燒味滷師 (富榮花園) (已結業)

貪方便斬燒味做餸，今次久違ENCORE返燒味滷師，因為份量足又整得幾好味😉今次買左至尊燒鵝(上庄)($110)、泰式鳳爪($45)、客家鹽焗雞(半隻)($35)、燒味佬叉燒($40)煲個靚白飯就開得餐，簡單快靚正😆至尊燒鵝(上庄)：燒鵝整得好味，直情係呢間燒味鋪嘅招牌菜👍🏻食落有口感，肉味濃之餘帶點油香，而且唔會有腥味，點埋酸梅醬黎食就更加惹味🤤泰式鳳爪：酸酸甜甜，好開胃，食落爽口，最正係已經去左骨，唔使又食又LUR骨，方便食用😍客家鹽焗雞(半隻)：雞肉仍然肉嫩，而且佢調味調得個鹹香啱啱好，唔會太重口味蓋過晒雞味😋記得要點埋佢個沙薑汁食燒味佬叉燒：叉燒當然都係我至愛之一🥰肥瘦比例啱啱好，而且燒得些微焦香，香口之餘亦唔會太乾身，整得非常出色🤩基本上佢款式夠晒多選擇，平民價錢但係質素其高，所以都見好多街坊買料加餸😄補MENU

名稱 :  燒味滷師 (富榮花園)地點 :  旺角海庭道16號富榮花園1期地下B號舖香港人忙碌係人都知， 想食住家飯， 又想食新鮮嘅燒味， 當然要去光顧既好味又新鮮的燒味店， 梗有一間喺左近。但係能夠在鋪面相連自設工場， 即做即賣， 日日新鮮， 不是間間都可以做到，鋪面新裝修，整齊乾淨， 好少見到後生仔在燒臘店做斬叉燒。回家做點小菜， 買啲燒味， 快捷妥當。今天買了外賣 :至尊燒鵝（ 上庄）$110客家鹽焗雞（半隻）$35 燒味佬叉燒 $40泰式鳳爪 $45燒鵝甘香脆皮肉嫩好食， 鹽焗雞又惹味， 叉燒帶點焦香又淋甜， 泰式鳳爪爽滑微辣， 加了開胃醬汁， 更加惹味

至尊燒鵝 (上庄) 一盒都幾多，而且燒鵝肉質嫩滑，啖啖肉，外面塊皮有啲都幾脆，加埋汁同送埋既梅汁一齊食，好食啊，推薦～～～. 泰式鳳爪 呢間無骨鳳爪大細啱啱好，唔會太大隻唔知點咬好，偏淡風味，落埋酸辣汁就非常好食，食落都有啲辣，惹味🤩🤩🤩🤩🤩.客家鹽焗雞（半隻） 價錢合理，大大盒、啖啖肉🤩雞肉有口感，配上沙薑汁，好夾！.燒味佬叉燒 叉燒叫左半肥瘦，有啲啲瘦，但食落唔會硬，調味唔錯，唔會太甜同咸，不錯！

近著奧運和旺角站的富榮花園，開了這間燒味滷師新分店。這間燒味店有多間分店，有自設的工場和現場製作，出來的燒味特別好吃。現時有多款燒味優惠如脆皮燒鴨、禾田滷水鴨等等，更有部份保鮮紙包裝好的燒味超抵價。 至尊燒鵝(上庄) - $110 一隻隻肥美的燒鵝吊著令人垂涎三尺。上庄比起下庄的價錢便宜，雖然不及下庄嫩滑，但勝在骨頭少夠肉多。 酥脆的燒鵝皮充滿脂香，鵝肉質細膩嫩滑多汁，裡裡外外也充斥著鵝汁的鹹香。 客家鹽焗雞(半隻) - $30 半隻大肥雞份量特別多，有著濃郁的鹽香，雞皮好爽嫩，皮與肉之間有少少黃油，有陣陣的雞油風味，雪白的雞肉嫩滑多汁。 燒味佬叉燒(半斤) - $40 色澤鮮明的半肥瘦叉燒好銷魂，散發陣陣香氣之餘，入口鬆軟而不失咬口。 泰式鳳爪 - $45 有陣陣酸甜帶微辣的泰式醬汁味，無骨只有爽滑的雞皮和軟筋，以及爽脆的軟骨，好開胃。