Say Hi Bar & Dining (士丹利街) (已結業)

今次食呢間餐廳原來同HOW係同一系列Weekday無預早book枱結果要坐露天座位其實如果唔係因為呢排咁熱出露天都幾Chill講番lunch set會有湯/沙律+蒜茸包+主菜+飲品成個餐由前菜到主菜到飲品都幾有誠意首先忌廉野菌湯落足碎野菌去煮蒜蓉包有粒粒蒜蓉烤香跟餐唔洗加錢可以揀是日果茶呢杯係士多啤梨水蜜桃茶用咗士多啤梨果醬沖唔會死甜 酸酸甜甜好啱夏天飲柚子蜜烤無骨鴨($188)煎香咗鴨皮裏面鴨肉仲好有肉汁鴨肉都好嫩配埋柚子蜜中和番肉既油膩感係好味既足料俾咗兩大塊鴨肉相信一般女仔會同我地一樣食唔哂慢煮厚切日本四元豚肉($188)豚肉的確厚切而配上肉桂蘋果醬恰到好處中和肉既油膩可惜有少少overcooked結果豚肉硬實希望下次掌握好煮既時間總括嚟講呢間餐廳都值得再訪下次可以試吓其他嘢食同埋下次會記得預早訂位🤣

呢排多左過港島，又可以發掘多啲港島既好食小店！ 呢間前排都食過！今次再經過，決定再試一試佢！又真係繼續咁好食！慢煮厚切日本四元豚肉 $228呢個豬真係好好食呀！本身唔太中意食豬，但都忍唔住要食晒佢！好彈牙既豬！又冇豬既so味！同平時真係好唔同！ 可能因為慢煮，佢入面仲係好軟好多汁！超正！甲羅燒。鰹魚飯團$128甲羅燒好足料！超多蟹肉係入面！一絲絲一束束咁超正！仲有佢唔係用蟹子！係用三文魚籽！一粒粒咁撈埋黎食，一爆就卜卜既口感，好正呀！個飯團都唔錯，鰹魚味幾出！最正係份量唔太多！一個人都食得晒！Lake $56杯飲品好靚！係打卡既好選擇！同埋佢薑汁味好出，令到成餐飯都唔會漏，好味！

原本係HOW嘅忠實fans 因被迫遷後改到港島區再戰 店名Say Hi Bar & Dining 選址中環士丹利街和灣仔大王東街今晚去咗中環店 當然地方面積冇之前咁寬敞開揚 但總算有露天座位選擇 環境佈置亦不錯店長亦非常友善 主動解釋餐牌和介紹首先飲品方面 分別點咗一杯signature drink Say Hi SPRITZ同春天期間限定Sakura 杯 signature drink主要係gin加果汁再加 tonic water, 至於Sakura就係用vodka再加樱花花瓣上去🌸另外再叫咗碟前菜 叫甲羅燒加鰹魚飯團🍙 前者蟹肉好香 再加上魚子和蔥花 然後再配落飯團度食 鰹魚味依然好突出 抵讃👍至於主菜方面 朋友叫咗無花果釀烤雞卷, 烤厚切薯片和烤秋葵 無花果經醃製再煮 然後先放入雞卷入面慢煮以保持肉質鮮嫩至於我 當然係要食返佢哋嘅慢煮厚切日本四元豚肉, 薯蓉同肉桂蘋果啦 水準依然保持到HOW時一樣 只不過係貴咗少少😅整體服務同食物水準都令我滿意 亦都明白中環地區租金昂貴 所以價錢方面亦有所調整 都係可以理解