Niku Niku (已結業)

今晚約朋友黎大坑呢間高級日式燒肉店食晚餐。呢度門口好有型啊全黑。呢度師傅係日本人，賣既牛都係高級鹿兒島和牛，係可以生食架，所以今晚都係燒到三成熟就已經食得。<和風生牛肉片>（$150）呢個份量都幾大，每塊都幾厚，有半厘米厚。調味係酸酸地再加上蔥頭，好惹味，加上有啲筋，所以都好有咬口，口感就幾似鯛魚。<和牛燒肉盛合>（$540）呢個盛合有三款牛，每款兩片，岩曬兩個人分享。分別有牛柳中部、西冷、牛小排。牛柳口感軟，脂肪就無咁高。西冷脂肪含量高啲所以感覺牛味更出。牛小排就達至入口即溶境界，超正！<蔬菜拼盤>（$60）呢個幾抵食，有多款蔬菜，食極都有。呢度好在有經驗老道既侍應幫手燒，令每款厚度不一既蔬菜都燒到啱啱好。<日本赤雞腿肉>（$110）有四件，雞腿肉夠曬嫩滑。要燒得好真係好考功夫架，因為雞肉唔係好似牛咁平一塊。<白飯>（$30/個）係日本珍珠米，好正好有米香，份量都幾大碗架。呢度價格唔平，但勝在食物高質，服務亦好有日本既水準。

朋友又一介紹和牛推介 - NIKU NIKU。距離銅鑼灣/天后中間，大約行7-8min左右，一路行既時候，更覺慢慢由煩囂的都市走進寧靜，而來到門前，更覺典雅時尚。店內以簡約灰黑木紋設計，更顯高雅，而枱與枱有一定的距離，坐得非常舒適。餐廳原來專邀日本師傅來到，再以他的精湛手藝製作每一道菜式，實感用心經營。特上和牛刺身來到當然要食和牛刺身，和牛刺身每一塊到清晰的看到其油脂，就像魚刺身般，精緻亮麗。韓國生牛就吃過，但這樣食真是第一次，入口完全不像吃牛肉，咬落肉質軟腍，油脂肥瘦適中。北海道海膽和牛卷在店員推介下叫了一份海膽和牛卷，賣相相當精美，以和牛卷作底，上層加入北海道的海膽作提升味道，吃下去更有一種鮮甜，飽滿的感覺。和牛燒肉盛合3盛合中分別有：西冷、牛小排、牛柳。店員介紹：他們都是用上A5級數的和牛，所以只要一燒一反便可以，千萬不要亂至太熟，3-5成便可以了。燒起來真的是香氣撲鼻，忍不住口水直流了。不論係西冷、牛小排、牛柳，A5水準絕對唔簡單，我都忍不住只燒了1-2下便起了，這樣才不會浪費了這和牛...看看，隱約看到內裡還是紅紅的。咬下去肉質細嫩腍滑，肉汁豐富，油香十足，而不膩。正！牛尾拉