道頓堀御好燒專門店 (荃灣廣場) (已結業)

上次去旺角朗豪坊想試御好燒，不過有幾十人排隊，最後冇試到。今次下午去荃灣分店冇人排隊，店內環境寬敞，冷氣充足，但有少少油煙味。我同朋友點一個廣島燒、一個道頓堀雜錦文字燒。桌上有計時器、教學教顧客點DIY食物。文字燒$98- 用料豐富，煮法好容易，將粉漿混埋，放落爐上炒熟，就可以食喇。文字燒淡淡地好似食糊仔咁，食到食材嘅原汁原味。廣島燒$98- 做法比較繁複，又要煎蛋又要炒麵，都幾考功夫同有挑戰性。廣島燒食落飽肚惹味又重口味，加埋燒汁、紫菜同沙律醬一流！食材有脆脆好好味。我會推介廣島燒，就算平時冇喺廚房煮野食，跟住教學做都可以做大廚！

難得今日學校放假，我哋一家三口決定去我想試好耐既餐廳《道頓堀御好燒專門店》可能係平日嘅關係，人流唔係太多，一去到就可以安排我哋入座。由於我哋係兩大一小所以我哋叫咗個「二人分享套餐」，套餐入面有沙津，一個廣島燒，一個御好燒，一款燒肉，一客帶子，飲品及雪糕。今次最想講既係「廣島燒」，我最主要去呢餐廳嘅目的就係想試親手整廣島燒😁，當店員送上製作廣島燒的材料，我同仔仔已急不及待跟著說明去整，估不到都唔算難整，都似模似樣，味道都ok la😆餐廳食物味道普通，不過勝在好玩😉

前日(6-4-2019 Sat)晏晝同老公睇完戲,啱啱係食飯時間,咁我哋搵嘢食先,記得呢間可愛嘅大阪燒,於是走上嚟,人未多仍有好多位,侍應第一句同我哋講食90分鐘同每位最低消費$100.00.冇問題.坐低後睇menu,同老公不加思索咁,即刻決定要$388.00嘅二人套餐,揀好後,先上:1. 燒煙肉凱撒沙律煙肉另上,侍應叫我哋自己每面煎1分鐘至熟透就可以加入凱撒沙律同食.凱撒沙律蔬菜新鮮,蒜蓉麵包粒脆但幾鹹,沙律汁啱啱好,OK,不過又係冇芝士嘅?5. 牛油帶子都幾新鮮.2. 廣島燒大量椰菜絲,兩片薄豚肉,粗麵,粉漿俾齊晒,自己依指示燒,燒粉漿時我嗅到好香.玩咗好耐食得,老公手勢唔錯,麵汁,燒汁同沙律落得啱啱好,我哋狂落海苔粉同木魚粉食.而配料嘅炸魷魚韌晒,放落去煎返脆佢吧,原來煎完即食只係熱同韌,但魷魚濃返;攤返凍佢就會脆.4. 上級牛肋肉同1cm厚切加拿大豬腩肉&雞肉中,揀一樣,我哋揀咗後者.1cm厚切加拿大豬腩肉,食落夠味,唔錯.雞肉就完全冇味,要加燒汁食.3. 御好燒喺流心芝士,肉類雜錦同道頓堀雜錦(即海鮮雜錦)揀一樣,我哋揀咗同道頓堀雜錦.呢個簡單好多,只要將所有材料撈勻晒放落去

過左咁耐 每次食親都要等位 因為過左5個號碼就唔會補返飛 要重新排過 所以都無走開 係店舖外睇定啲廣島燒點整黎打發時間 出面亦都有少量位置可以坐今次等左半個鐘 終於有得入啦 熱辣辣既鐵板一直熱住等我地 旁邊有唔同調味料可按自己喜好調味《燒煙肉凱薩沙拉🥗》$58 燒煙肉都要自己動手😆預左廣島燒會膩 所以點左沙律fresh 下 解膩 食多啲菜 感覺都無咁熱氣呀《燒酌骨膠原活乳酸梳打》$32 雖然店員話含酒精 但完全飲唔出 白桃同巨峰提子味道都正常 唔會係啲好鬼甜 攞命既糖水味 都幾清新好啦 講左咁多 《廣島燒》$98 材料終於上啦 有麵糊 佐料 椰菜 豚肉 拉麵 蛋跟住步驟整 其實都ok 有需要可以用埋timer 最難係要成個上下翻轉 但都係一次有趣既經歷 十分鐘左右就有得食 落左好多沙律醬同紫菜粉 熱騰騰的 好不吸引😍咁多層都可以一口過 無想像中咁膩 兩個share 一份 啱啱好😋自己整既 格外美味今次因為兩個人 所以消費滿$200 送左客魷魚仔 如果一枱消費滿$300 仲送道頓堀雜錦御好燒一客 幾抵食😋兩個人都係食左$220 平均$110/位

