Rempah Noodles

營業中

休息中

🍽️餐飲： 💮娘惹濃厚叻沙旁邊的人說是最地道的叻沙，首先像吃拉麵一樣，喝一口湯，雖然是紅紅的，但沒有到很辣，咸香微辣，帶有一點點椰香，老實說，椰香味沒有想像中那麼濃料超多：蝦、手撕雞、豆卜、芽菜、魚片（切成條）、雞蛋，相對的…麵有點不夠🤣🤣料麵是比較清淡的，但很新鮮，每款料都很會吸湯汁，搭得很好！💮咖吔多士餐牌上面完全看不到咖吔多士，但看到其他人都在吃，還好可以跟侍應直接點餐😉😉這個跟我在新加坡吃的不一樣，麵包比較厚一點，但一樣的脆；沒有一整塊牛油，反而是著重椰香味的咖吔醬，雖然不是之前吃過的味道，但都很好吃🎄環境： 位置不少，但客人真的很多！！！（主要原因是公司午餐時間，有打工仔有遊客）所以跟旁邊的客人蠻近的餐廳很光亮，所以感覺很舒服，而且很乾淨🎎服務：員工有說英文的也有說廣東話的，不論是說甚麼語言，都非常有禮貌，就算是這麼忙的時段，也會面帶笑容，棒棒！㊗️結論：看到門前帶不少人在排隊，想放棄，但店裡一直傳出叻沙的香味，令我決心排隊！下次要帶朋友來吃！！！

嗰叻沙真係好真材實料湯底濃、配料足，尤其係啲芽菜連埋啲湯麵一齊食，口感會好豐富又爽口！仲有4片鮮蝦、魚餅、雞絲、雞蛋同芽菜！咖央都好好食💚可以唔使試冰茶(慳返$30)☞ 娘惹濃厚叻沙 $115☞ 咖央多士 $38☞ 青檸冰茶 $30⁣⁣| 餐廳資訊 |⁣⁣- 灣仔軒尼詩道18號地舖(近金鐘F出口)-星期一至五 11:30am - 8pm-星期六11:30 - 6pm ； 星期日Close

價錢非常進取，但總算令我久違地食到真心覺得好好味嘅新加坡菜，暫時成為心目中香港蝦麵嘅第一位🇸🇬🥺·🦐 優質蝦麵 $115麵底係滲滲，即係米粉溝油麵，我向來都覺得要佩配濃味嘅湯底，先至好味，呢碗蝦湯+豬骨湯，甜得嚟夠濃味，神來之筆係湯底本身嘅豬油同乾蔥，食落每一啖都齒頰留香🤤🤤🤤作為配料嘅蝦雖然細隻，但又爽又甜，食得出係新鮮蝦，除咗豬油渣之外，其他配料真係較普通🤔·🍜 娘惹濃厚叻沙 $115因為驚辣，喉嚨會頂唔順，所以只分咗友人一小碗嚟食，麵底係煮得夠腍嘅米線，個湯濃得嚟充滿椰子香味，帶少少辣，隱約都好似食到啲蝦味，又係一入口就忍唔住大叫「好好味呀」，好彩有同朋友嚟，先至可以一次過試晒兩款咁好味嘅麵🥰·🍞 咖央多士 $45呢個真係不得了，從來「咖央味」同「櫻花味」都係我心目中嘅謎之味道，永遠都諗唔到究竟即係點樣嘅味，但今次香脆嘅多士，夾住厚厚一層咖央醬，一入口嗰股椰子香，就好似終於令我定義到乜嘢係「咖央味」🤯不過真係要趁新鮮食，食晒碗麵再食剩低嗰件，就腍咗失色不少😟·🥤 青檸冰茶 跟餐+ $18都係因為驚又咳又爛聲，所以只敢偷雞飲咗幾啖，青檸應該要督吓佢先出味，我哋冇做呢個步驟，變相只係

