餃子屋

營業中

休息中

好鍾意食餃子，聽聞荃灣既餃子屋係好得。餐廳位置係一個唔起眼既商場但電梯上一層就對到門口正一正，會見到好多人排緊隊堂食或等緊外賣。我地叫左芝士豬肉煎餃同咖哩薯仔豬肉煎餃。餃子真係即叫即煎，大大舊好多料，好好味。餃子唔乾身好juicy，咬落口仲會爆d汁出黎。餃子全部煎到好金黃，果然明不虛傳。我地無叫湯餃但聽到隔離枱話煎餃好味過湯餃😆加左碗米線$12都幾大碗但建議大家盡量食餃子唔好叫米線🤣。會再回頭

初初幫襯已經要排隊，經雜誌佈導後，繁忙時間基本上起碼要排半小時才有位，幸好之後擴建，位置鬆動一點，才不用等那麼久～這裏的餃子全部都大大隻，較喜歡煎餃。還有一定要配湯麵，魚膠淮山湯底膠質重，雖然現在已不及以前那麼天然好喝。餡料很多，咖哩、豬肉超夾，看到粒粒薯仔，咖哩微辣，惹味又香口！馬蹄大粒、爽甜香脆有咬口，香茜味濃，餡料可以中和一下煎餃的油膩。皮蛋豆腐超大碟，豆腐大大件，皮蛋未至於糖心蛋，但都不錯，由於面頭有大量肉鬆，伴微辣醬汁同吃十分惹味。略嫌醬汁有點過鹹！

第一次試呢間野，都幾多人等位。叫左碗咖哩薯仔湯餃，羊肉湯餃，其中一碗加七蚊要米線，都係六隻要魚膠豬骨湯。仲要左個皮蛋豆腐，咸左少少，但好好食👍🏻👍🏻咖啡薯仔餃子值得一試，幾好味，餡料好大粒，個味似唔油膩既咖哩角。而羊肉餃相比之下就失色左。餡料比一般餃子多2.5倍，食淨餃都夠飽肚原來要打200字先可以評分，咁我講下其他野先，今次係我第一次寫食評，呢排返左新工係荃灣，所以同男友周圍試食，成日都話要影相寫食評，成日唔記得影相，又懶寫，都集左幾間郵，今日得閒會放埋其他食評上黎。呢間野，因為要等位，又唔算太吸引，位置又離我公司好遠，所以都未必會再食，因為餃子我食過一間好鍾意既係太子，得閒我寫佢食評上黎。