影片
更多
2023-05-15
6983 瀏覽
自從冇左海港城優惠券呢間都唔洗再大排長龍，基本上平日晚飯時間等一陣幾分鐘就入得！片皮鴨1隻 $380★★★☆☆北京填鴨需要時間整，最好一坐低就點，之後先慢慢點其他菜。呢到完全分開左淨鴨肉同淨皮，唔會有皮連肉。外皮烤得幾香脆，帶油脂，全皮冇帶肉，偏向油膩，一定要包埋肉食先得。鴨肉冇味亦冇鴨香，肉質鞋口，如果淨食佢唔掂。薄餅夠熱，厚薄適中，連埋蔥絲、青瓜、甜麵醬、鴨夾埋一齊食味道正常，唯一係個鴨肉出事。麻辣水煮魚片 $298★★★☆☆見每枱都叫，忍唔住又叫埋一份。用左魚柳而唔係魚片，急凍貨用哂生粉醃過所以食落係好滑口。魚柳份量多，夠麻同夠辣，食落入味之餘夠惹味，加上有少量配菜金針菇、萵荀、薯粉片，索哂個湯汁一流。味道唔差，但呢個價錢應該用番魚片。霸王雞丁 $128★★★★☆新鮮熱辣炸，夠哂香脆同麻辣，雞肉夠咸夠麻但又唔會炸到太乾爭爭。但雞肉份量太少，巨多辣椒，呢個價錢唔係幾抵食。小籠包6隻 $98★★★★☆小籠包皮算係薄身多汁，湯汁偏向清甜唔油膩，肉餡肥瘦肉各半，一啖一個啱啱好。生煎包5隻 $98★★★☆☆小籠包個包底煎得夠脆，但個人略廉個包厚實左少少，肉餡都比較少，肉汁唔多，做唔到爆汁。
片皮鴨
$380
182 瀏覽
0 讚好
0 留言
★★★☆☆
北京填鴨需要時間整，最好一坐低就點，之後先慢慢點其他菜。呢到完全分開左淨鴨肉同淨皮，唔會有皮連肉。外皮烤得幾香脆，帶油脂，全皮冇帶肉，偏向油膩，一定要包埋肉食先得。鴨肉冇味亦冇鴨香，肉質鞋口，如果淨食佢唔掂。薄餅夠熱，厚薄適中，連埋蔥絲、青瓜、甜麵醬、鴨夾埋一齊食味道正常，唯一係個鴨肉出事。
麻辣水煮魚片
$298
61 瀏覽
0 讚好
0 留言
★★★☆☆
見每枱都叫，忍唔住又叫埋一份。用左魚柳而唔係魚片，急凍貨用哂生粉醃過所以食落係好滑口。魚柳份量多，夠麻同夠辣，食落入味之餘夠惹味，加上有少量配菜金針菇、萵荀、薯粉片，索哂個湯汁一流。味道唔差，但呢個價錢應該用番魚片。
霸王雞丁
$128
73 瀏覽
0 讚好
0 留言
★★★★☆
新鮮熱辣炸，夠哂香脆同麻辣，雞肉夠咸夠麻但又唔會炸到太乾爭爭。但雞肉份量太少，巨多辣椒，呢個價錢唔係幾抵食。
小籠包
$98
70 瀏覽
0 讚好
0 留言
★★★★☆
小籠包皮算係薄身多汁，湯汁偏向清甜唔油膩，肉餡肥瘦肉各半，一啖一個啱啱好。
生煎包
$98
182 瀏覽
1 讚好
0 留言
★★★☆☆
小籠包個包底煎得夠脆，但個人略廉個包厚實左少少，肉餡都比較少，肉汁唔多，做唔到爆汁。呢隻生煎包個包感會重少少，唔屬於皮薄個款。
乾煸四季豆
$138
102 瀏覽
0 讚好
0 留言
★★★☆☆
唔夠味道、火候同埋乾身，食落仲係帶濕，唔夠香。四季豆都唔算皺皮，不過不失。
北京九黃肉絲炒拉麵
$138
45 瀏覽
0 讚好
0 留言
★★☆☆☆
成個麵色水唔夠，食落冇咩味道，只有少少咸味。肉絲勁幼身同少，成個餸好寡。最後搞呂掂要問人拎辣椒醬撈勻佢先食到。雖然寫拉麵，但食落係上海麵質感，中伏。
🌟總括：食物水平中等，份量較細份偏貴，如果衝住片皮鴨黎食，試過便好，未必會再ENCORE。
張貼
