Supergiant Social Dining & Cocktail Bar

營業中

休息中

難得美酒會佳人，呢個年代唔好咁老土，一黎就敬你兩杯酒，一杯心酸，一杯愁，忍唔住又唸返兩句，雨雨風風花花葉葉，年年暮暮朝朝，鶯鶯燕燕翠翠，紅紅處處融融洽洽，好詩好詩。👇🏻📌東 南 亞 風 味 -▪️ 滋 味 小 吃 - ▫️「香辣金槍魚刺身粒」食落Tuna肉質爽滑，加上牛油果入口即化，仲有蓮藕脆片、青瓜漬，整體相當開胃，而且dressing夠多，口感特別豐富，配上prosecco就更舒服。▫️「安格斯牛肉麵包」面頭麵包皮烘得岩岩好，夠哂脆身，裡面Angus beef唔會燒到好乾身，而且牛味濃郁，加埋車打芝士同埋韓國BBQ醬，份外惹味。▫️「泰式蝦沙爹」大大粒蝦肉串埋一齊，蝦肉燒得均勻，睇得出大廚功架，而點上花生醬，鹹甜適中，過足口癮。▪️ 豐 盛 主 菜 -▫️「安格斯牛面頰」cheek位相對脂肪少，但肉質軟腍嫩滑，完全係開正我果範，牛魔王黎講真係啖啖肉，好滿足，配上咖哩汁，鹹香十足，配上泰式羅勒、花生、青檸，完全做到泰國風味，而附送一碗茉莉香飯，兩個人share夠哂飽肚。▫️「招牌海南嫩雞飯」最後呢個雞飯係用上黃油雞，難怪食落有鮮味，最靈魂核心人物一定係果碗雞湯，好味又暖胃，當然亦唔少得雞油飯啦，呢

過去三年嘅疫情，有啲餐廳捱唔住無奈結業，有啲餐廳就選擇休業，養精蓄銳，到復常時候東山再起，而今晚同朋友到訪嘅「Supergiant Social Dining & Cocktail Bar」屬後者，更推出一系列新菜式及雞尾酒，確喺幾令人期待。餐廳位處酒店三樓，一出電梯就見到餐廳嘅酒吧枱，餐廳唔算好大，一室以黑白為主調，最特別喺白色牆身其實喺雕花嘅磁磚，令到整體感覺好型格、摩登！對住酒吧檯嘅位置有數張餐枱，再轉個彎屈入少少，入面有另一個用餐區，數張餐枱一字長形排列，典雅嘅天花吊燈，再加上燈效都幾有氣氛。先睇睇餐牌有咩選擇，其實款式唔算好多，但務求貴精不貴多，以類別而言，包括滋味小吃、亞洲風味沙律、主菜、配菜及甜點，所有菜式都詳細列明所包含嘅食材，睇落好多款嘅配搭都幾有特色，更加入不少亞洲元素，侍應更話啲食材取自本地一啲高質素嘅供應商，融入咗東南亞口味嘅全新菜單。此外，除咗食物有特色，雞尾酒一環更有啲新搞作，晌枱上棟起個雞尾酒餐牌，就介紹到一系列原創手工雞尾酒喺由雞尾酒專家Lorenzo Antinori以古老中國神話「月神」為題所特製，5款雞尾酒除咗名字有趣之外，更有少少背後故事。第二章