午飯時間行過金鐘，正想不知道要食咩嘅時候俾我䏲到呢間餐廳。上OpenRice見佢的食評不錯，咁啱餐廳又冇乜人，於是就入去試試佢。午飯餐廳上只有三個選擇，都係98蚊，我就要咗個娘惹濃厚喇沙。因為係午市，另外加15蚊仲可以嗌特飲，我就要咗一杯青檸冰茶。個娘惹喇沙嘅湯底的確係好過一般餐廳，配料方面有蝦，半個蛋，芽菜，魚餅，豆腐等。話係有雞絲，但係唔留意嘅話真係睇唔到，所謂魚餅，係切成條狀，坦白講，我從來冇食過咁樣上枱嘅魚餅（通常係切一片片）。唔知係唔係因為餐廳都知道佢哋嘅性價比較低，所以餐廳俾人免費添加麵條。至於杯青檸冰茶，個青檸只有姆指嘅手指甲咁大，所以飲嘅係茶，唔好想有青檸味。總結嚟講，尼碗喇沙係OK嘅，只不過CP值唔高，加上餐廳位置唔就腳，所以對我嚟講應該都係冇下次喇！

之前聽人推介過呢間餐廳，但次次都見到排長龍只可以望而卻步，終於搵到一個星期六可以去試下。店面比較細，12:30去到已經見到門口有10多人係度排緊隊😥。大約等左30分鐘就可以入去，等候時間唔算太長，不過lunch hour烈日當空☀就可能要自己準備風扇同防曬用品，因為排隊既地方真係完全冇遮冇擋。入到餐廳，食物同飲品款式唔多，食物主要有3款麵選擇 - 蝦麵、娘惹濃厚叻沙同干叻沙，再連同黑版上既金杯同咖央多士；而飲品只有4款由於今次一個人食又唔太餓，所以淨係叫左娘惹濃厚叻沙加一杯奶茶，午餐時間可以加$15加飲品 (咖啡同奶茶除外)叻沙湯好濃郁，湯汁可以掛係麵上一同品嚐，味道適中。配料亦都唔少: 有蛋、蝦、豆卜、雞絲、豆芽等等。雖然望落麵既分量唔算太多，但加上配料同濃郁既湯底原來好足夠。 一路食會覺得有少少辣但可以接受，整體黎講叻沙好惹味！可惜我唔太鍾意香料，如果唔係應該會清左個湯😋。至於奶茶，叫左既係加煉奶既版本會比較甜，茶味都算濃郁可以一試。

灣仔區一間裝潢型格嘅叻沙麵店，睇落似cafe多過似麵店🤣店舖餐點選擇唔多，嚟嘅人都只係得一個目標，啱晒選擇困難嘅人🙂當日下晝兩點幾左右到，店內竟然係座無虛席😧好彩嗰時前面只有2人排隊，好快就入座了😬不過食緊野期間岀面又開始排好長隊🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️-🥪咖央多士 $38打頭陣一定係介紹咗佢嘅咖央多先😍因為真係好正好好食(˶‾᷄ ⁻̫ ‾᷅˵) 多士兩邊烘得好平均，而且片得好薄所以咬落勁脆😛中間夾嘅咖央係用椰奶、斑斕汁製成嘅，不過質地有別於平時嘅咖央，佢偏向奶油霜嘅質感好軟滑呈牛油果色🥑似咖央味嘅吉士忌廉，唔會太甜有淡淡斑斕香氣🙆🏻‍♀️呢個咖央餡係冰凍嘅，多士微暖，有少少冰火交融嘅感覺☺️-🍜娘惹濃厚叻沙 $98佢咖叻沙配料好多，有鮮蝦、魚餅、雞絲、雞蛋、豆卜等，湯底呈橙奶白色，比一般的更稠杰更濃郁令米線容易掛汁，另外椰香都好濃厚，將所有香料嘅味道加上濃雞湯更温和咁發揮岀黎，再加少少恰到好處辣勁🔥好惹味🤩在加分嘅位係佢嘅配料都好新鮮，鮮蝦好細心咁剝殼對半切，係有彈性鮮甜味嘅，而雞絲都有調味過，帶點鹹香👍🏻-🧋TEH $30紅茶+煉奶+糖，有啲似泰式奶茶🥤不過冇咁香雲呢拿味，價

