老鳳冰室 (已結業)

第二次去食對於葵芳嘅老鳳冰室，去葵廣唔食小食其實都有其他選擇。今次星期一7:30去，人流冇上次咁多，兩個人可以坐四人卡座，坐得比上次舒服好多😌。第二次去，當然要點d上次冇食過嘅嘢。蝦多士（$38）蝦多士炸得香脆唔油膩，但一定要點上中間的千島醬，酸酸甜甜，點埋食冇咁乾之餘味道會豐富d。蝦膠唔算薄，但未夠彈牙🍤。中間仲有一碟仔沙律，味道都都算係咁啦。安格斯牛腩撈一丁（$48）個麵跟一塊牛油多士🍞，多士烘得香脆👍🏻。麵嘅醬汁份量唔少，味道香濃帶微辣🌶。牛腩大約有六件，還帶有牛筋，同樣入味濃郁，口感軟腍但未夠嫰滑。公仔麵煮得有點腍🍜，重口味的邪惡組合，味道還算不錯。焗茄茸豬扒保齡球（$68）豬扒鬆軟入味，而且有三塊，好夠食🐖。大型豬仔包內仲隱藏咗d飯，加埋芝士同番茄🍅一齊食，味道真係唔錯，但飯就真係得兩啖🍚，比較少😂。豬仔包焗得鬆脆唔死實🍞，重點係加埋個流心芝士汁落去，有芝味又唔會膩🧀。唔夠芝士汁仲可以問店員拎多一碟仔，清晒成個包冇難度啦😆🤘🏻！飛仔華田（跟餐加$14）飛仔華田味道濃郁🍫，忌廉輕盈像泡沫，上面還加有朱古力脆片，層次感豐富，好好飲呢😋

平時午飯時間，必定門口會有幾人排隊，不過都很快會被安排入座。食物：XO醬砵仔蒸肉餅飯 - 肉餅比較鹹，一定要配飯食。日式豬骨濃湯鹽燒牛肉拉麵 - 估唔到茶餐廳整嘅拉麵都唔錯。安格斯牛腩撈一丁 - 牛腩粒都好淋，不過不失服務💁🏻‍♀️：侍應態度服務良好。環境：枱與枱之間的距離很近。佈置用心，牆上佈置、餐牌、調味料用具、收銀處、餐廳內外都展示香港70、80年代懷舊的特色，還有用廣東話的諧音作為笑話。泊車🅿️：直頭可以泊恆景商場個停車場。總結：整體都Ok，味道比較濃。