湘川滬 (粉嶺中心)

營業中

休息中

粉嶺行山後到粉嶺中心吃晚飯，來到這間吃四川上海湖南菜式的店，進店後看到一幅大型的白色天花，檯椅擺放整齊，大都是長檯，用餐環境不錯。天氣涼涼地，吃個羊腩煲也不錯。這個煲放在氣爐上加熱，香氣四散。腩位部份多肉又嫩滑，配料有筍，枝竹，馬蹄，香芹，份量適中。晚市優惠菜式有宮廷汁松鼠鱸魚，也要了一份。整條魚做得香脆可口，酸甜汁令人食慾大增。魚身的大骨已起，所以吃到的是全是啖啖肉。粉漿不厚，很易吃。瑤柱蛋白炒飯，飯粒乾爽，口感佳。小籠包，一咬開已見肉汁滲出，肉團味鮮。這晚我見很多客都點了松鼠鱸魚和瑤柱蛋白炒飯，也確實是好好味道。

六月的平日，人客不多，不用等位，很快安排入座，二人坐了卡位，寬敞舒適。忘了可否選擇茶類，$7位茶，尚算便宜，簡潔的餐具二人不太肚餓，點了: 上海炒年糕~$85~熱騰騰上枱，年糕切得大小厚薄適中，口感煙煙韌韌，炒得入味，真心正，推介小籠包~$45~一籠四隻皮唔算薄，又不太厚，豬肉饀新鮮且足料，湯汁多味道鮮美，褶紋尚算均勻，忍不住趁熱食完一個又一個，蘸上一點醋，酸香提鮮又解膩。疫情下，有85折，連加一埋單$139。下次可再去試試其他菜式。

又黎到粉嶺呢個我長大嘅地方( ´▽｀)今次黎到發現大部分以前嘅舖頭都已經執哂。。由以前各類小店轉化為連鎖式嘅商店少咗陣人情味 但感覺乾淨 光蠻左都正路嘅不過 話哂粉嶺中心都係私人樓天橋過黎轉右嘅盡頭就係湘川滬湘 川 滬 分別代表 湖南 四川 上海 菜其實我都唔係好識分有咩特色對我黎講就係中菜啦總之補祝父親節 多數父親都中意食中餐十年前呢個舖位好似係酒樓 所以都算大泊好車 上到黎都仲未到卜左嘅七點同侍應講一講聲話隨便中意坐邊就坐邊( ´▽｀)時間尚早 餐廳唔多人所以揀咗張靠牆半邊梳發枱 三邊都冇客揀揀下野食四個人 揀左九樣野食 諗住應該都係細細碟揀完遞紙嗰刻 我地嘅左右都已經坐低左客了。。七點鬆啲已經坐滿 咁就唔方便影下周圍了 sad落單未夠十分鐘第一碟係小籠包 雖然冇出煙 但入面個湯汁好滾個味幾好食 唔似我之前食過嘅只有胡椒粉味不過美中不足嘅係個皮比較厚身啱啱好食完 侍應順手就收起左個籠雞絲粉皮就到啦！賣相麻麻地其實( ´▽｀)將雞肉同蔴醬放左喺粉皮正上方 上面再放青瓜絲所以睇落好似唔夠醬咁不過自己撈起左 又發現係夠嘅 唔過多過少唔夠嘅係雞絲( ´▽｀) 好幾啖都食唔到佢嘅踪影味道係好

幫襯開，見防疫工作非常認真，所以我依然嚟幫襯。我最鍾意呢碟金菇炒溫室豆苗🌱，豆苗非常嫩口清新爽脆～必點炸銀絲卷、小籠包、上海粗炒，小籠包爆汁肉餡超美味！😋銀絲卷裏面能夠做到一層層，外面香脆，沾上煉奶，非常好食。上海粗炒有少少鑊氣，幾十蚊，相當抵食。黑醋排骨非常濃味，排骨肉好易咬開，如果唔係太過飽，叫個飯配呢個排骨就相當唔錯。今次有少少失望嘅干鍋麻辣土雞雜錦。勝在明火熱鍋，但麻辣香味少左，無咁惹味....😉今次點左嘅新菜式都幾好，確係有水準抵食中菜。