今次終於試咗人氣新加坡餐廳 成日都大排長龍除咗食物之外店內環境仲非常之Igable😋餐廳食物嘅選擇唔多 只有三款面同嘢飲啱晒選擇困難症嘅人🤣不過建議大家要早啲去 我哋差唔多臨收舖去到好多嘢都賣晒🥲面本身係跟米線 但係米線先賣晒唯有轉蛋麵同米粉想試嘅咖央多士都賣哂.🎈娘惹濃厚叻沙 ($98)👉湯底方面店員一放底碗麵就已經聞到好香既椰奶味🤤味道都同預期一樣咁濃厚 仲食到d炸蒜頭炸蝦米碎 但係食到尾就覺得有少少太濃 如果有幾粒青檸解膩相信會好好多👍👉配料方面麵既配料算係充足 有蝦 雞肉 豆卜 魚片 魚片頭 芽菜 雞蛋蝦既質量唔錯 有鮮甜味得嚟都爽口 仲有好多隻🤣雞肉比較碎 不過同豆卜一樣索哂d汁 好惹味 👉麵質方面可能原本跟嘅米線真係會最好因為我哋食蛋麵加米粉 我自己就覺得麵質淋左少少評分: 7.5/10.🎈優質蝦麵 ($98) 7/10👉湯底方面蝦麵湯底比想像中淡 冇出面做得蝦味咁濃郁同出面帶微辣既蝦湯都唔同不過都飲得出真材實料 唔係味精湯但相比起鰂魚涌既蝦麵店 就有少少相形見絀👉配料方面配料有蝦 豬肉片 芽菜 同豬油渣蝦同叻沙一樣都係咁鮮甜 豬油渣就最特別 係似d炸左既燒肉皮咁 非常香脆

有一排好鍾意食馬來西亞菜、新加坡菜，尤其係叻沙同埋咖央多士，做個一輪資料蒐集，見到依間嘅咖央多士同叻沙非常吸引，bookmark左好耐之後終於去試。叻沙係國民美食，無分早午晚，就好似香港既雲吞麵咁，個個馬來西亞人、新加坡人都好鍾意，不過大家成日食叻沙，其實又知唔知叻沙既來源同歷史呢?叻沙最常見係新加坡同馬來西亞，不過對於邊個先係真正既發源地其實無確實既答案。叻沙隨左唔同地方同族群會有唔同既版本，好似係馬來西亞中部、南部同新加坡既叻沙叫咖哩叻沙，而大家平時好常聽到既娘惹叻沙其實係咖哩叻沙既主要形式，甚至有歷史學家話娘惹叻沙係叻沙既最雛型版本。咁娘惹兩個字究竟點解? 係15世紀時，中國移民同東南亞土著居民聯姻之後，生出黎既女叫做娘惹，如果係男仔就叫峇峇，華人既飲食習慣慢慢同當地飲食文化結合一齊，當時既婦女會將D香料同椰奶加入中國既麵條入面，所以可以肯定叻沙係由馬來人、華人同娘惹唔同文化結合出黎既食物。由於馬來西亞同新加坡共享好多共通文化，兩地係咖哩叻沙做法上其實分別唔大。呢間新加坡菜係2018年開業，由來自新加坡既大廚主理，因為全日淨係賣娘惹叻沙、乾叻沙同蝦麵，曾經比人睇死好快會執笠，點知

bookmark咗呢間好耐但知道佢長期排隊所以一直未試今次終於鼓起勇氣當日平日下晝兩點左右到等咗大概15-20分鐘就有位🤞🏻.🍜娘惹濃厚叻沙 $98湯底好出色 好香椰汁味豆卜索哂個湯汁真係超好食麵同蝦等配料屬正常發揮不過真係要講多次 個湯底好好味🤤.🍜干叻沙 $98基本上係撈麵 不過係銀針粉底個人好鍾意食銀針粉所以加分呢個汁同湯叻沙嘅味道唔一樣冇咗椰香味 但仍然係甜甜哋辣辣哋咁好惹味雖然佢叫干叻沙但放心 佢一啲都唔乾汁嘅分量好多 撈埋全部粉都掛哂汁干叻沙好少見 必試🤩.🥪咖央多士 $38必食 必食 必食 重要的事真係要講三次❗️❗️❗️包烘到超級脆 重點個醬唔係一般嘅spread 佢係偏cream狀 一咬會咇哂出嚟 咖央醬滿滿😋講起咖央多士一定會諗起蘇...相對之下 個人認為呢間嘅咖央多士真係略勝一籌😉*麵可免費加底👏🏻

