屯門咖喱屋

營業中

休息中

上次同朋友去屯門睇戲，之後行行吓見到呢間幾有特色嘅印度餐廳，小女子醒起幾年前都食過，所以就決定同朋友去食多次今次叫咗2人餐$205個餐包咗是日餐湯印式串燒五香雞件2款咖哩(咖哩雞，咖哩牛脷)蒜茸炒椰菜白飯和烤餅2杯野飲(凍檸檬茶)一入去未叫野食就送咗個小食醫肚先，個餐湯係雞湯，入面有雞肉，亦有胡椒味，清得嚟幾好飲個五香雞件肉質都淋，但係就幾辣，辣過咖哩嘅主菜呢次咖哩就揀咗雞同牛脷，兩款咖哩味道同顏色都有少少唔同，但兩樣都唔會太辣，咖哩雞嘅咖哩色澤比較淡，雞肉唔算特別滑，不過都好淋同入味，咖哩牛脷嘅咖哩就比較深色dd，而且每塊牛脷都好厚身，又好淋，所以好有口感蒜茸炒椰菜就正常味道，除咗可以配白飯，烤餅都比較特別，值得一提係個烤餅好大塊，而且口感煙韌，點咖哩一齊食好夾，好好味呢個價錢仲包埋兩杯飲品，而且唔洗加一，性價比都幾高，加上正宗印度野都唔係周圍都有，如果入到屯門都可以試試呢間 

嚟到屯門緊喺要跟當地街坊試吓啲街坊餐廳，今日6:00pm嚟到，已經有兩檯客食緊，餐牌花多眼亂，最後都唔想煩，點咗個二人餐，轉咗手抓餅同拉茶。一來到上咗個雞湯先，真喺嘅甜同好岩香港人口味，胡椒味比較重Chicken Tikka作為前菜，普通不過不失喱個咖哩牛脷要大讚，大大舊厚切，炆到好軟身，個人比較喜歡喱種軟身嘅質感咖哩雞同牛脷都喺同一個咖哩底，喱個咖哩喺唔辣的，所以好岩送飯，食食下平時唔喺點食飯嘅都會食哂成碗炒雜菜就是普通的，甜甜地配埋咖哩好match手抓餅真喺要盡快食，凍咗個口感無咁好終於來到重頭戲，喺你臉前拉出超多泡泡嘅拉茶，打卡必點之選

星期六午餐時間去食，唔洗排隊，唔等。一入去就有餐前湯，味道較濃。好像有很多胡椒味！？雖然是週六，但店員都給了週一至五才有的午餐套餐菜單給我。叫了一個咖哩雞和羊。上圖是咖哩雞。雞是用雞扒再剪開，正正常常。一個套餐包有薯條，烤餅和飯。一個女生可能會食不完。還有幾個大的薯仔🥔另一個是羊。雖然都是咖哩，旦汁是有不一樣的。咖哩羊是比較濃味一點。旦是有幾件。也算易咬開，不會像橡筋帶本來會期望芒果乳酪，因為要+$12-15。誰不知覺得是瓶裝的芒果汁味。圖沒調色。真係這樣鮮艷的顏色最後叫了拉茶。沒甜味，旦有特色

今日黎到屯門食呢間朋友推介既咖哩屋。苦思左一輪之後，我叫左咖哩羊，朋友就叫左咖哩雞。兩樣野一黎到個份量已經大到嚇死人，有飯、餅、咖哩 仲要配埋野飲同湯都只係四十幾蚊，相當抵食！咖哩好重香料味，好正！肉質方面都幾冧，羊肉更加帶有適量既羶味，鐘意食羊既朋友一定會覺得佢好好食！咖哩薯仔唔會煮得過冧，食落有翻一定既口感。其實我仲好想試佢個咖哩魚同埋咖哩蛋，可惜我個胃真係裝唔落咁多野😔下次再黎屯門一定要試！！

一直未試過，放假就嚟試下。大概12點幾去都仲有位，但大部分都已經坐滿。店舖內環境比較簡陋，有少少似細個港式西餐廳既佈局。中午去食會有set lunch,餐會有跟湯同飲品。嗌左個咖哩牛脷同咖哩雞，2個都加錢轉左手抓餅。因為會跟烤餅同飯，所以其實都好飽肚！強力推介咖哩牛脷！啲牛好淋好好食😋食完大概1點幾左右，餐廳外已經有幾個人等緊位！會建議早少少去比較唔洗排隊。