今次朋友介紹呢間湘川滬，我自己都是第一次過來粉嶺中心呢邊食晚飯。四個人點左個北京填鴨四人套餐涼菜有陳醋青瓜拼鎮訌肴肉和怪味雞絲拼蔥油海蜇。湯是砂鍋雲吞雞。小菜是醬爆腰果牛柳粒和花膠蝦滑浸菜心。另外再加小籠包和酸菜魚片。青瓜夠入味又爽脆，肴肉又有咬口幾好味，雞絲醬汁又幾香，海蜇又爽口。花膠蝦滑浸菜心，蝦滑好彈牙，菜心又不會過老又有好多花膠真足料。酸菜魚片，魚片幾嫩滑又有粉絲和酸菜好好味。小籠包皮薄又多汁餡又大，肉餡又鮮甜。爆炒腰果牛柳粒，牛柳粒炒到好香口，肉質又嫩又香噴噴。砂鍋雲吞雞，雲吞大大粒又彈牙，雞湯又好美味口可。北京片皮鴨切到好整齊，皮外脆肉嫩好香，用薄餅皮包住肉，青瓜絲沾試少少醬好好味。桂花糕好煙韌，又淡淡桂花香味。

今日去粉嶺睇戲，散場後揾地方食下嘢先，上網搜尋到隔離商場有間菜館有片皮鴨食，大家一齊去捲下片皮鴨有優惠！重慶酸菜魚片只需$88抵食，魚片夠嫩滑還有很多配菜，帶少少酸味四個人叫左份北京填鴨水人餐$578好大隻片皮鴨師傅細心地幫我地起片，還分類好鴨肉連片,或淨皮任均我們選擇自由包配料小食有陳醋青瓜拼鎮江肴肉、怪味雞絲拼葱油海蜇雞絲味道特別有半隻砂鍋雲呑雞，每人有兩碗湯飲，又有雲吞食醬爆腰果牛柳粒，西芹夠爽口，牛柳粒岀奇地淋花膠蝦滑浸菜心，蝦滑彈牙花膠差d大過我塊面見到 +$25可以有小籠包 ，當然要試下啦，夾起來時，仲見到有很多湯汁向裡面,我要小心翼翼唔好整穿佢還有桂花糕甜品真的飽飽了

個friend話，不如一齊食飯啦。食咩好呢？上海菜？川菜？Why not both？佢屋企附近商場有間中餐好抵食，gogogo，辣辣川菜小籠包我黎啦！🔆2人餐加$25就有小籠包啦，size比平時嘅大小小，呢度有個窗睇到兩個師傅新鮮製架！襯熱食超正呀！個皮好似個袋仔咁裝住爆汁肉餡，好味又抵食！🥢2人餐有個雙拼前菜、兩盅湯、一個主菜、一個小菜、甜品，$298咩都有，勁抵食！茶類除左平時飲嘅中式茶，仲可以揀玄米茶🍵，好香玄米味，解渴又清滯。🔆西蘭花🥦崧子炒蝦球 - 蝦球🦐新鮮又大隻又爽脆，好多崧子，為呢個菜增加左脆口果仁嘅口感。🔆干鍋雜錦醬香雞🐥 - 明火熱鍋，香辣味道隨著輕煙散發，雞肉香口美味，其他配料屬蔬菜類，所以比雞肉更入味。尤其是切片薯仔🥔，味道好似加辣版熱浪咁，超級惹味～🔆杞子桂花糕 - 賣相幾吸引，比啫喱挺身及硬身，充滿桂花香味而甜度適中～原本幾驚呢度隔涉，落雨好麻煩呀！點知又唔會喎，港鐵站過黎完全唔洗露天5分鐘就行到黎。個friend話平日7點都滿座，假期要點佢早d黎攞飛先～

