泰 (瓊華中心)

營業中

休息中

瓊華中心呢幢大廈真係有好多好餐廳😗所以呢晚七點幾嚟到 地下排咗條長龍等lift上去食飯 呢晚約咗有人去頂樓嘅Thaiology🤤泰式小食拼盤呢個拼盤有魚餅 蝦餅 雞翼 春卷各兩件 再加四串沙嗲串燒😮 串燒有得揀豬 牛或者雞 我哋就揀咗豬同雞 拼盤入面每款食物都好香口 特別鍾意蝦餅 因為真係見到有成粒蝦仁喺入面 非常足料 好彈牙🍤 串燒嘅沙嗲醬都唔錯 有幾濃嘅花生味🥜咖哩炒軟殼蟹軟殼蟹雖然冇想像中咁脆卜卜 但係都好大件🦀 啖啖蟹肉口感好正 咖喱都有幾多配菜 翠玉瓜咬落爽口都唔錯 咖喱配蟹都好夾嘅😝香酥薄餅薄餅有三件 本身我諗住用咖哩炒軟殼蟹嘅咖喱汁蘸薄餅咁食 估唔到薄餅已經會配咖喱汁🤭 跟薄餅嘅咖喱汁比較杰身 咖喱嘅椰香味更加突出 更啱點薄餅食😎濕炒河粉叫呢碟真係唔怕會唔飽 河粉份量勁😂 配埋豬肉片 三色椒 洋蔥同埋菇炒 河粉味道唔會太濃🐷原個鮮椰青呢個椰青好大個呀 椰子水味道清甜 飲完仲可以刮啲椰子肉出嚟食添🥥呢間餐廳嘅嘢食份量都幾大 多啲人嚟食就可以食多幾款菜式 等我下次約多幾個朋友嚟先🙈

餐廳座位寛敞，職員服務態度又好，可以舒舒服服地食餐飯。咖喱炒軟殼蟹 $208喺呢度食軟殼蟹唔使爭，因為一碟有成6大件(半隻) 蟹，仲要每隻都啖啖肉。蟹炸得夠亁身，唔會咬落成口油，連配菜亦非常好食，唔會有草青味，問侍應原來係用雞湯煮過，咖喱醬好濃郁，配白飯薄餅一流。（叫薄餅本身都會送一份咖喱醬）泰式生蝦刺身 $128生蝦夠鮮甜，肉質實淨，配埋蒜片辣椒同佢嘅醬汁，酸酸辣辣，開胃之選。泰式串燒雞 $48燒得唔錯，唔會過亁，而且算大串，配埋個花生醬，味道咸咸甜甜。椰子雪糕糯米飯 $88熱糯米配椰子雪糕，食落口冷熱交加，雪糕質地柔滑，糯米粘粘糯糯，配埋個椰肉實在不得了，椰子控必試。蜂蜜香茅水 $54非常多香茅，沉得越耐香矛咪越出，味道清新。

今日去完創興新Daiso 行街街, 之後就去咗一直好想去嘅 ❥⧽𝐓𝐡𝐚𝐢𝐨𝐥𝐨𝐠𝐲 ❥⧽食飯。餐廳以木色同墨綠色為主, 感覺優雅, 卡座位闊落, 坐得好舒服。𓊈冬陰功海鮮湯𓊉冬陰功有個爐暖住, 一直暖笠笠唔怕凍咗。裡面好足料, 有大蝦, 墨魚, 青口同菇菇, 全部都好新鮮爽口。冬陰功揀咗小辣, 味道偏酸, 好開胃, 而辣嘅後勁都唔野少, 好飲。𓊈咖喱炒軟殼蟹𓊉咖喱軟殼蟹上枱時已經好香, 好惹味, 份量都幾多, 有4-5隻半隻嘅軟殼蟹, 全部都炸得好酥脆。咖哩加咗椰奶, 好香濃, 用嚟蘸薄餅食, 完全唔浪費任何一滴醬汁🫣𓊈香酥薄餅𓊉本身薄餅已經有一個咖哩汁可以蘸, 味道濃而不膩, 而薄餅真係好香脆, 好好食!𓊈香葉肉碎炒飯𓊉呢個炒飯嘅份量真係好多, 有肉碎, 蛋粒, 香葉等等, 炒得粒粒分明, 食到好飽。𓊈芒果糯米飯𓊉用芒果糯米飯嚟結尾真係大滿足, 芒果超甜, 配埋椰漿豐富嘅糯米飯一齊食, 真係好好味!✧✧ 整體食物都好好食呀, 環境又好舒適, 值得再去!