金記冰室 (康怡廣場北座)

營業中

休息中

這餐廳長期都排長龍，剛好這天經過，大概下午五點多，有下午茶，不算多人，便決定等一會兒去試下。等的過程在門口有電子餐牌顯示下午茶選擇。我和朋友看不到門口有電子拿票機，想問收銀員個取票機在哪裡，第一次對方無回答，我肯定對方聽到但不想答，我就當是對方聽不到，再問一次，換來的回答是”出面囉，你自己睇下”，睇到就唔使問啦老細😡 原來有人剛好企在機前遮左，個收銀員好像想趕客。等了大概5分鐘有位，一入去就有點不舒服，個位及行人走廊都比較窄。仲要個位都好多食物碎，地下又污糟，感覺不太衛生，不過既然入到來便試下。真係唔好意思都要影底話俾大家知，感覺污糟，帶位的其實可以係咁易撥走上手的食物碎可能都好少少。坐低後已有預感這次可能是唯一及最後一次幫襯。日式豬扒炒烏冬 (下午茶餐) $49 ❌ 不推介細碟明嘅，下午茶當然細啲。這味好多餐廳都整得好油，這家亦一樣。豬扒是切開小件的，方便進食，可惜好多肥膏，我喜歡食肥都覺得太多肥膏食不落口。加上整碟味道好一般，又油膩，食完個口都覺得想刷牙。雪菜肉絲炆米 (下午茶餐) $49 ❌不推介炆米都同另一碟一樣，既細碟又油膩，味道食不到雪菜味，亦見不到很多雪菜。不推介。☹️餐奶

下午茶餐，餐牌有炒飯麵，想食三文治，叫了鮮牛蛋治餐。因為聽老一輩人講，香港依家冇地方食鮮牛治，所以叫嚟試下，本人也從來未食過。鮮牛蛋治👌蛋不過不失，可以滑啲，要看厨房能耐。牛肉很滑，其實喺蛋牛飯嘅牛肉。有淹過。麵包冇"看” 底，發覺自己原來唔識寫呢個字，唯有括住。要”看"，應該要加錢。以冇"看”嘅包嚟睇，就要夠鬆軟，好明顯佢唔夠。奶茶👌金記應該有自己formula去沖，味道與APM店一樣。當然好飲過麥記。可以。成個茶餐要40蚊，可接受。如果，單叫一件鮮牛治，收我30蚊，可以接受。