已經好耐都冇行去粉嶺果邊，而新裝修既粉嶺中心進駐左好幾間新餐廳， 所以友人提議聚會到湘川滬。唔知原來湘川滬係有好幾間分店， 7：15前賣單更有折扣優惠，可惜我地用唔到。好在星期一至五晚飯時段都有其他優惠。果晚獲安排坐係房入面， 由於人唔算太多，4人坐6人枱，非常闊落我地4個人點左6個餸，都係每人百幾蚊，非常抵食。 菜式以上海菜居多，分別點左酸菜魚，小籠包，燴雞肉麵，炒年糕，片皮鴨，三色炒鴨絲（唔記得exactly 個名）酸菜魚比起大陸食既冇咁辣同麻，但魚肉是嫩滑既；小籠包就中規中矩， 冇咩特別；燴雞肉麵，炒年糕，三色炒鴨絲就味道正常，份量ok;片皮鴨會係切之前俾你睇左隻烤鴨先,會連埋蒸籠放住薄餅皮上。可惜薄餅皮比較厚，鴨皮好似得好少， 後尾我朋友直情直接食鴨皮算。整體係扺色，而且餐廳離車站唔係好遠！

近年川菜大熱，很多食肆為了迎合大衆方向，都推陳出新了不同的火辣菜式，而同菜系的餐廳也嘗試加入各種食材配搭，附上不同的優惠，務求在市場上分得一杯羹。最近筆者就造訪了粉嶺一間以湘、川、滬菜式為主打的餐廳，當中最特別的就是以波士頓龍蝦入饌做成的「雙龍出海」，用上了多種辣椒花椒烹調，一端上來已麻香四溢，面頭紅油雖不及傳統的多但還是蠻吸引的，波士頓龍蝦爽口彈牙，蝦頭內擠滿了紅噹噹的蝦膏，讓人望得雙眼發亮，加上超級滑溜的龍利柳和吸滿麻辣惹味湯汁的薯粉和芽菜，正宗的「雙龍」果然夠貼題，麻香辛辣兼備，刺激惹味。另外還有一系列以春日郷情為主題的菜式，玫瑰醉雞用上陳年花雕加上十年陳的玫瑰露醃製，面頭撒上了一些乾玫瑰花瓣，入口酒香馥郁 ，繼而滲著淡淡花香，冰爽嫩滑，只是如以玫瑰露為主打的話就略嫌玫瑰露的香味不夠突出，但其實味道還算不錯。山藥砂鍋雲吞雞，以雞肉菜蔬還加入了鮮淮山熬成的上湯，濃香醇厚，佐上雲吞肉香鮮甜，滑溜暖心。古法山楂糖醋骨用上了新鮮山楂調味，肉排大件酸甜適中，開胃醒神，滿有春日氣息。小籠包採用了類似南翔小籠包的做法，不像現時流行的台式湯包般只著重皮薄湯多而餡小，這裏的小籠包外皮雖然仍然很薄但

由細到大都住係粉嶺，近年搬走左之後好耐無入過來了。約左舊同事食飯，佢新屋入伙我就入尼粉嶺搵佢了成個粉嶺中心唔同矖，翻新左多左好多食肆！見到呢間有玻璃可以睇住入面整小籠包，好吸引咁價錢又唔貴就入左去try try總結都唔錯，值得一讚係員工服務態度，有禮貌又helpful！

琴日又同屋企人去食晚飯，好掛住佢啲小籠包，今次嗌左兩籠，仲有糖醋排骨，上海粗炒同紅棗拉糕, 啲小籠包都仲係咁皮薄餡靚，入面啲湯仲會滲出嚟。個糖醋排骨都好好食，啲山渣好香入哂味，真係好開胃，之後個上海粗炒就有少少乾但配其他餸一齊食都ok, 個甜品就真係一定要食，好香紅棗味，最中意佢個qq 嘅口感，我地食完之後個侍應仲問我地參吾參加下禮拜個水煮龍蝦比賽，贏左有成三千蚊禮卷

