八寶清湯腩

營業中

休息中

📍八寶清湯腩 @ 天后米芝蓮新鮮牛腩🐂湯底藥膳味濃ღ 清湯蘿蔔牛寶米粉 $118ღ 咖喱牛腩飯 $88食到新鮮牛腩嘅地方唔多 仲要係米芝蓮添！開頭見到價錢都嚇親 食完就覺得都值得一試碗粉超級足料 每款牛都有3-4大舊😻個人喜好係 崩沙腩>爽腩>坑腩 崩沙腩一舊有齊筋肉膜同肥膏位 肥瘦適中 出色佢嘅蘿蔔都好正 吸晒個藥膳湯 勁入味🥹仲會附送一碗濃版湯底 啖啖牛骨同藥材味 好香咖喱就偏向港式椰味 望到顏色都知道好重口味🤣回頭指數😼3/5（富人版港式粉麵( ´∀｀)

好一段時間冇食過好味嘅清湯腩, 今日放工開完OT, 同男朋友過嚟搵食, 居然發現天后有呢間睇落好出名嘅腩店~ 😆時間係夜晚8:30, 男朋友一坐低就話要食咖喱牛腩飯, 我見呢間啲腩咁多品種, 樣樣都好想試唔知揀邊樣好🤔.. 就揀咗個三寶飯 (坑腩, 爽腩, 崩沙腩), 諗住一次過試晒睇吓邊樣最好食, 點知5分鐘後侍應過嚟同我講, 崩沙腩冇晒😅 2分鐘後連爽腩都冇埋🙈 原來weekday 可以旺場成咁... 得來不易嘅坑腩, 飲一啖個湯, 濃濃嘅牛湯, 有藥材味, 飲得出真材實料, 冇味精!! 聽講係有當歸做材料, 飲到停唔到口坑腩足料大大件, 正!! 男朋友坐喺對面食咖喱牛腩飯, 夠晒香口濃味, 佢餓到添飯... 題外話呢間鋪頭人情味幾濃, 見有熟客嚟幫襯, 嚟到發現乜都賣晒得返普通牛腩, 都笑笑口咁話好生意喎, 下次唯有早啲嚟啦! 😌 店員同老闆娘都態度友善, 服務非常好!

天后新開的清湯腩食店，經過幾次都心動想試一試，入到食店翻開餐牌，定價比我想像中的高，牛腩麵售價$68，如果指定牛腩款式，例如崩沙腩、爽腩、坑腩等，大約$78元。看餐牌同時聽到有人下單要咖喱牛腩飯，跟住就心血來潮跟個位食客叫了咖喱牛腩飯(少飯，外賣)，反正都是$68，希望食飯會飽啲啦。拆開個外賣，一盒牛腩及一盒飯分別用兩個膠盒裝起，兩者仍然保持熱的溫度。先來看看牛腩，打開盒蓋就聞到有咖喱牛腩香，除咗牛腩之外入面還有薯仔，而咖喱顏色呈黃色。然後來看看個飯，份量少左，是個人要求小飯，每粒飯形狀完整，沒有爛飯及生米情形。牛腩味道又如何呢？咖喱偏辣，食開小辣的我接受到，而且仲好香添，牛腩軟硬度適中，不會過腍亦不會太硬，舌尖品嚐到香濃的牛腩味，牛腩沒有卡住牙縫，旁邊的薯仔也好好吃，薯仔非常腍，放入口便溶化。整體而言餐廳侍應服務不錯，對話內容清晰，相信是一家支持環保的食店，因為侍應有問我要不要木筷子及匙羹。他們裝載外賣的器皿是透明，可以清楚看到食物顏色，外賣打包得清潔整齊，給我感覺相當衛生。一碗飯的最底價是$68，對於我而言售價是偏高，但是食物質素的確優越，這個價錢無可厚非是合理，下次會再來光顧，品