老厝邊

營業中

休息中

近排在網上留意到一間台式餐廳，非常多人推介，名字叫「老厝邊」。橫掂太耐冇食過台灣野，加上咁多人推介，於是我就拉埋朋友同我一齊去。星期日的中午，位於大角咀埃華街的老厝邊門外已經開始有人排隊，不過我們都是等了數分鐘就有位。一入到店內，看到有張大海報寫着「老厝邊台語的意思就是老鄰居」，原來餐廳名字就是這個意思。店內的裝飾都富有老台灣風味，讓人感覺得就如置身於台灣的老店一樣。老厝邊有不同傳統台式食品，我和朋友參考了這裡的「超人氣·八大推介」，很快就想好要食什麼。⤮ 1. 眷村紅燒牛肉麵紅燒牛肉麵為餐廳的第二大推介。實在太耐沒有食過台式的紅燒牛肉麵，個人認為這裡與其他餐廳最大的不同之處，就在於其湯底。紅燒牛肉麵的湯底味道非常濃縮，並不是稀稀的味精湯底。加上，紅燒牛肉煮得香稔，入口不用多加咀嚼，就是紅燒牛肉的精髓之處。另外，牛肉麵還配上蘿蔔及菜心，額外加分。⤮ 2. 大腸麵線（小）作為店內推介之一的大腸麵線，當然要試試去！湯頭嚐起來格外甘甜，濃厚勾芡的口味再以醬油調味，讓湯底鮮甜回甘。滷製成深褐色的大腸，超級好吃，帶有嚼勁的大腸吸滿飽飽的滷汁，而且大腸也清理得很乾淨，一吃就上癮。⤮ 3. 起司肉鬆

台灣人主理既餐廳，餐廳裝飾別出心栽，而且好有台灣feel，侍應講台語添。menu清晰，而且勁多款台灣小食，比起同類餐廳，價錢親民，仲要食物好好食。晚市7點半左右，walkin好彩即刻有枱，餐廳已經full哂。叫左薯餅蛋餅($30)，大腸麵線(小$28)，滷肉肉乾拌麵($38)，青蛀下蛋($24)，古早味冬瓜茶($18)。蛋餅必叫，因為味道同係台灣食既幾乎一樣。蛋餅皮口感少少煙韌，唔會過厚。而且熱辣辣即整，份量仲要好足添。每件蛋餅入面斬夾住香脆薯餅，仲有拉絲芝士。加埋旁邊既醬汁，就冇咁膩。食2件已經有飽肚感。小份既大腸麵線其實都幾大碗，一個正常食量既女仔都未必食得哂。大腸滷得入味，而麵線量多，味道唔會過鹹。點選既食物入面，拌麵就有少少遜色，味道淡dd，肉乾量唔算多，拌完可能唔覺有肉乾。有d掛住台灣既青蛙下蛋，所以叫左一杯飲下。粉圓煙韌，份量多。而冬瓜茶清爽，消暑一流。整體，有好多小食可以叫，食小食都飽，因為太多選擇。而且價錢仲要唔貴添呀。

今日去左大角咀搵食平時比較少來呢邊因為唔太熟路隨住愈來愈多新住宅落成大角咀多左好多美食行過都好想試下今日去左食呢間台式餐廳價值唔貴 都幾抵食眷村紅燒三寶麵-$78好大的一麵 超多料湯頭很濃味 麵條都唔會過林 好正大腸麵線(小)-$28其實份量一D都唔少GA而家唔會煮到好杰好多間都係煮到太杰 呢個就真係剛好嘉義雞肉飯-$30有驚喜 估唔到平平無奇的一個雞飯滿滿的雞汁精華忍唔住係咁食超濃芋泥蛋餅-$35身為芋頭迷的我 見到呢個已經好想點好多好厚的芋泥 超滿足$35一份已經食到好飽 黑糖珍奶-$28都係平時個D 不過不失但去到食台灣菜好難唔叫姐 哈哈食左咁多野 每人先係$100真係超水準又超抵食呀

因為疫情邊都唔去得，真係好掛住台灣。經過哩間餐廳，裝修風格好有台灣既特色，正好懷念下，一解對台灣既念想，但食完更想去台灣了 整體來講，餐廳既出品都好唔錯，味道都幾正宗，而且性價比都高，店員親切有禮，好似去咗台灣咁。海陸鹽酥雞拼盤哩個係性價比超高，分量足，有雞、魷魚、甜不辣、花枝丸、四季豆、玉米筍味道調配得幾好幾香口，唔怕太鹹。而且表皮炸得幾乾身，唔會太油，唔使擔心油膩。我最重要係魷魚須秘製麻辣牛三寶麵哩個係menu上“推薦”既，於是點咗試試。上面寫著“中辣”，我覺得哩個辣度係一般人容易接受到既辣。反而個湯底辣得幾惹味，味道幾濃，但食完都唔怕好口渴。至於分量，我覺得D牛三寶都幾多，同埋都煮得入味，蘿蔔超入味呀~涼拌豬耳---幾開胃既小食，爽口入味大腸麵線（小） ---擺得幾可愛，最鐘意食大腸蜂蜜烏龍茶 & 珍珠烏龍奶茶左：幾清甜解渴； 右：比一般既珍奶，多咗烏龍茶既“燶”味，茶味濃D無咁甜，啱曬我口味分隔措施都幾好，同埋坐得舒服既