亞龍咖喱

營業中

休息中

同事介紹～話黎廟街都去試下亞龍咖哩，咁今日工作去開個頭便試下啦⋯⋯點了個咖哩牛腩，選了中辣⋯⋯送到黎又係熱辣辣好香，牛腩蚊得剛剛好好好味～配白飯就一流(連汁都可以撈黎食唔錯）

聽朋友介紹話呢間餐廳咖哩好味，便去試下，入到餐廳，看餐牌選擇不多，叫左咖哩牛腩和咖哩雞，每款可以要淨餸，跟飯或簿餅，牛腩都有5-6舊左右，而咖哩雞肉都算滑，另外咖哩汁帶有辣味，配上簿餅來吃真係好好味

今晚一個人去了佐敦處理私事，之後當然要食餐好啦！但天氣太熱唔想食煲仔飯，所以就去左食亞龍咖哩。去到時已經差不多9點，所以有很多空位，不用等。由於只得自己一個人，我就叫了我最愛的咖哩牛腩 。而跟餐可以選擇白飯或鹹薄餅，我就選左薄餅。咖哩牛腩（$72） － 我今次叫的是小辣，咖哩味十分香濃，辣度不會太強，加上洋蔥的甜味，非常惹味。而牛腩就煮得十分入味，但又不會太淋，有咬口，再加上有少少肥肉，食起來非常甘香。和咖哩汁十分配合。薄餅 － 薄餅應該係即叫即整，上桌時仲熱辣辣，帶點淡淡的麥香，食起來有少少軟韌，點咖哩汁食簡直一流。咪睇小果片薄餅，食完都好飽。 食完後口內仍然保留著淡淡咖哩的香辣，令人十分回味。 下次再來時一定要試下咖哩蛋！

是媽媽的推介所以才去的到達的時候 全餐廳都滿座了可以感受到它的受歡迎程度其實就是很簡單的咖哩牛腩可選大,中,少辣可配白飯或薄餅份量大足夠兩個人吃我喜歡它不太油牛腩肉質ok清水任飲水壼就在桌上隨便飲可以開開心心地吃一餐白飯爽 配咖哩汁剛剛好註地方有點迫吃完不適合談天服務態度良好

10月中約了女朋友去佐敦行街街, 本身想食澳牛, 不過又想試新野, 見亞龍咖喱係openrice 都有好多好評, 一於去試下. 下午2時后去到, 8成枱已坐滿, 搵位坐低即刻落order, 叫了咖哩牛腩 & 咖哩牛筋, 正猶豫要飯定薄餅時, 阿姐已經幫我地決定左一樣一款試下 咖哩牛腩+白飯先送來, 個咖哩汁好惹味, 有一粒粒相信是蕃茄的東西, 送飯一流. 牛腩份量頗多, 而且炆得好腍, yummy 接著來的咖哩牛筋+薄餅就比較遜色了, 牛筋很大舊, 有些還連著骨頭, 只好說不是我杯荼; 同來的薄餅很乾很薄, 不像平時吃開印度薄餅nann那種, 可能國家不同, 類型也不同 埋單接近一百元, 都算偏貴, 未試過就可以一試.

很久以前來過一次，當時還在舊舖位，那次第一次食印象難忘，非常的辣但大量洋蔥碎又來的香。隔左咁耐，耐唔耐都會來一次，同樣的叫了咖哩牛腩，再要了咖哩牛肉，2樣都係少辣因為就算呢個程度對我來講都係非常要命。牛肉比牛腩還要貴~意想不到，一客要飯一客要餅，2客牛先上，還是一樣的香 不同的是飯好似少左@_@"" 應該要多飯，洋蔥碎跟以往一樣的多，一樣的香，但還是超級的辣雙眼噴火，面上冒汗像下雨般 。鹹餅用來送咖哩乃不錯選擇 包起肉+汁一起倍感好味 牛腩帶少少肥很惹味，相反牛肉就失色了感覺就像普通牛肉加了食粉以致嫩滑的感覺，相信下次不會叫這。店員好像在落order跟單方面比較甩漏希望下次會有所改善吧~始終這裡的咖哩我很喜歡呢