餃子屋

營業中

休息中

吃過無數次的餃子屋，因為餃子餡料十分豐富，足料老火湯底清甜入味。✨食物這次試了咖喱薯仔豬肉餃🥟咖喱味濃和薯仔豬肉配搭得剛剛好，煎餃皮薄、餡料超級多，十分滿足。女生或者食量不大的人可叫六隻餃子，這次叫了八隻餃子，吃到第六隻的時候已經開始覺得很飽。煎餃搭配老火湯的蘿蔔，減少了油膩感。飲品：小支裝的黑豆漿，味道較淡。✨環境這間餐廳每次中午時段都很多人，吃飯時段等了10分鐘，位置擠迫，不過大家為了吃美味的餃子都不會介意。

朋友成日話要帶我去食嘅餃子店，終於有機會食到啦果然係冇介紹錯，一去到門口已經好多人排隊🙈🙈好彩佢哋有識食開，有得去後門坐，好快就有得食😌😌今次叫一共叫咗五款餃子🥟三款放湯兩款煎餃，全部都大大粒😜食完超級飽🤪韭菜豬肉湯餃朋友大愛韭菜超多非常重口味，湯底一流，感覺冇咩味精，但有好好飲😊白菜豬肉餃拼咖喱薯仔豬肉餃白菜豬肉餃正常冇乜特別，咖喱薯仔豬肉餃就有啲奇怪🤔，可能食唔慣而且放湯好似污染左個湯咁，味道一般🤭芝士豬肉煎餃拼紫菜豬肉煎餃從來未食過紫菜豬肉餃好新奇，意想不到嘅味道，好好味😋外皮煎得好脆，咬開超多汁👍🏽👍🏽估唔到係咁好味，芝士豬肉煎餃味道就比較濃😀啱晒重口味嘅人🤪每一份餃子都會跟辣菜譜，呢個又係必食既，唔算好辣，咬落爽脆，配埋餃子食一流😋😋下次有機會去開荃灣，記得要去試吓😋值得推介👍🏽👍🏽👍🏽👍🏽

媽咪一直好掛住佢個菜甫係菜甫唔係餃子😂7點幾去到都已經排緊人龍等左15-20分鐘就可以入座·餃子可以選擇煎餃或者湯餃仲可以選8隻或者6隻另外可以加上海麵/米線（+$8）如果湯餃會配湯- -魚膠唯山煲豬骨湯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 叫完餃子會即上一碟菜甫佢地個菜甫辣辣地幾惹味絕對係食餃子既好拍檔·芹菜豬肉餃拼香茜馬蹄豬肉餃（8隻 $54）配聲稱無味精既老火湯個湯係住家湯既感覺餃子真係拳頭咁大隻唔會話一夾就散開但因為我叫雙拼就咁望真係分唔到邊個打邊個😂肉同菜既比類4:6個口感都唔錯兩款餃都係重口味既菜餃要選擇既話最鍾意係香茜口味✌🏻香茜愛好者·咖哩薯仔豬肉煎餃（8隻$50）煎得好香同算乾身至少隻碟唔會話好油咖喱餃選煎餃真係無揀錯個咖喱味夠濃用煎香口好多而且更加惹味·最後媽咪仲買左罐菜甫走佢用黎配咩野食都一流🤭🤭🤭🤭。整體而言小店環境都幾擠迫食完唔會想再hea 下速食速走因為無論外賣定堂食條人龍都無少過🤭餃子係好足料無論煎定湯都幾好食但食完個口好乾個人好脹⋯⋯⋯⋯⋯⋯不是說無味精嗎？🥲。

荃灣發現呢間餃子店，雖然店舖驟眼睇有d似街坊嘅舖頭，但食過之後覺得絕對係一間值得一試嘅舖頭。咖喱薯仔豬肉餃 (煎餃)一上檯見到係好!大!舊! 本身仲嫌有d少貴，但見到個樣就知道點解🤣煎餃又咖哩出奇地同店舖特製嘅香辣菜脯超夾，可以試試粟米香菇豬肉餃 (湯餃)除左主角係餃之外，其實個湯都好好味架！又係超大粒，好好食！餃子屋除左堂食外賣之外，都可以就咁買d未煮嘅餃返屋企自己煮，價錢方面見到平好多，都好多人買，但就唔知係咪都係咁大粒🙈🙈

因為疫情關係原先好多長龍小店，依家都有好多客人轉咗買外賣，變相排堂食嘅人龍相對冇咁多。但坦白講，依家除咗食飯飲嘢之外，大家都唔好喺街到除口罩，以免細菌病毒埋身🦾食開餃子嘅粉絲都可能有聽講過呢間嘅舖頭，呢間舖頭基本上，午市晚市平均都要排30-45分鐘不等，特別係煎餃係佢收檔前一個鐘就唔會接order。想食佢嘅煎餃就真係要早少少嚟!!!雲耳椰菜豬肉餃（8隻）$42水餃每隻都大大粒，每一隻水餃都煮得啱啱好，啲水餃皮唔會煮到爛晒，餃內嘅椰菜依然食到爽嫩。不得不提佢哋個湯底，係魚膠淮山豬骨湯，次次嚟食水餃，都會飲晒佢哋個湯，好味又冇味精，讚!!!咖喱薯仔豬肉煎餃（8隻）$50但我個人最鍾意都係食呢一款咖喱煎餃，餃子煎得香脆，味道香濃，仲有薯仔粒同豬肉碎係裏面，令人食完一隻又一隻。唔好以為煎餃裏面冇咩湯汁，因為佢係煎餃關係，餃皮特別煙韌，肉汁係特別容易「噴射」出嚟。唔信你可以試一試🤣🤣

小編近年真係由唔中意食餃子變左餃子控😂 皆因發現左香港原來有好多高質餃子店！ 荃灣呢間長期都有好多街坊排隊又外賣既餃子店就係其中一間食過番尋味既正野！粟米香菇餃 ($42)香菇木耳雞肉餃 ($42)餃子隻隻都好飽滿 皮唔係好薄但夠唒滑~比較既話 粟米香菇餃較好食 因為粟米既甜味同菇既香味好夾亦好突出 而香菇木耳雞肉餃既肉味同都唔係好出 冇咁香~ 舖家仲有自家秘製辣菜甫 香料味道好濃 但唔太辣 配餃子一流除左餃子 個湯底先係精髓！湯底係魚膠淮山豬骨湯 又濃又鮮甜 仲有兩塊紅蘿蔔湯渣食 正到個個都會飲唒碗湯 食到一乾二淨！咖喱薯仔豬肉餃 ($42) (9/10)除左湯餃 其實煎餃都一樣咁正💕咖喱薯仔豬肉餃個咖喱非常香 薯仔一粒粒係入面係咬到既 再加d豬肉碎 真係惹味到不得了！呢款餃比較啱香煎 因為煎完既油香同佢好夾 又可以有外脆內軟既口感 而且味濃既餃子會蓋左湯既鮮甜 有d唒左個湯~ 其實煎餃都一樣會有湯送 建議食唒d餃子先慢慢品嚐靚湯