凱逸餐室

營業中

休息中

元朗間凱逸餐廳新裝修，最愛食茶記既我當然搵埋一樣係元朗既朋友一齊去食🤣其實最近生酮飲食緊，本應唔食碳水化合物，但忍唔到啦，星期日放縱一下也不為過～常餐好正，有蟹王麵揀都係加$3，有曬脆豬、午餐肉、煎得靚一靚既太陽蛋同雞翼蕃茄湯麵🍜牛油脆豬靚到呢，又軟又脆又香！一上台就即刻食佢落肚！雞翼炸過好脆，浸耐d係碗麵度食又係另一種滋味～祕製蔥油豬扒太陽蛋撈一丁$48朋友遲左黎，見到我個碟蛋咁靚，即刻揀其他都有蛋既餐😋蔥油好特別，返落我個麵度試十覺得好正。朱古力紅豆冰同好立克紅豆冰都重奶味，而且紅豆多到裝滿一半!正!

元朗咁多餐廳，有啲變化都好快，就好似呢間「凱逸餐室」咁，之前行過見到係新開冇面好大間，女友就話搵日試下。餐廳內外好大間，以茶餐廳/冰室嚟講，可容納好多客人，加上餐廳新開業不久，地方乾淨新簇。食物選擇選擇多，女友特登係下午茶時間嚟想食雞脾/包，我就嗌返Lunch。瑞士雞脾撈一丁 $45瑞士雞翼撈丁食得多，瑞士雞脾撈丁就第一次食，瑞士汁夠撈丁麵，麵煮得比較硬身，雞脾夠哂入味，口味偏重唔會有雪藏味，如果下午茶餐可以配多份炒蛋多士仲正！乾炒牛肉河 $56男人食茶記緊係嘆碟乾炒牛河！比預期中細碟左啲，如果好肚餓既就未必夠飽。味道唔錯，同樣都係好夠味，牛肉片唔韌，再炒乾身啲更好。好立克紅豆冰 +$15有多款唔同既紅豆冰可選，有朱古力/奶茶/咖啡/阿華田/好立克，你諗到既都可以配紅豆冰，我就揀左好立克紅豆冰，少不了會比較甜，鍾意紅豆冰既大把選擇你揀。元朗食餐室/茶記多個地方，價錢以茶記嚟講偏貴算中上，但勝在味道夠，唔會係淡貿貿果種。

小編與友人共2人在星期三的下午2時，來到這間開張不算很久的茶餐廳吃午餐，外面看到有3張戶外的餐桌，小編當然是坐在裡面涼冷氣啦。當時餐廳裡面都有八成的客人坐滿，想坐在卡位的小編就只好坐在剩下空位的圓枱的座位。下單後在小編拍下菜單的照片的時候，食物就已經陸續上枱了，出餐很快手。第一個就要了午市套餐(早上11時半至下午5時)的 「夠鑊氣」中的干炒牛肉河($56)。河粉不會炒到碎，油量適中，不覺得肥膩；夠鑊氣，配料的芽菜和蔥不會太多而蓋過牛肉和河粉的味道；牛肉的肉質是鬆軟的，容易咬；牛肉的味道足夠。這個是抵食之選，想不到吃什麼就要碟干炒牛河吧！小編亦都留意到有不少客人都有在吃干炒牛河，應該真是個不錯之選。小編平時大多數都會喝奶茶，跟餐會送熱飲，但看到他們飲品菜單中的「冰類」，例如有阿華田紅豆冰、奶茶紅豆冰和朱古力紅豆冰等等的有6款都比較少見，所以就要了當中的好立克紅豆冰(原價$30，跟餐只需半價)。小編真的未試過好立克與紅豆這個配搭，味道較新奇，不過也不錯，可以試試！還有，杯中的紅豆佔了一半，真大方。第二個就要了全日套餐(早上11時30至晚上11時)的 「常餐A」 中的豬扒配出前一丁，配火腿絲

呢度嘅福建炒飯材料有火腿、雞肉粒、蝦仁、粟米粒、菇、青豆、紅蘿蔔粒，福建炒飯同一般嘅炒飯唔同，因為飯上面嘅冬菇蝦仁芡汁。個芡汁係汁係成個福建炒飯嘅精髓，而呢度個芡汁整得唔錯，同大酒樓都有得揮，之不過可能係因為店舖平時生意太好嘅關係，炒飯竟然冇用到必需要有嘅冷飯，而用新鮮煮出黎嘅飯水份太多，飯粒太軟，影響左炒飯炒出黎嘅口感。干炒雞絲意係我朋友叫嘅，我試左少少，感覺上都係稍微濕左D，如果可以再炒返乾身少少就好啦