快樂餅店 (已搬遷) 新店位置

某日獨自喺灣仔閒逛，路過一間傳統餅舖，牆身鋪上花磚，紙皮石地板拼湊出懷舊氣息。驟眼望都係雞尾包、雞仔餅之類，默默退出去走人 🫣 餘光睄到門口寫住「快樂餅店」，熟口熟面咁，原來係最近喺 @talkfood 見到嗰間「神級」餅店，快樂餅店從七十年代開業，擁逾四十年歷史，能夠在市中心趷立不倒，絕對有其過人之處。擇日不如撞日，既然路過點都要買件招牌試試佢 😌店主好客親切，收完錢將奶油筒 ($9) 放入膠袋中帶走，無精緻嘅包裝同賣相，但一上手就感受到佢嘅與別不同，拍拖就話唔可以太脆弱，但對一件 Pastry 嚟講，愈易碎愈得人鍾意 😆 食完包你嗌返句「使唔使咁好食啊大佬！」😩忍唔住喱埋偷食，試吓佢有咩符 Fit 🙆🏻‍♀️ 酥皮金黃蓬鬆，富濃郁牛油香氣，hmmm…係脂肪嘅味道 🧈 外層酥得掉渣非常鬆化，食用時要注意輕輕攞上手，小心唔覺意捏碎咗 🥐 🤏🏻 筒中嘅奶油呈米白色，以牛油、忌廉、糖膠等製作成類似 Buttercream 嘅餡料，相比鮮忌廉入口即化嘅空氣感，更多嘅係綿密，嚟得切畀舌尖好好感受一下佢嘅柔滑 👅 香甜中透出微鹹，係傳統餅店獨有嘅滋味，當時表情變化 😦>🤤>🥰

下午時段放工後特意來到灣仔的【快樂餅店】來食麵包及蛋糕，見間鋪的裝潢都知好多年歷史，原來屹立了灣仔四十幾年歷史老餅店，在1979年已經開業了，枱頭一看已見到大大個紅色的招牌，還有花磚牆、古典綠白色格仔紙皮石的地板及玻璃趟門冰櫃等.....樸素的裝潢的老字號餅店，見証時代的變遷，經歷了年月的洗禮，仍保留了70年代的風味。想起中學時放學都經常都會去一些老餅店買麵包食，因為價錢便宜又抵食飽肚。長大後我也鍾情食舊式的麵包及蛋糕，特別是沙翁及紙包蛋糕 ，我排隊買包時，有個伯伯讚此店紅豆沙翁好食，特意揸車過來買，一口氣買了3個沙翁，聽到我都心動店中攦放了不少好金黃色的麵包、蛋糕等......燻黑了的焗盤盛裝起飽滿的麵包，款式不會太花巧，洋溢出懷舊情懷。鋪內有瑞士卷、椰撻、沙律卷、合桃酥、蛋撻、蝴蝶酥等.....可惜我都是眼寬肚窄，買番自己鐘情的麵包先。於是我也一口氣掃了菠蘿包$7、奶油筒$7、紅豆餡沙翁$6.5及紙包蛋糕$5.5，真是好滿足，菠蘿包味道一般，雖然大大個，麵包都鬆軟，但菠蘿皮晤夠脆，不過一讚就是菠蘿皮不會一咬就散。舊式奶油筒的水準比較出色，蓬鬆的酥皮食落都好脆口，而且牛油香氣比較香濃

麵包控發作一連幾日食左幾間麵包店💗好開心呀！今日過左海順便去左呢間之前「東張西望」介紹過既老店！幾驚佢唔開呀！鋪面夠晒懷舊懷舊💫一去到已經見到店面好多人好多包😂門口已經有個令人即刻想買包包既櫃😍втw我都係比佢既奶油筒吸引過黎買既！😂入去見到大部份麵包都放在鐵盤上，欠缺點衛生但舊式就是這樣風味搭夠！👀奶油筒 $7幸好尚未售罄😝！即買即食都錢輕！成個注滿奶油，奶油超香唔膩🙆🏻‍♀️酥皮外層帶點牛油香食落好鬆化！好мaтcн нυн нυн!比想像中好食！呢款幾乎絕跡了買多左個墨西哥包$4.5。雖然不是熱乎乎！但脹卜卜，表面皮脹卜卜，又甜又鹹口感香脆，包身又鬆又軟！老闆堅持每爐只做一盤，賣完再焗💪🏻位於灣仔皇后大道東的 <快樂餅店>！入面既價錢比我想像中要貴！可能是地區問題吧！但第一次買食完都挺快樂的以前真係好平！見證歷史變遷既小店賣少見少呀

早前，睇到電視節目「東張西望」介紹香港的傳統小食！訪問了一些屹立香港多年的老字號小食店！當中，有間食店供應奶油筒，令我蠢蠢欲動想買來一試！ 於是，節目完了，我便留意鳴謝哪些食店？！終於找到供應奶油筒的是位於灣仔皇后大道東的 <快樂餅店>！快樂餅店趁當日跟公司老闆及老闆娘出席個客 2:30 的下午茶聚，下午茶聚總算夠飽；我去灣仔搭巴士之前，順道走到灣仔皇后大道東的 <快樂餅店>！不過經過利源街的 <奇華餅家>，卻被那熱辣辣香噴噴的期間限定咖啡奶黃月餅而吸引買番個即食！ 不足 5分鐘，便到達 <快樂餅店>，仍不減我對買奶油筒的意慾呢！在香港，好似 <快樂餅店> 這類型的老字號餅店實在買少見少！ 加上連鎖集團壟斷之下，競爭更大！難得 <快樂餅店> 仍然屹立不倒，可見其實力所在！這𥚃有很多選擇，而且工場就是店子後面，麵包新鮮出爐！街坊價錢，貨真價實！至於衛生方面，放在鐵盤上的出爐麵包，如果有透明膠板蓋上會比較好！ 否則隨時有烏繩飛來傳播細菌！奶油筒 $6幸好下午 6:00 經過尚未售罄！我實在忍不住

記得多年前和父母到三藩市旅行，在唐人街的某間餅店第一次與她遇上，從此便深深愛上她，每次到美國也要專程去會她，以慰相思之苦。為了她，曾經試過花上三小時車程也在所不惜😁但遠水始終不能救近火，好在我的痴心終於有回報了；有一次偶然在灣仔見到她的蹤影，雖然覺得仍然是美國的她最對我的口味（可能是先入為主吧），但已是令我喜出望外了。😂外形像號角般的奶油筒，表層鬆陒可口，奶油滑溜，甜中帶少許鹹味；相信這種味道是很多人兒時的回憶吧！一口咬下去，先解開那酥化的外衣；再來是內裏那柔軟香滑，這樣的美味怎不叫我一再沉淪呢！快樂其實可以好簡單，一首好歌、一齣好戲，甚或一件美味的小吃；也可以令人回味再三！店外掛滿報紙的報導，電視台也曾訪問他們，可知這小店是多麼出色。