食左屯門咖哩屋好幾年，終於的起心肝黎寫食評店永遠都係咁多人幫襯，不過就算要等位都好快到。雖然店員全都是印度人，但同佢地講英文又得，講廣東話都得，佢地都聽得明，所以溝通無難度！**餐牌**套餐價係$45，食左幾年都無加過價，我諗應該係自己舖先可以咁平。入面包括：湯，蔬菜 (紅蘿蔔+粟米+青豆)，薯條，飯，烤餅(Naan)，飲品。雞，牛脷，蔬菜，蛋都係$45。牛，魚要加$8。羊就要加$10。如果唔想要Naan，亦可以加$7轉Roti。**隨餐附送的雞湯** (3.5/5分)有啲似金寶既忌廉雞湯，好飲。**咖哩雞 ($45) + Roti ($7)** (4.5/5分)咖哩少少辣，食得出係香料調出黎，而唔係現盛調味包。雞肉軟滑，Roti點咖哩汁食簡直一流。**咖哩羊 ($55) ** (5/5分)我自己本身中意食羊，所以點左咖哩羊。呢個咖哩汁又唔同咖哩雞嗰個，呢個比較濃同辣，可能因為咁先可以蓋過羊原有既膻味。但其實羊肉唔膻，肉唔會好實，用叉就可以分開啲肉，方便易食。Naan同Roti分別在於前者似麵包，可以吸收更多醬汁。後者則係酥餅，口感比較香脆。得閒會再去光顧，因為真係好好味總括:1) 食

第一次黎轉彎位已經聞到濃濃的咖哩味！門口好大 唔算難搵唔知係咪lunch關係，餐牌只有咖哩牛羊雞揀今次我就試咗個咖哩雞再加拉茶。咖哩真的非常地道！有好濃厚嘅香料味，辣道適中因為本身我幾食得辣，所以覺得不算太辣。而且四十幾蚊有咁多野食真係好抵前菜，薯條，飯，仲有薄餅添！飲品本新包埋，但我加咗10蚊試拉茶拉茶好正 侍應會即時喺你面前拉之後就會有好多泡泡味道有點像泰式奶茶，不過奶味較重。總括來講 呢間好特別！下次試埋佢個波菜咖哩先！

星期六下就游完水，夜晚同屋企人去食晚飯，經過屯門咖哩屋見到竟然唔使排隊，即刻衝左入去羅位🤞🏻🤞🏻 事關上星期日經過已經想食，點知門口排隊就無等到。屯門咖哩屋既地理位置其實唔算方便，附近無地鐵，做既多數都係街坊生意，但神奇地好多印度人去幫襯，所以佢應該都算幾正宗🤔餐廳內唔算大，座位亦較密集，大約容納到30人左右。食客大多數都係嗌套餐。價錢都算幾掋。我地一坐底，佢就比左碟好似係炸雜菜既野我地，都算脆既，味道就一般。其實都唔係太食得到佢exactly係咩，不過就一定唔係肉🤗我地4個人叫左個3人餐，佢個餐包左份雞件，呢個雞就麻麻地啦，肉質一d都唔嫩滑又乾🤔如果係可以揀串燒就好。雖然我地叫3人餐，侍應好好咁比左4碗湯我地，湯就值得讚既，十分清甜，好香椰子味但又唔膩套餐包左三款咖啡主食，我地揀左一個雞，雞肉都係唔嫩同乾🤦🏻‍♀️ 似用雪藏肉兼煮左好耐🤷🏻‍♀️ 但無可否認個汁係好味既，唔辣，有椰香味，送飯一流👌🏻👌🏻叫左個咖啡牛，兩款咖哩好明顯係唔同既，我地比較中意呢隻咖哩，應該係黃咖喱，甜甜地好易入口，用黎點烤餅食一流！牛都煮得好林，一咬就撕得開，比雞好好多😋要論邊碟肉煮得最好就一定非羊莫屬，佢有陣

午餐黎食真係好抵食！個套餐有咖哩，雜菜，薯條，白飯&燒餅(我加$7轉左煎餅)咖哩牛腩好淋，好入味薯仔都好林個咖哩好香香料味！食落唔會太咸，唔辣既，有少少椰香。燒餅係類似酥皮，一層層咁，甜甜地，好好味老公叫左咖哩雞餐，配燒餅。個咖哩咸左少少，但都可以接受既！d雞有少少雪味，肉質都算嫰。燒餅今次整得硬左少少，無平時咁脆，味道都算唔錯！成份餐好大份，如果唔算大食，其實2個人食1個餐都夠。