麻布茶房 (已結業)

上次經過呢間餐廳見到門口幾多人等位，今次就等我黎試下先！雖然要排隊，但都只係等左10分鐘倒 (可能因為我地得2個人啦)。我地2個人都係食火鍋，一個係麻辣鳥肉火鍋，另一個係蕃茄牛肉火鍋，麻辣湯唔係好麻辣，普普通通；蕃茄湯都OK，幾fresh，係健康之選！火鍋入面既食材都係一般火鍋有既野，所以唔多講喇！！本身火鍋係跟飯，我地另外加錢轉做烏龍麵(烏冬) & 屏屏麵(闊條麵)，烏龍麵個麵質唔錯，幾好食，但係屏屏麵麵質太”林”了，我就覺得麻麻地喇……值得一提既係甜品宇治金時，云呢拿味雪糕上淋左抹茶醬，底部係蕃薯蓉，側邊再配上紅豆蓉，幾樣野拼埋一齊好match好好味！！巧克力香蕉聖代相對比較普通，入面放左幾樣生果，食落好清新。呢間餐廳既性價比唔錯，下次會試埋佢D定食。

今日男友喺浸會大學上堂，落咗堂就同我食晚餐我哋決定去樂富，因為比較近佢食完可以坐地鐵返屋企。今日我哋嚟到麻布茶房，主要係因為被佢嘅半價火鍋餐牌同雪糕吸引住一於入去試下我哋七點鐘嚟到要等5分鐘先有位睇完餐牌我哋就點以下套餐牛肉份量比較少，不過咁平就唔可以要求太高整體味道都OK嘅湯比較鹹，麵對於我來說係有口感，但男友就覺得太硬叉燒得兩塊雪糕底是熱嘅南瓜蓉好味側邊有紅豆蓉，仲食到一粒粒紅豆雪糕好滑，奶味充足。男友就揀左Movenpick的士多啤梨味雪糕兩個人食左$174，唔貴！總結: 被安排的座位比較窄，食物尚可，價錢唔貴，都會再幫襯嘅