喜來稀肉 (登龍街)

營業中

休息中

好耐無食過喜來稀肉啦，環境通風比較好，唔會食完好大浸油煙，而且店員細心會比圍裙我地，係聚會好地方🔸蔘雞湯🔸蔘雞湯味道濃郁，雞肉鮮嫩，裏面仲有蔘味。蔘係一種好有營養嘅東西，有助於提升免疫力，補氣養血，係一個好健康嘅選擇。呢道蔘雞湯有原隻雞加上裡面糯米，好味道🔸護心肉150g🔸護心肉係豬既橫隔膜這款肉含豐富的纖維，又略帶點油花，肉味濃郁，肉質更加鮮嫩🔸喜來烤肉150g🔸喜來烤肉厚度適中，配以板燒嘅味道更加突出，帶點甜甜既牛味，配埋生菜包住一齊食，口感豐富🔸牛舌150g🔸牛舌經過煮熟之後，味道更加突出，唔會太膩口同腥🔸喜來泡菜🔸最後要提一提佢哋嘅自製泡菜，係出面salad bar可以拎同普通泡菜偏酸味唔同，味道更加鮮美，而且唔會太辣，讓人一試難忘

啱啱畢業出嚟做嘢嗰時，好興食韓國菜。好記得呢間過江龍當年喺香港開第一間時，拎籌等三個鐘先有得食前菜同醬料都喺自助bar自取，泡菜、酸蘿蔔片、醃青瓜、沙律菜、包肉食嘅生菜，全部都係任食。用QR code落單後好快就上齊晒每次嚟食必點嘅招牌菜-喜來烤肉，卷成玫瑰花形上枱好靚。其實係少脂肪肉味濃嘅牛板腱牛肉有醬汁浸住，但唔會醃得太甜太濃味。餐牌上最貴嘅一款牛肉就係呢個真雪花牛肉，係平時打邊爐成日食到嘅牛小排。油花超靚係完美嘅狀態，呢個都係必點！無預先醃過或者調味，適合燒完蘸海鹽同麻油食牛五花係切成薄片嘅半肥瘦牛肉片，落咗韓國醬油同梨蓉，每面燒幾秒就食得。味道甜甜地，夾生菜食一流石鍋牛肉拌飯份量多又足料，拌飯醬係另外上，想撈幾多食幾辣都得。鍋底有搽麻油所以完全無痴底，而且仲有飯焦食韓國菜泡菜都係主菜，有得任食泡菜真係好吸引，雖然唔會食到好多自助bar泡菜都有兩款，喜來泡菜同酸泡菜。喜來泡菜好似喺韓國食到嗰種，醃得唔耐，菜比較爽脆無咁酸。爐邊蛋都可以無限任添，有芝士同泡菜味。店員落芝士同泡菜都好慷慨，啖啖都足料，超正總括嚟講食物質素高，口味咁多年都保持到正宗，肉類選擇比一般韓燒餐廳多價錢又合理，

我是一個唔鍾意食韓國泡菜的人，除了喜來稀肉的泡菜，次次都可以一個人食曬一盤。外面的泡菜大多太酸，又或是太韌，但是喜來的泡菜唔酸又爽口，食到中間開始覺得有點辣的話，就連同醃青瓜一齊食，因為醃青瓜偏甜，能中和辣味，所以每次的青瓜泡菜都會畀我食曬，好彩可以無限添加。唔夠還可以埋單後落樓下買一大盒回家，$60一盒，埋咗單先好買因為憑單有九折。上喜來當然不會只食泡菜，我最愛喜來烤肉和大醬湯。喜來烤肉是招牌菜，浸在醬汁中的牛肉既入味又軟滑，差不多人人都叫。海鮮牛胸肉大醬湯雖只有幾片牛肉，少量海鮮和豆腐、翠玉瓜、金菇等雜菜，但就非常鮮甜好送飯，食完又暖又飽好滿足。仲有仲有！每人一支韓國雪條，記得食埋先走呀！