翡翠拉麵小籠包 (已結業)

在尖沙咀海港城行完街，商場買滿$1500 就有一疊coupon 換！有分shopping A/B zone $500,$100Dinning A/B zone $100/ $50!!當然我地係唔會浪費Coupon 既意義，所以即刻睇吓有邊幾間可以用coupon ... 原來揀左1.日本餐廳（條人龍太長）2.XX burger (排左15分鐘都無郁過，放棄）最後揀左翡翠拉麵小籠包，又唔洗排隊，門口即入！諗起上一次食，都有兩年之前多，印象都唔差！因為今次我地嚟個快食，所以點左兩個麵！食完再行街，再血拼

我食上海菜一般都會點醉雞或口水雞，今次就點了花雕醉雞 $72，唔好睇細細碟，其實雞件幾多。雞脾肉好嫩滑有彈性，連雞胸位都夠滑，不會乾硬，雞皮不膩反而好爽滑。最吸引我是做到好入味，酒香撲鼻而又不會令人醉倒。一定唔少得上海小籠包 $39有四件，即點即蒸夠哂熱辣辣。夾起不易爛，個皮做得幾好。皮薄餡靚，睇相都見個皮夠薄。湯汁雖不太多，但入口都感覺到肉同湯比例剛好，令肉餡更濕潤。加分位係因為個湯汁好濃肉香。我比較少食中菜，更加少食乳鴿，但估唔到呢度既乳鴿原來都好好味。茶香燻乳鴿 $96起初以為好乾，但一咬脾位，不單止皮脆肉嫩，仲有皮下油脂溶化，鴿脾滿滿油香，仲閃令令好吸引。鴿皮薄脆而不油，越咬味就越出，好味到連骨都想咬埋。京蔥爆牛肉 $90，份量頗多，牛肉真材實料。牛肉又大塊又嫩腍，同京蔥爆香，加上夠鑊氣，未食已經好期待。一定要夾埋京蔥同食，特別香口，調味也剛好，夠惹味。食到一半已經想點個飯來食。四川擔擔拉麵 $60，湯汁有點多，不過味道濃郁，微辣加上花生同芝麻香，仲有少少醋酸平衡下辣味。拉麵好滑溜帶爽韌，但放耐左就開始腍，所以上枱就要食啦。雖然湯汁好紅，但不太辣也不油，所以食完不會有負擔。酒釀

公眾假期的海港城每一間食肆都要等位，晚飯時段的中菜餐廳只等了20分鐘便有位，必須大呼好彩!點了個四川擔擔拉麵，但海港城分店居然在未經我同意下把我的麵剪碎了...所以上枱時我見到我的麵呈現如此凌亂狀態真的令我有點抓狂而且上枱應該遲了點，我的麵有一點點不夠熱 男朋友點的津白肉絲湯年糕，上枱才發現$70的價錢是這麼小的一碗，不過味道是不俗的。用香菇鹹肉熬成的湯底很有味錦鹵雲吞$38是有六隻的，只是男朋友手快快幹掉了一隻。雲吞炸得香脆，餡料份量較少，當小食是廷適合的。$42點了個無錫蟹殼黃燒餅，外形很小就不說了但吃進去竟然亳無蟹味，似是一件普通豬肉燒餅，令人失望 最後結帳看見原來每位茶錢要$16，下次再來一定要多喝一口茶 (如果還有下次的話....)