Rempah Noodles 係小編一直好想試嘅餐廳，不過每次見到太多人排隊都放棄咗😩 小編特登weekday嘅3pm去，結果都排咗半個鐘 🙈 餐牌選擇唔算多，有3款麵，大家仲可以嗌佢地嘅招牌菜 — 咖央多士添 🤩------------------------------娘惹濃厚叻沙 $98 【6.8/10】小編對叻沙有小小失望🤧 湯底偏甜，味道唔算好濃郁，帶有少少椰香味，而湯底都可以再辣啲。粗麵都幾掛汁，而豆卜吸曬啲湯好惹味😆 蝦都幾鮮甜，但建議將啲蝦浸落湯一陣會再好味啲😋 而且呢碗面嘅定價偏進取，以呢個價錢小編認為食材可以再豐富啲🤭------------------------------咖央多士 $38 【7.5/10】大家黎到一定要點咖央多士！呢個多士有好多醬，甜得黎又唔會太膩。雖然多士凍咗，但係依然幾脆。班蘭醬口感順滑，味道突出。相比起叻沙，小編認為多士更值得一試🤪

想黎食呢度既咖央多士好耐😍個日平日12:00幾到 係門口排左一陣就有位 但我地後面keep住好長龍🙈店入面位置唔多 但坐得算舒服 而且裝潢好簡潔古典✨🌿咖央多士🍞 $38期待以久果然冇令我失望😍厚厚既咖央醬 好香濃既班蘭同椰子味🤤完全唔甜膩👍🏻好滑好creamy 而且係涼涼地😚多士薄薄的 烘得脆脆咁😆我好中意佢醬仲厚過多士🥰滿口都係班蘭味! 我會為左呢個多士特登番去再食!!✨🍜娘惹濃厚叻沙🦐 $98好濃稠既laksa湯底😳好香椰子味 而且laksa黎講都算辣😛好惹味 米線偏粗身 每條米線都好掛湯🤓入面有蝦 魚餅條 雞肉絲 豆卜 仲有雞蛋🥰呢個食到最後會有少少漏🙈🍜優質蝦麵🦐 $98個湯底好清 但好濃蝦味😚油麵+米粉呢個組合好有趣🤣食車仔麵必叫油麵😛豬油渣脆身 但有幾粒可能炸過頭有少少苦味🤧有蝦同埋兩舊半肥瘦既豬腩肉 但豬腩肉瘦個part肉質偏鞋口🙈

Rempah Noodles 遠睇以為係一間cafe，但其實佢係一間主要食娘惹菜麵店，裝修走型格路線😎落地玻璃睇落好開揚舒服，以黑白色為主調，中間仲有張雲石枱放有鮮花同著作，可以扮下偽文青餐廳的菜牌只得一頁紙，三款麵同四款飲品，兩款人氣小食 就出現係牆上既板上－－－－－－1. 娘惹濃厚叻沙 $98 8/10入餐廳已經聞到喇沙香氣，材料好足，有檸檬葉、魚片、豆卜、蛋、蝦同雞絲，湯底辣度好溫和，質感濃稠，粗米粉好易就掛到湯😋不過我就覺得麵底比較腍身，但食落真係好香椰漿同咖哩香料味，香甜鹹味俱全優質蝦麵 $98 8.5/10蝦麵麵底係油麵米粉兩溝，我幾鍾意口感，幾爽彈同埋有軟腍度剛好，湯底清澈濃醇，加左豬骨、蝦頭同蝦殼去煮，滿滿蝦既精華味，蝦肉一開二，顏色鮮艷，幾爽口，豬腩肉不錯，但比較薄身，仲有加分豬油渣☺️豐富口感同油香，好正Kaya toast $38 9.5/10!!!!!!賣相極吸引😍必定要叫一份，已經切好四件麵包表面烤至微焦，非常鬆脆，中間咖央醬好似雪糕🤤斑蘭醬同椰奶打成忌廉，輕盈軟滑，而且香甜不膩，推介一定要叫！

