萬發海鮮菜館 (已結業)

之前去過大角咀的萬發，唔覺有乜特別出色。但係石硤尾呢間好唔同，室外內環境雖然一般，仲有d簡陋，但勝在餸菜好味，氣氛熱鬧，侍應快手快腳但不亂。食客開懷歡笑，有傾有講，真係一個唱飲唱食好地方。先講環境，枱同枱都好緊密架，但我地坐近走廊又無大影響。一門之隔近厠所有堆枱似係可食煙位，室內仲有幾條低陣要彎腰穿過，小心撞頭。厠所男一格，女兩格，女的比較迫，肥人入去關門有點難度。d 餸都算大碟，我地6個大人去食，食左以下呢幾味，個人最鐘意係石頭鍋糯米飯，味道軟硬適中，仲有飯焦我最愛，正！其次鐘意薯仔牛柳粒，牛柳熟左d, 但薯仔真係好正，外有點脆及濃濃野味汁，內裡軟滑，真係為左個薯仔要叫呢味！ 魷魚好新鮮，唔會過熟，唔會好厚粉，味道剛好，又熱辣辣上枱，好味！呢條魚過斤半，但都蒸得好滑，蔥又夠多，但個人鐘意多d 鼓油同咸番少少。魚皮唔係我favour, 但都食左舊試下，我麻麻地，又唔彈牙又唔滑又無味，d質感好怪。我都係覺得蝦乾同勝瓜好味d, 有好多蝦乾。以呢間高水準飯店，呢味我覺佢一般，粉實了少少，個汁太結，如用鮮菠蘿更正。豬油渣炒西洋菜，菜無根，炒得唔算多油，但豬油渣炸得唔夠乾身，咬落去有咬豬糕咁唔夠

有朋友食完一次呢間野之後大讚話一家要黎試多次佢講到Ｄ野食真係好好味咁，於是我地就一行四個人黎試啦意為要等好耐位，但今次好出奇地唔駛等位但食過的朋友就話星期五六日係十分多人，要等位既入到去諗左好耐食咩朋友話有兩樣野係必食既～第一就係咕嚕肉，第二就係薯仔牛肉粒我地四個日總共叫左五碟野食每人賣單都係百零蚊，算係好抵食！

約左舊同事食飯~選擇再幫襯萬發海鮮菜館再會一會佢的新鮮海鮮~~~一早BOOK左位,所以唔洗等位今次坐係主舖,上菜速度快好多~因為只可以上載8張相, 重有一個菜就無相睇了~回鍋肉: 椰菜爽甜, 豆腐乾腐味香濃, 肉片是腩片,好爽嫩!!結尾: 6個人9個菜~真係好滿足!!好抵食~~服務質素有改善!!但依然係人手不足...想搵個人追單都難....不過我重係會再幫襯報告完畢~~~

妹妹每次回港都必定到萬發食晚飯，我們喜歡它的小菜鑊氣夠，款式多！今晚一如以往叫了我們喜歡的小菜：咕嚕肉：唔會同傳統的一樣用肥豬肉，但肉質外脆內軟。菜膽雞：雞頗肥，還是喜歡風沙雞多點上湯浸豆苗：正常水準金沙九吐魚：我的至愛，鹹蛋黃外層香脆，內裡魚肉嫩滑！椒鹽豆腐：只是炸豆腐，沒特別鹹菜豬肚湯：有很多胡椒，好野味，很適合冬天喝這次晚飯雖沒什麼驚喜，但萬發維持水準，仍然是美味的一餐晚飯。