本身只有荃灣廣場一間鋪頭，但在今年已經加開不同地區。環境係好靚好有和式風格，但完成不適合侍應觀察客人的需要。有一張學習如何煮食的紙板，上面的說明不是很詳盡需要時間了解，我建議睇片學。肉類雜錦御好燒$88口感一般，可能粉漿比較多。在煎煮過程中一定要把肉類平均分配。廣島燒$98記得炒麵醬油不要放得過多，雖然炒麵顏色不是很深色但味道已經足夠。1cm厚切加拿大自然豬腩肉御好燒$118經過肉類雜錦御好燒和廣島燒的練習後這個御好燒就煮得非常順手。1cm厚切加拿大自然豬腩肉御好燒十分好味。芝士薯仔年糕$38芝士超重，外面口感有些像麻薯。外面煎煮到金黃色，也不是表示已經熟透，因為它是在雪櫃拿出來的裏面可能也是冰凍。上級牛肋肉$75，豬五花$45這兩款給我在選擇我只會選擇轉五花，肉汁比較多性價比高。

周五係好日子，跟朋友迤個下午茶，聊聊天，隨意走到荃灣廣場找食肆，走了兩圈，大多是連鎖餐廳，並且都試過，只想試新嘢，反正早餐都Skip咗，見到與大阪道頓堀同名，駐足一看，除了基本的下午茶餐，沒甚吸引，轉眼看到套餐，包含兩種燒餅，還有牛肋肉和帶子鐵板燒，睇落吸引，即管一試，還可大顯身手😂😂😋先來沙律，一般可接受。接著係牛肋肉和豬腩肉，在鐵板的高溫烘烤下，份外味美，肉質還很嫩滑，正😋再來是御好燒-道頓堀雜錦，經魔術手變法，再配合燒烘時間，馬上成形，朋友都驚訝色香味四溢👏🏼👏🏼😘壓軸就係廣島燒，再由「大廚」出馬，按步就班，原來都係咁「簡單」，就算食到呢個階段，似乎有點滿足，但面對這大餅也忍不住餅來張口，味道十足，加以醬汁，更覺味美，其餅底、炒麫、雞蛋蓋頂，融合不同的口感和味道，簡直係完美結合，為呢個「下午茶」劃上完滿的句號。有機會都想跟多一點朋友共享，值得憧憬！👍🏼😋

道頓堀剛在尖沙咀開業時見識過它門外等位的人龍，一直沒有機會試，等到今時今日它開了多間分店，窩夫與蝦子餅才第一次光顧。點了一客二人分享套餐($388)。落單後先學習怎樣製作美味的御好燒。前菜是燒煙肉凱撒沙律，上面的燒煙肉要自己燒的，沙律菜新鮮爽脆。燒牛油帶子相對簡單，由窩夫主理吧。帶子味道鮮甜，沒有燒得太乾。上級牛肋肉也由窩夫負責，肉質和肉味都不錯，燒得較熟也不韌。道頓堀御好燒的材料看來很豐富。道頓堀御好燒由蝦子餅操刀，他的手勢很好，很有做大廚的天份呢。完美一翻。最後一步是按個人喜好加上醬汁、蛋黃醬、鰹魚碎和海苔。這些是廣島燒的材料。廣島燒的製作比較繁複，但也難不到蝦子餅，賣相很專業，味道一流。套餐的甜品是單球雪糕，點了一球綠茶，一球芝麻，各有特色。

日本過江龍既大阪燒，食飯時間門口長期爆滿等位既人。其實自己動手做大阪燒在日本都很常見，通常店員會幫下手、你又可以自己試下玩。當然在香港是比較少人做，因為租金貴，與其等你慢慢整，不如等師傅快快手整比你食，食完拿拿臨番枱到下位。難得有間比你玩，一定要試下。餐牌有圖畫很多選擇，點了一個御好燒和廣島燒，分別在於廣島燒是有炒麵在底。材料很快奉上。每個都有秩序咁放在碗裏。枱面上已經有一張制作方法說明，只要唔好緊張慢慢黎應該不會失敗的。店員亦會在製作過程中協助及提供意見，當然有佢在場就唔會差得去邊喇，枱上各種醬料一應俱全。好勝心強的他仲要學人畫花，都可以喇90分鐘好快就過，不過絕對夠時間慢慢玩，味道當然好喇，自己整架嘛