御和亭日本料理

營業中

休息中

Yu To Tei Japanese Restaurant

132 食評

味道

環境

服務

衛生

抵食

7453

大埔

$101-200

日本菜壽司/刺身

103

岩鹽燒頂級牛胸骨

3 已推介

奧志雷

等級4

2.1K

爸爸節晚飯 ﹗父媽一向同大埔共存亡，絕不離開，唯有係本區搵搵有什麼美食啦，細妹話想試試御和亭，無所謂，橫掂我都未幫襯過。早幾日已致電 19:30 留座，但我今晚特別早，未夠 19:00 就到左，晨早流流居然滿座囉 ﹗點都要等到夠鐘先有位。

原來舖面好細喎，程正長方形，檯都放到密麻麻，檯與檯之間免強讓一個人側身跣過，肥少少都過唔到。分晰左 menu 幾次，我一向食野要 step by step，會由淡到濃、由生到熟；前菜、刺生、壽司、湯、炸物、串燒、料理、粥粉麵、甜品，但屋企人一於好少理，一次過叫晒算數囉，您地鍾意啦。

發現沒有什麼珍品、罕見或特別食材，查詢下一條活魚刺生都無、無活赤貝、無活象拔蚌、無北海道活馬糞海膽、無雞心串燒、等等。食材比大埔鮨一及上水漁匠都遜色一點，不過御和亭晚晚爆場排長龍，話知您啦，夠做咪得囉 ﹗侍應妹妹及四眼弟弟服務尚算合格，但可以更好。可能實在太忙啦，張檯細細收碟真係要快一點，而且添茶都比較被動呢。

料理長八品刺生併盤，先叫個師傅隨意刺生盛先，再睇下有什麼刺生要補。牡丹蝦刺生，巨形 6 吋蝦，大量蝦膏極具甘甜，沒半點腥嗅味道。蝦身油潤立立令，黏黏爽爽的肉質甜美無比，印證新鮮度爆棚。

帶子刺身相對地並通，size 接受，軟甜滑溜甜味出眾。金目鯛刺生，魚味獨特而濃厚，油脂豐富散發著清淡甜味，質地清爽結實。金槍魚腩，粉紅色可遇不可求，入口即溶微微帶筋，高級品質滑不溜口，超凡脫俗魚油香味及芬芳攻陷味蕾直擊腦袋，好味到震。

三文魚腩刺生，近年坊間既三文魚腩都是如此演繹，只不過係腩邊位，三文魚腩黏付少許粉紅腩肉就算，失望。可幸的是，味道依舊甜美可口，軟棉滑滑，但加上淺淺的腩脂香氣。

海膽刺生，不知產地但賣相出人意表地丟臉，爛成一劈，顏色暗啞又帶啡，還好唔腥還帶微弱鮮味，不幸中之大幸。油甘魚刺生，我最愛既刺生魚，魚油多到閃令令反晒反，入口甜味澎湃，棉滑中帶咬口，魚味比三文魚及吞拿魚更濃。

炙燃左口邊刺生，我都估左好耐到底係咩東東，原來係白肉既左口魚，油脂都是數一數二既魚類，所以炙一炙會更香更油潤更鬆軟而表面燋香，正呀 ﹗其實簡單地介紹一下併盤中有什麼會更好囉，如果比較高級既日本料理直頭會有個木牌仔係旁邊呢。

火炙赤目半條，今晚無任何全條活魚提供，只剩下半條赤目魚柳或薄切大池魚乍，侍應四眼小朋友您知唔知我到底想要什麼呢？油脂泛濫既赤目炙一炙迫使魚油溶化而滲出表面，將整條魚包得油潤幼滑，入口潤澤每個乾涸了的細胞。

魚皮金黃微脆帶燋香，緊緊黏附在白裡透紅的魚肉之上掉進黑洞中，先在舌尖上打滾一翻，濃濃的魚味跟甜甜的魚脂融合，味道升華極致 ﹗油脂澎湃，燒一燒香味更加突出。魚皮微脆香口，魚肉滑溜溜非常油潤立立令，厚身啖啖肉而雪白嫩滑，難怪凱程 BB 最愛就是鯛魚。

油甘魚刺生，師傅寬卓唔手軟，切得厚厚大大舊，連我都只係能夠免強可以一啖塞入口乍。肉質結實滑滑，散發清爽魚脂香甜味味，紅色部份越多就越甜，大滿足。

螢光沖漬魷魚，肥嘟嘟好可愛，肥美飽滿脹卜卜，新鮮度爆登。魷魚肉爽脆多汁，鮮甜醬油味道芳香濃郁，而不過咸又不嗆，夠清爽涼快。去到任何一間日本料理都會 order，原條掉入口，半滴精華都不漏，美味極了 ﹗

韓國海膽刺生，侍應妹妹稱帥傅通知北海道海膽質數不太好，不如試試韓國啦。賣相吸引，鮮橙色外觀非常誘惑。個個唔郁就我郁先，唔客氣喇 ﹗貪心地一夾差不多十粒放在香脆紫菜上捲起，急不及待即時掉入口中 ﹗海膽肉沒半點腥味，只有超級甜美味道在口腔內打滾，濕潤非常又極具彈性，太幸福喇。

三文魚壽司，又會那麼巨形啊？只係 $18 蚊件勁抵食，繼巨切油甘魚刺生後，又一驚喜獻禮。一指手握飯團配上勁大塊三文魚用筷子夾實有點難度，散開晒添，最後我都要落手先搞得掂。