琴日趁返工前一家入粉嶺拜年, 好開心再試到好耐都無食過嘅湘川滬, 以前成日都會去, 搬咗後就好小機會食. 今次叫返以前經常叫嗰幾個菜, 包括小籠包, 酸辣湯, 麻婆豆腐, 水煮魚, 瑤柱蛋白炒飯.雖然再見唔到熟悉嘅面孔, 但幾個菜嘅味道仍然依舊保持到. 尤其係水煮魚真係好得. 湘村菜呢間我一家都覺得唔錯.  

上海菜入面我最愛就係小籠包! 呢間既小籠包唔錯,皮夠薄,有汁,最緊要係佢熱辣辣上枱好好味. 不過上菜只有一碟醋就無俾到薑絲我地,呢度就扣少少分喇然後仲叫咗回鍋肉, 肉多菜多又好送飯,係豆腐乾就少D, 而且唔算多肥肉,味道算係咁上下啦 最後叫咗個桂花蜜拉糕 ,佢面頭有D桂花係度所以好香,下面個布丁好滑.算係一個特別既甜品. 可能因為食咗頭兩樣主食之後都幾濟下所以覺得佢好解膩,好清新.兩個人食三樣野已經好飽, Menu仲有好多有趣既點心都未試到,不過小籠包一定會encore 再encore呀!

難以想像在粉嶺中心會吃到高質菜式, 如同暗黑商場中的明燈💡😋菜單太多美食吸引, 我和朋友點了七樣菜式, 主要是廚師推介。先有夫妻肺片, 微辣惹味而開胃, 有辣椒油及醬料和蔥花在牛展, 牛肚及牛筋上, 肉質軟熟, 吃下冰凍爽彈, 正的!接著是小籠包, 皮很薄, 湯多, 餡料鮮甜, 再配上充滿薑絲的香醋汁, 很完美的! 繼續要讚是蔥油餅, 蔥很鮮香, 外皮厚得來很鬆化, 吃時不粉實更絕不油膩。還有名為榨菜肉末配叉子燒餅, 燒餅充滿芝麻香, 夠脆薄, 餡料有許多榨菜肉碎, 還有我很愛的松子, 味道口感豐富。然後是冇得輸的黃沙香南瓜, 南瓜軟而甜, 配上滿滿的鹹蛋黃碎包著的外皮, 很香濃的蛋黃與鮮甜清清的南瓜成了個美好的平衡, 很夾很惹味, 很想再吃。若有三高人士, 要考慮吓, 因為屬高油食物。第六樣是湖南豆酥魚片, 少吃湖南菜, 一試其特式, 豆酥香, 魚片質軟, 是特別的菜, 若能醃得少鹹點, 便更易入口。最後, 總要叫個點品作完美句號。所以, 我們點了奶皇流沙高力, 奶黃味很濃, 也很滑流, 但不算多, 高力外皮重蛋白味, 好吃的, 再薄一點更好。總結, 我真的很滿意這餐, 誠意推介!

今晚因爲工作關係去到粉嶺附近，咁順道食晚飯先返去啦...見到門面都幾新、所以就去試下先.. 原來睇睇下餐牌就發現有好多唔同款式既中國菜....而且價錢都合理...三鮮炒拉麵：入面有雞肉、豬肉同蝦仁..炒落都好有鑊氣，味道適中..唔會好咸...！砂鍋雲吞雞：我地今次叫在半隻，而服務員上枱時，亦都會幫我地勺在兩碗，然後再拎在半隻雞出黎....而湯既味道濃郁...雞肉都非常滑嫩...雲吞皮薄多餡...小籠包：一咬開就有濃濃湯汁係入面流出黎..最後我覺得呢度食物款式多，上菜都快唔洗等好耐，而且味道都唔差，都值得去試既食店