Route 83 (廣福道)

營業中

休息中

4個人叫左4樣野食，Pizza夠薄夠脆，抵食！唔會用個厚底塞飽你，上面有好多肉，芝士亦都鋪滿晒。芝士龍蝦意粉芝士香濃，龍蝦肉唔會霉，但意粉可以咸少少。墨汁飯都好夠味，藍青口都大大粒！豬手最出色，果然係招牌！非常推薦。因為份量比較多，就咁食嘅話好容易濟，呢個時候配汁同埋酸菜一流！而且個薯蓉都非常滑雖然舖頭嘅位置唔多，但環境裝修都舒服，幾有格調！晚市最好就要訂位～餐廳整體價錢都非常抵食，上菜嘅速度亦都可以，呢個價錢能夠食到呢種質素，已經係超值！

一直都知道呢間餐廳嘅存在但就從來都冇試過今次就同埋屋企人一齊去試吓😛.💡脆皮德國鹹豬手($158)鹹豬手味道相當濃郁唔會太鹹 恰到好處呢個份量作為前菜share唔錯不過個皮就爭少少 唔係太脆.💡焗芝士龍蝦配黑松露意粉($118)意粉份量相當大碟男士來講啱啱好芝士龍蝦非常惹味可惜黑松露味道唔係太出.💡墨汁大蝦藍青口意大利飯 ($68)墨汁意大利飯相當驚喜味道出奇地濃郁 唔會太膩青口亦非常新鮮.💡黑松露雜菌忌廉意大利飯($68)意大利飯好重黑松露味雜菌分量非常多 唯獨芝士份量相對少但整體味道唔錯.總括而言 呢間餐廳嘅菜式都比較大份建議細胃人士可以嗌少飯或少意粉 咁就唔使浪費食物😆📍 Route 83 (大埔)大埔廣福道83號地舖

墨汁大蝦藍青口意大利飯 💲68熔岩芝士醬牛肉漢堡 💲88墨西哥芝士夾餅 💲38✅ 墨汁意大利飯足料 配上旁邊既龍蝦茄汁好夾🖤 不過可以更加濃味✅ 漢堡扒有濃厚牛味而且肉汁豐富🐄 但係比較鬆散 而芝士雖然無餐牌幅圖咁浮誇 但底面都有厚厚幾層🧀 不過有少少芝士黏附左係底紙 個人覺得比較浪費😭❔ 墨西哥餅用上印度薄餅同軟芝士 雖然芝士質量唔錯 容易入口 但整體就無咩墨西哥感覺 建議可以用比特餅或者加少少辣🌶👅Taste：4/5💰CP值：4/5🙋🏻‍♀️Service：3.5/5👁‍🗨Stylishness：3.5/5