Involtini Italian Cuisine

營業中

休息中

今日捉咗酒筲箕上嚟一齊試新鮮手造意大利麵。大廚之前喺Bombana負責造麵，喺嗰度整得麵，水準一定唔會差得去邊啦，而家可以用超親民嘅價錢食到Bombana嘅麵喎，唔係唔試呀嘛？麵包非常有誠意嘅麵包籃，有三款麵包，番茄包、香草包及一款唔知乜野包，不特止，仲要有cream cheese及火腿喺旁邊，點搞啊，麵包已經咁正....粟米湯平時唔會想飲嘅湯，因為都肯定係開罐頭煲；但呢個真係唔飲唔得，用新鮮粟米煮成嘅湯，啖啖都有超級濃郁嘅天然香甜粟米味道，仲有啲徘徊在似湯又羹之間嘅口感，好飲到不得了！和牛肉丸意大利寬麵，意大利圓椒 （$98)牛肉味當然香濃，有一種鞋口嘅質感，手打肉丸比機造嘅更有嚼勁，唔會一咬即散；寬麵係每日用意大利蛋黃、00麵粉及礦泉水新鮮製造，夠厚身，極度極度極度煙韌彈牙，仲要充滿麵粉香氣，好食好食好食好食好食好食！！！！Raspberry sorbet (+$18)充滿天然嘅酸香，滑一滑入口即溶...........！！！奶茶食物已經好滿意，奶茶仲要係一壺咁正？食完之後，好驚佢會執... 因為太抵食，服務又好，一路打一路懷念個pasta.....

姨媽們將下星期返美，週三就約同班姊妹午聚，一試銅鑼灣新開冇耐o既意大利餐廳「Involtini Italian Cuisine」，見地點離XO仔公司不遠，所以亦預埋細佬一份。步出升降機門，即見黑板上寫出店子以熱情烹飪o既理念。牆上掛出溫馨照片，簡單可愛。眼見透明陳列小屋內擺有廚師自家製o既幾款麵條，細佬即立定決心午餐要好好品嚐手造意粉。食店以黑白o既對比營造出潮格o既裝潢，雲石o既餐桌配上貼牆黑色o既厚墊梳化及白色通窿o既椅櫈，視覺上就好涼快。不過唔知係咪前特首o既室溫二十五點五度效應呢，定係開放式廚房散出太多熱能，又或者係冷氣故障，店內氣溫實在高得可憐，就連平時唔怕熱o既姨媽都不停滴汗，當真極有需要改進。午市餐牌合共有兩頁，第一頁為全日供應o既散叫項目。第二頁則為特價套餐，每份包有麵包、主菜及餐茶或咖啡，要加配湯品或甜品均要另加$18。我地一行七人每人都點咗個套餐。用籃上o既麵包有自家製火腿伴上。傳統意式甜粟米湯（另加$18）清香甜濃。小肥所選o既「和牛肉丸意大利寬麵，意大利圓椒」（$98）主角其實係自家製o既意大利寬麵，麵條煙韌彈牙，可口美味，不過個人略嫌和牛肉丸唔夠潤滑，真係食唔