雞蛋屋

營業中

休息中

星期日晚經過旺角突然間想起呢間餐廳，一於去醫下肚先。可能由於疫情關係，得三枱客，坐得好舒服。座位已梳化為主，枱唔會放得好迫所以適合同朋友嚟傾偈，有三張大枱可以望到街景。啲職員好有禮貌，響門口幫客人用消毒劑消毒衣服。我叫咗個和風牛肉湯烏冬，味道唔錯，溫泉蛋處理得好好，湯底唔會太鹹啱曬我，分量好大，勁多牛肉，一個男仔絕對食得飽。雖然有其他食物但係因為我只得一個人所以未有機會試，下次會再嚟試，特別係鹽酥雞同埋各式各樣嘅多士。

「在雞蛋與高牆之間，我永遠站在雞蛋那邊。」朋友介紹下，我去咗呢間樓上黃店，唔使預約唔使排隊，雖然係好事，但見到餐廳坐唔滿又覺得可惜。事關真係又好食又平，坐得又舒服！我朋友跟我食同一款烏冬我地一致認為好好食，但略嫌份量唔太夠。雖然烏冬份量唔夠，但可以叫個小食，反正唔貴！嘩呢個真係超級邪惡店員整得好比心機兩個飲料都係正常發揮，好味又大杯！抵！我地食到不停加點食物，真係又平又好味，最後埋單覺得好抵，好彩店員都冇嫌我地煩哈哈！

門口寫只招待會員，只要香港人即可免費申請。環境光猛，整潔企理，價錢中低，份量唔算多。座位闊落，坐低同朋友慢慢傾偈食嘢幾舒服。上菜有點龜速，因為只有兩位店員打理。味道65分，小食好吃，主食一般，飲品不過不失。.🔸和風牛肉湯烏冬($55)🔸日式魚餅湯烏冬($49)正正常常，湯底幾清清地，魚餅好淋，牛肉較薄。.🔸台式滷肉飯($45)🔸和風牛肉飯($49)味道一般，飯落得太多汁，令到成個飯都變得太濕。.🔸鹽酥雞($34)🔸炸花枝丸($32)🔸台灣香腸($29)🔸炸芝士年糕($28)🔸炸花枝蝦餅($38)全部小食都好食，啱啱炸出嚟，熱辣辣，好香。唯獨花枝丸比較林，唔彈牙。鹽酥雞則比較鹹。.🔸芋圓BB鮮奶茶($45)🔸卵子($45)入面好多細細粒嘅芋圓，幾香芋頭蕃薯味，不過咬落較硬。卵子係加咗啲雞蛋入去沖嘅特飲，有啲似中式糖水。.

咁岩落開旺角 又諗唔到食啲咩 碌一碌個IG 見到有人介紹呢間新野 重點係佢係黃店 又有烏冬 咁岩我同個fd都好中意食烏冬 又懶得諗食咩 就去試下啦 夜晚6點幾去到 個陣未開始多人 仲有幾枱空既 店員話隨便坐 環境唔錯 啲位都好舒服 坐到唔想走 叫左兩個烏冬 等多陣 好快就黎到和風牛肉湯烏冬 牛肉好淋身 岩岩好 唔會話太硬咬唔到 又唔會話過淋 好好味日式魚餅湯烏冬 有兩塊魚餅 就係日式個啲普通魚餅整體黎講 夠簡單 幾好味 份量岩岩好 味道唔錯 坐得好舒服 價錢又算正常 唔貴 服務幾好 食完走個陣出面已經排陣隊了 值得一試

一出lift，就有大大個牌寫住「只招待會員」，清楚話比大家知係黃店💛💛然後一入門口就清楚睇到成間鋪頭嘅格局鋪頭唔算好大，但全部都係梳化凳，由於過左午市繁忙時間，店員俾我哋隨便坐~坐左一張四人枱，十分之闊落😚😚入面勁多佈置，仲有好多Memo俾大家寫俾手足，超級有心！ ！呢盞燈仲係自製添 好有心思🥰主食嘅選擇唔算太多，但分量十足同埋價錢抵！性價比高😚叫咗個牛肉湯烏冬有啲色彩繽紛嘅配料點綴，咬落去好有日式風味🥰湯底好濃味但係唔會好鹹😋牛肉望落去煮到好熟咁，但佢切得好薄，食落去好軟好鬆化，好入味！另外佢嘅日式卷蛋都有驚喜🍥🍥平時出邊食嘅都係好大陣麵粉味，同埋偏硬但係佢呢度煮嘅好入味之餘仲好軟🤤佢加咗好多配料，但係配料之間好夾㗎~朋友叫咗個台式滷肉飯，一開始以為上面嗰啲係木魚，原來係蒜來的🤣🤣滷肉飯好入味，又唔會覺得太鹹叫得雞蛋屋，自然每一道餸都有隻蛋，意外地同滷肉飯仲有烏冬都好夾！無論吃飯定係面都分量十足，我同朋友都食得好飽🤣🤣另外佢呢度嘅嘢飲會自動送一隻外賣杯俾你拎走， 十分方便啊！店員十分親切同體貼，好有禮貌~推介推介