飯粒乾爽結實還可以，只係偏瘦削，飽滿不足。厚厚的三文魚估唔到超級棉滑，非凡出眾的魚甜味已佔據整個身體，好想伸手去食多件呢 ﹗肥美超甜超高質，物超所值 ﹗阿媽唯獨鍾意食三文魚刺生，剛才併盤又只得兩片那麼少，叫多個 4 件壽司啦。本打算讓爸媽每人兩件，但賣相極為吸引，我同細妹都忍唔住要試返件呢，哈哈。

軟殼蟹手卷，只洒上蟹籽點綴確實有點 dry，紫菜好脆卜卜又係乾，軟殼蟹炸得鬆化香脆都係乾，樣樣乾哽有點辛苦呢 ﹗輕輕滲出微弱蟹味，不太突出。如果加點滑滑沙律醬及多水青瓜會更美味，還添上清爽味道。飯粒又濕又爛，黏實我個嘴同喉嚨，好難趙又難吞呢，跟剛才三文魚壽司完全唔同。

海鮮土瓶湯：蟹柳、本菇、雞髀菇、魚蛋、蝦仁，用料似乎太普通喇，微弱的海鮮味道，幸好醬油夠香甜又熱辣辣，都好食既，只係單調左少少。上次出城食配菜有大蝦、帶子、鯛魚、蟹柳、雜菌、等等呢，味道更豐富。

鹽燒牛舌輕輕散發著牛羶味道，除牛羶味外，本身牛味亦極濃，質地異常爽口，彈到不得了，每口都充滿肉汁。奈何出手太重，鹽多了少許而略咸。麵豉湯，大路普通，加上豆腐、青蔥、昆布又熱騰騰好少話難飲既。鯛魚奶湯，又係落左芫茜，味道濃烈，我飲唔到呢。湯汁程奶白色，滑滑帶黏，奶味雖然突出，但都不夠芫茜利害，可能我對芫茜味道太敏感喇。

天婦羅雜錦：大蝦、魚柳、茄子、日本蕃薯、日本南瓜。其實個天婦羅炸醬做得非常出色架，白雪雪又鬆化香脆，雲一般的輕盈、霧一般的飄飄。新鮮炸起香噴噴，熱力迫人，芳香處處。大蝦炸漿落得太厚，其他都恰到好處，沾上果醋可減低油膩及煎炸感覺，略為帶出一點清新氣味。大蝦味淡不過十分爽彈、魚柳嫩滑水潤肉汁欲滴，其他蔬果都清甜味美。

燒雞翼，唔係兩隻一客咩？有三隻既？超水準演繹，雞皮炒得金黃帶脆，大部份食肆都燒到乾爭爭又硬掘掘，但御和亭居然做到雞肉鮮嫩可口，仲要有大量肉汁滲出，醃味剛好不咸不濁，特顯雞肉原始風味，堅正好食 ﹗

岩鹽燒頂級牛胸骨，份量都唔少喎，而且仲有沙律菜墊底添。師傅用心地堆砌，擺位得宜又美觀。牛胸骨肉切得井井有條，大少厚薄相約，還剛好一口牛的呎吋，成塊塞入口最滿足。深粉紅色牛肉可預不可求，牛味飄飄、口水流流 ﹗

燒功了得剛好 7 成熟，看得見的水潤，肉汁澎湃立立令。肉質嫩滑無比，清香牛肉味道原汁原味，實在過份美味喇 ﹗如果混上沙律菜同吃，便大一翻味道，燒牛肉沙律乎？還跟上芥末籽醬，配埋牛肉又另一種風味，完全唔辣，但非常香口呢。最後我要出手喇，雙手拿實條牛胸骨，要一絲肉都不漏盡收肚裡去 ﹗黏附在骨上既肉帶著燋香又特別有咬口，好美味啊 ﹗

燒自家製鰻魚，熱力迫人滾熱辣香噴噴送到，齋睇個樣已知非一般的燒鰻魚 ﹗巨形新鮮鰻魚不一樣的肥美鮮甜及厚身，乾屍一樣扁撻撻的飛機貨同佢那有得比 ﹗油潤鬆軟鮮鱔肉黏著燒得香脆外皮，輕輕的掃上鰻魚醬燒烤，味道清爽不嗆不濁，不會掩蓋鰻魚天然鮮甜味道，肉汁處處、鱔香飄飄，大愛推介 ﹗

蕎麥冷麵，如魚熊掌，蕎麥好還是稻庭好？兩樣都想食，依家已食到尾聲，我一個人食唔到兩個麵呢，好煩腦啊 ﹗最後蕎麥跑出，恭喜晒。蕎麥麵躺在竹蓆上，眼看仍然好濕滴晒水喎，浸醬油時味道咪會變淡囉。

為醬油添上少許白蘿蔔蓉、青蔥及 wasabi，淺嚐一口冷麵，似乎唔多夠味。All in ﹗全部落晒再試試，係您喇，係依隻味喇 ﹗Wasabi 微辣而散發著清香，白蘿蔔蓉味辛加上青蔥香氣，將豉油鮮味進一步提升，大注大注冷麵掉入混醬中，大力啜啜啜，食得暢快，超美味，爽啊 ﹗麵條質地可以再硬一點就更開心啦，依家都好滿意。

黑松露鮮帶子炒飯，爸媽無飯唔得，專登叫個炒飯。我一向不太喜歡日式炒飯，珍珠米唔夠香又炒得較濕又無鑊氣，依碟都不例外。整個飯都是黑松露味道，跟廣東黃金炒飯不同，蛋還蛋、飯還飯，蛋碎炒飯味道不錯，但口感及香氣稍遜。爸爸節晚飯完滿結束，好飽啊 ﹗一家四口 $2000 蚊埋單都合理，但我仲有好多野想試呢。

御和亭日本料理 營業中 休息中

御和亭日本料理

營業中

休息中