Rempah noodles相信對出黎覓開食既朋友黎講都唔會太陌生，哩間走高檔路線既叻沙餐廳一直以黎都喺我既list入面，但係之前黎過兩次都咁岩冇開🙁 今日終於比我食到啦😆 提提大家如果唔想排隊既話最好準時開門既時候去到，今日我地只係遲左10分鐘，入面已經坐滿曬，需要排隊等一段時間先有位，而出黎既時候外面已經係一條長長既人龍🙈 *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🍜 娘惹濃厚叻沙 ($98)湯底醇厚濃郁，辣度比較溫和，香料既味道同層次感方面未算非常豐富，但椰汁味比一般出面既叻沙更香更突出，而且飲得出真材實料，完全唔會覺得好鹹好重味精，令人忍唔住一啖一啖咁飲曬個湯底😋 至於配料方面有蝦肉、魚餅、雞肉、雞蛋、豆卜等等，蝦肉同魚餅口感爽彈，雞肉亦都好嫩滑。面底方面用左粗米粉，掛湯之餘口感都好出色，唔會煮得太淋而冇曬咬口，保留返微微煙韌既口感，重點係可以免費加麵底！岩曬我哩啲大食怪🤩 🍞 咖央多士 ($38)見好多人推薦哩款多士所以我都跟風嗌黎試下😜 果然冇令我失望☺️ 麵包烘得好香脆，完全冇太燶同太硬，入面既咖央醬好重斑斕葉同椰汁既味，口感有啲似杰身既

之前睇到報道話灣仔開左間娘惹餐廳，由新加坡廚師主理，仲有賣班蘭味嘅咖央多士好吸引！餐廳平日收8點，好彩我喺港島返工佔盡地利，如果唔係都好難食到。店舖裝修行簡潔黑白風，唔講以爲係cafe添，廚房係開放式嘅，可以一邊等一邊望住廚師炮製打發時間。 .咖央多士:多士即叫即製，烘到金黃色上枱，香脆鬆化，中間夾住冰凍嘅班蘭咖央醬，一凍一熱滋味無比，班蘭同椰子味都好出，無一般咖央咁甜膩，不枉我為佢而嚟。.娘惹濃厚叻沙:首先試下個湯底，椰子雞湯濃稠，適合我呢啲重口味人士，粗米粉好挂湯，豆卜雞肉同索曬湯夠入味，配料仲有大蝦、魚餅、烚蛋同芫荽碎好豐富，大蝦唔算好彈牙但肉質唔霉，大食嘅朋友仲可以免費加麵添。

娘惹濃厚叻沙🦐（$98）粗米粉配芳香Rempah椰子和雞濃湯，配鮮蝦，魚餅，雞絲，雞蛋，豆腐，豆牙和香菜😚依個喇沙色香味俱全，材料豐富😍湯底香濃，有點辣又有椰漿香甜( • ̀ω•́ )✧湯底都幾好飲😚湯底係精華⭐️豆腐卜索曬湯汁，超入味(｡´∀｀)ﾉ蝦，魚餅和芽菜都好食😋依個娘惹濃厚叻沙真係無得彈👍🏻十分滿意(*´∇｀*)-咖央多士 Kaya Toast🥪（$38）依個咖央多士真係超級好味(☆▽☆)多士好香脆又薄😆而且多士中間夾著厚厚青綠的咖椰醬(*≧∀≦*)份量十足😍味道好香濃，食落帶點班蘭味😋真係好高質的咖央多士 😘-PS 雖然價錢比較貴，但係食完覺得物有所值😆而且餐廳標榜係唔落味精，好放心食ヾ(＾-＾)ノ-Name🏠:Rempah Noodles Location📌:灣仔軒尼詩道18號地舖（港鐵金鐘站 F 出口, 步行約4分鐘）價錢💰:娘惹濃厚叻沙（$98），咖央多士 Kaya Toast（$38）