Hami Harmony (已結業)

想試呢間位於太子既小店好耐，今日專登早啲收工，約埋朋友嚟食個early dinner。入到嚟就留意到周圍都佈置好有心思，好鐘意呢種木系既感覺，坐得好舒服。白酒忌廉煮青口大大力推！除左青口份量好多之外，個汁既味道調得好有層次。另外仲有拌左醋既沙律，仲好細心地比個碗去裝住啲殼。意式海鮮配龍蝦汁意大利粉海鮮有青口、蜆肉，鮮蝦等，意粉幾掛汁，配埋龍蝦汁都幾正。日式帶子黑松露什菌意大利飯帶子煎得幾香，意大利感好creamy，帶點黑松露香氣。熱情果菠蘿梳打菠蘿既味道相對突出，酸酸地相當開胃。黑加侖子薄荷熱情果梳打幾鐘意佢帶點黑加侖子既香又唔會甜得過份。

這次為朋友慶祝生日, 但由於疫情關係, 沒有晚市, 所以選擇在午市慶祝!這間餐廳地方比較細少, 而且人不多, 很舒服! 牆上掛了不少畫, 好田園feel!這裡沒有下午茶, 只有午餐時段 12:00-5:00, 我點了香煎刺身帶子青醬意粉 $78!一送上檯時, 帶子有點凍凍的, 不知道是否只是輕輕把帶子外面煎過, 內裡保留住刺身的口感, 但帶子比較細, 感覺還未到水準...意粉有點兒硬, 而且比較乾身, 沒什麼青醬味...而朋友點了正價餐牌裡的意式海鮮配龍蝦汁意大利粉 $125!個人認為這款比較好味! 龍蝦汁好香, 味道好出, 海鮮算多, 有大蝦, 青口等, 可能醬汁問題, 這款沒那麼 乾身, 所以意粉比較軟身!

太子近旺角差館附近，有很多小店，一向都是我呢一類識飲識食人士喜歡光顧的，因為這些小店通常都是一些自家的廚師老闆，出來創業，每一道食物都有個人的靈魂及風格！今次黎到呢間Hami Harmony，是標榜自家製的法國小館，聞說老闆亦都開班教人整甜品，所以我絕對要一試，門面好似豬間白色小屋，裏面嘅裝修非常清新簡潔，牆上嘅裝飾亦都很有心思，而我最喜歡就係枱上面嘅馬賽克瓷磚，非常之有特色，充滿摩洛哥風情！首先我和朋友玩了個頭盤，「白酒忌廉煮青口」，那個白酒忌廉，充滿了芝士香味，配以一些迷迭香，非常可口。青口的size亦很適中，不會太大，亦不像坊間很細的，味道及烹調方法都值得一讚！我和友人各叫了一個主菜，我的是「日本帶子黑松露集菌意大利飯」。那意大利粉很香甜可口，亦都每一粒飯都充滿牛油香，那些帶子亦都煎得香口，外面脆內面軟。用來配那意大利飯，十分滿意好食！朋友就order了「意式海鮮配龍蝦汁意大利粉」，我試了一口，嘩！好食到不得了，龍蝦汁十分鮮甜，裏面嘅海鮮亦都非常充足，有蝦、墨魚，青口等等，在龍蝦汁配襯底下，淡淡可口鮮味！飲品方面叫了一杯「哈蜜瓜菠蘿梳打」，在這天熱的時候， 十分清甜解渴，浸浸菠蘿

今日嚟到太子一間唔太多人嘅餐廳，成間餐廳都好悠閒。一入去就覺得佢嘅裝修好特別，有色彩繽紛嘅磚瓦，同牆上立體嘅食物畫。店內好多都係年輕人，店面光亮而乾淨。呢兩碟賣相差唔多，但我偏好龍蝦汁意大利粉多啲。佢嘅龍蝦汁融入意粉入面，暖暖地都幾入口。而且每一碟份量都適中，唔會唔夠飽。意大利飯喺比較下就較為失色，汁同飯夾得無咁合適，但配料都多，幾夠食。見幾好食，就叫多個甜品！我係第一次食蛋白脆餅，感覺好似食空氣咁但甜甜地。呢個蛋白脆餅有埋好多生果，感覺好fresh，食完咁濃嘅意粉再食呢個甜品都唔會滯。甜品配個貓形嘅匙羹，好cute! 會再想食其他野！

是日一行二人經Openrice 訂位，完全唔洗等直接入得，去到都有多吉位，但同樣地都係被人book左，有人walk-in 店員都會話有人book左而冇位俾人入，所以想食記住要book位。因為唔係第一次食，睇左陣餐牌決定叫之前冇食過既野黎叫，叫左意式海鮮配龍蝦汁意大利粉同煙三文魚飛魚子意大利飯黎share，餐飲揀左黑加侖子薄荷熱情果梳打。先講杯野飲黑加侖子薄荷熱情果梳打，熱情果味就冇咩只有淡淡，但黑加侖子同薄荷味都幾重，幾好飲。果意式海鮮配龍蝦汁意大利粉，海鮮都唔係重點，普通啦～ 最緊要果龍蝦汁好濃味，意粉軟硬度適中，夠哂掛汁。而果煙三文魚飛魚子意大利飯，好食，果飯好creamy，而且芝士夠會有啲拉絲，有埋啲飛魚子令成件事好有口感，層次更豐富，好食。整體黎講，食左幾次都唔厭，食極都仲會想黎食，服務又唔錯，期待下次再黎試埋其他。

我沒有想過在充滿酒吧的西洋菜北街中，竟然有一家有自然感的西式小cafe! 晚上九點去到還是很多客人呢！室內的木枱椅，加上牆身的裝飾，很有田園清新的感覺，悠閒又溫馨。肚餓的我們又要小食，又要pasta又要肉。價錢一百頭不算貴呢，選擇也不少。醬燒七味特級牛脷混合了西日風格，燒得乾爽的牛脷裹上七味粉成串燒，比預想中辣，刺激味蕾！意粉的感覺就相對溫婉。意式海鮮配龍蝦汁意大利粉，橙黃色的龍蝦汁充滿鮮味，配料量又多。海鮮有蝦、蜆和藍貝等，加上菇類和瓜類，味道及口感都很豐富。意粉煮得剛剛好，咬下去是彈牙的！我們最期待的西班牙黑毛豬扒用了木板上菜，加上不同顏色的配菜，當然相機/手機先食！黑毛豬扒香香的厚厚的，旁邊的焗新薯軟棉棉的，點醬汁很好吃呢。重點黑毛豬扒雖然厚身，但非常易切！肉質軟嫩適中，帶點點脂肪讓味道更香。這種豬才是好貨色！感覺就像慢煮一樣呢。吃完已夜深，其他客人都離開了。每人二百元算不錯呢！