為食仔海鮮火鍋專門店

營業中

休息中

今日心血來潮，又想打邊爐🙈 早排食左雞煲火鍋， 今日又有少少雨又比我見到呢間係食蜆煲+打邊爐😳😳😳 從未試過所以一於去試試佢😍未落單前 職員好貼心錦將調味料比我地先放醬料我同男朋友都有選擇困難，所以鴛鴦鍋係我地最好既朋友🙈 我地叫左招牌卜卜蜆+18禁卜卜蜆（BB辣）我地都有點驚訝蜆既份量好多😳😳 仲有睇佢一邊滾一邊卜卜錦嚮 好有滿足錦😍😍😍姐姐仲同我地講 9:30後入座 卜卜蜆係$98！ 我已經知我地好快會再見面🙈🙈🙈PS 員工姐姐服務超好！要大大力讚賞❤️

心血來潮想食卜卜蜆，當然係認起旺角白布街嘅為食仔仔海鮮火鍋專門店啦。天意弄人，去到先知今日無卜卜蜆食，但都嚟到喇，就照樣入去食啦。為食仔出名卜卜蜆相信大家都知。除咗蜆煲，佢哋仲有雞煲、龍蝦鍋、魚鍋、雞煲翅。店員就介紹我佢嘅新推出嘅蟹雞煲（大、中、細、BB辣）同埋龍蝦雞煲。不過我今日唔想食雞煲，所以最終揀咗招牌龍蝦海鮮鍋。依個招牌龍蝦海鮮鍋俾咗我意外驚喜，大大隻嘅龍蝦，旁邊仲有幾隻大蝦相伴。鍋底仲有豆腐、蛙蛙菜、冬菇、雞髀菇，十分足料。個煲一滾起，龍蝦都差唔多熟透。先試個湯頭，湯吸收咗龍蝦同大蝦嘅鮮味，非常鮮甜。龍蝦夠哂大隻，非常好肉，而且好新鮮。大蝦亦同樣新鮮。煲底嘅菜同豆腐吸哂湯嘅味道，成個煲都好正。食唔到卜卜蜆都唔係一件壞事嚟喎。齋食招牌龍蝦海鮮鍋又點會夠、所以點咗封門柳、彈牙香口嘅鵝肝墨魚丸。為咗唔好浪費咗龍蝦海鮮鍋嘅鮮味，再加點咗雜菜同薯粉。一份封門柳嘅份量都幾多，不過封門柳唔同肥牛，佢無肥牛個種油香，取而代之嘅係濃郁嘅牛肉味，而且比起肥牛有𡁻頭，所以大家諗清楚想食牛味濃定油香味，唔好浪費食材呀。