全唔硬反而幾彈牙。和牛碎肉比一般所食到既肉碎大粒d, 所以層次明顯。配有煎蛋、蘿蔔絲、青瓜絲, 食起黎多重口感

經過呢間食店好幾次，都未試過。咁今日晏晝午餐時段又經過，咁就要入去啦😊唔使點樣排隊，都已經有位啦👍🏻門口一經過已經見到好幾分盒裝的老媽拌麵品牌的麵，其實之前冇乜聽過呢個牌子，對於盒裝面也有點好奇😯不過都冇問職員呢啲係咪可以買定點😅我們兩人每人點左一碗麵，我自己就加咗$18 要一杯特飲。好驚奇😃😃😃 啲面好好食😋最重要係價錢好抵!!!!!麪 🥢 1: 老成都擔擔麵 $52味道不是太辣，有一些少麻辣的感覺，非常入味好吃😋 麵不是太軟也不硬，剛剛好。份量不算太多，所以很合適，能夠把麵全部吃完👍🏻👍🏻麪 🥢 2: 和牛炸醬拌面 🍜$78這個雞蛋不是半生熟流心蛋，而是煎蛋🍳 也要看看自己會不會不喜歡，因為本人比較喜歡流心蛋，所以沒有考慮這個餐。不過我也是了一點點🤏 覺得味道一般，不夠老成都擔擔麵好吃😅 和牛一粒粒，口感奇怪🤔 我自己不喜歡這個麵。加錢特飲：熱洛神花茶熱熱的、帶點酸，很好喝，而且健康。我很推薦👍🏻 不過我看見餐牌還有很多不同種類的飲品，不少台式珍珠奶茶🧋等等，下次有機會再去試試看!