星海薈﹒譽宴

營業中

休息中

放假第一擊，訓到自然醒然後同屋企人飲個茶媽媽喜歡到呢間星海薈飲茶，佢話好坐又好食，咁就陪下佢順便見識下。確實環境又真係幾靚，坐得舒服。唔係傳統酒樓嘅格局，係適合做婚宴嗰種，所以燈光、佈置、設施等都較為時尚。店內設施簡約而高貴，配合大型幻彩水晶燈，配合瑰麗而優雅嘅舞台，喺度擺婚宴確實唔錯。酒樓點心嘅選擇都幾多，飲茶必點嘅當然係有蝦餃、燒賣同牛肉。另外叫左小籠包、蝦腸、鮮蝦腐皮卷。而老公就想食椒鹽魷魚鬚、蜆芥鯪魚球同xo醬肉鬆四季豆。晶瑩鮮蝦餃，皮薄軟熟，晶瑩剔透。咬開肉餡見到大隻蝦肉，爽口彈牙，蝦餃入面有少少肉汁，食落去唔會乾爭爭。蟹籽燒賣皇，餡料有豬肉蝦肉冬菇，份量十足，粒粒都大大隻。肉質嫰滑不肥膩，加埋冬菇嘅香味洋溢，新鮮好食。山竹牛肉球，我嘅至愛。做得非常好食，係我小時候第一次飲茶食嘅牛肉味道，充滿回憶。牛肉球肉質彈牙，除左嫰滑，仲有爽口嘅馬蹄粒，增添爽口嘅口感。南翔小籠包，小籠包肉餡多肉汁爆滿，要夾起小籠包好講技術，如果唔係好似我咁，爆開了嘥晒d精華，食唔到入口爆湯嘅感覺。鮮蝦腐皮卷，外面嘅豆皮非常酥脆，蝦肉加入芫荽令香味提升，咬落去鮮香味濃，唔洗點任何醬汁，味道已經好好。蝦腸切

好姊妹結婚約出黎派帖, 相約了沙田萬怡酒店內的酒樓-譽宴．星海薈。呢間酒樓跟其他譽宴分店一樣, 都以寶藍色做主調, 再襯托埋天花裝修, 更顯氣派。下午茶2:00開始, 價錢當然比起午市再平一d。供應了多款點心、冷盤、麵飯等等....晶瑩鮮蝦餃: 蝦餃圓潤脤卜卜, 餃皮薄得晶瑩剔透, 蝦肉餡料鮮甜爽口, 真材實料, 推介!蟹籽燒賣皇: 燒賣同樣皮薄飽滿, 豬肉同蝦肉餡料鮮味juicy彈牙。山竹牛肉球: 牛肉球多汁夠林, 夾集莞茜、馬蹄, 多一點清香、層次。豉汁蒸鳳爪: 鳳爪皮唔會好乾, 很入味, 豉汁亦唔會過鹹碧玉鮮蝦腸粉 : 腸粉薄又滑, 每卡腸粉都隱藏著原隻爽口大蝦, 加上了甜豉油, 味道更提升。鮮蝦腐皮卷: 腐皮煎得鬆脆不油, 夾住鮮甜彈牙蝦肉餅, 其中更有蝦粒, 口感、味道一流!黃金流沙包: 包好軟熟, 流沙湧出, 奶黃味濃郁。咕嚕蝦球香煎脆麵 HK$148脆麵餅跟咕嚕蝦球分開上, 脆麵炸得極之脆, 就算加咗汁落麵餅, 都唔會好快林, 個汁好滑杰杰地, 甜甜地, 蝦球有吸了茨汁嘅炸皮包住, 蝦肉大隻爽口。 豆沙糯米糍: 微微煙韌糯米皮表面平均沾上椰絲, 入面有甜甜地嘅豆沙, 整個

同男友黎左萬怡酒店staycation🤗 lunch就順便係一樓既呢間酒樓解決埋😂呢度裝修幾靚幾有氣派👍我哋叫咗兩份白胡椒濃雞湯灌湯餃，鮮蝦腐皮卷，乾鍋醬金錢肚，高湯太子菜肉餃同埋山竹牛肉球😎灌湯餃基本上係我去酒樓如果見到都必點既菜式黎，因為小時候同屋企人去飲茶每次都會叫，有種回憶係度😊 宜家好似已經買少見少🙈呢個湯好重胡椒味，加埋濃郁既雞湯好夾好好飲😋雞件勁滑！灌湯餃皮薄，裡面有勁多蝦肉同香菇，超級鮮味！！仲有啲豬肉增加口感，非常推介！😍鮮蝦腐皮卷外層香脆，蝦肉彈牙，都係推介之一！🤤乾鍋醬金錢肚份量唔少，金錢肚夠厚身，帶輕微既辣幾惹味，水準唔錯但未算特別突出～高湯太子菜肉餃係相對清淡既菜式，餡料加左帶子所以幾鮮味，亦都無傳統既餃子有肥豬肉係裡面咁膩👍 值得一試～山竹牛肉球大大粒，口感嫰滑彈牙，仲有啲爽口馬蹄提升口感，比起我平時係酒樓食既較高水準😋食飽飽後有氣有力可以繼續埋我地既staycation day 2 schedule🤣