木屋小食店

營業中

休息中

小店面積好細，只有幾個座位，所以好多時都要等位，個日我都等左成半個鐘先有位。而且依間係一人小店，由店長一個人收銀，煮嘢同收拾餐具。慢煮叉燒拉麵$45拉麵價錢好實惠，麵條質感有咬口，自家製既慢煮叉燒有四塊，質感好腍又好食。拉麵配有半隻溏心蛋，味道都好好食！拉麵湯底唔會太咸，味道啱啱好，性價比好高！玉子燒味道同賣相都幾好，但唔係自家製，係入貨既。不過，小店既位置實在太偏僻太隱世，如非必要都唔需要特登入去試🫣

街坊business, 除非住喺葵青、否則地點唔係咁方便。但呢碗麵嘅價錢足以抵償返來回交通費相比去出面其他成舊水碗嘅日本拉麵店。【慢煮叉燒拉麵】$45第一次嚟食喺二月尾、呢碗本屋拉麵CP值極高雖然係幼身拉麵偏九州風格、但勝在夠咬口唔淋。最難得係湯底走東京醬油風格、我最中意係醬油湯底、呢隻先係最夾拉麵。簡單是美。叉燒標榜慢煮，個人鍾義呢類叉燒多過另外一種日式style嘅叉燒、肉唔肥膩、好軟熟。淨少少就飲晒碗湯、因為有少少頸渴感、如果整到完全冇頸渴感咁就正喇～總之呢個價錢有呢個質素、你冇得投訴！良心拉麵當之無愧～🍜⇩3月 :2nd Attack:⇩🍜【慢煮叉燒拉麵】（加叉燒）$55適逢今日撞啱店舖更換湯底首日「元貝湯」今云真係可以100%ＫＯ晒成碗湯都唔頸渴。元貝湯更具清淡範疇裡面嗰種醇感、唔識講、總之好過上個禮拜嗰隻。真係估唔到咁快fulfill到之前個期望。今次加埋叉燒、唯一可惜嘅係原來冇得加麵、否則就達成 ☆大盛り満足☆！P.S ➭發現店內Graffiti牆其中一位賢客寫道：「閒來木屋尋小趣．悠閒小島樂半生」(credited: Tong) 真有意思 👍🏻

星期六12pm去到老闆仲喺店內仲準備緊所以12點都未開門店外已經排滿人$40一碗麵，湯底同食材都絕不馬虎叉燒有3大片，因為係慢煮，所以好冧拉麵彈牙，份量以女仔嚟講好夠，食得哂，仲要好飽個隻湯底濃度剛好，唔會過鹹或淡半隻溏心蛋係額外加嘅，$5左右玉子燒就正正常常，老闆整熱之後，喺面頭用火搶燒一燒，所以幾嘢味，不過個人覺得可食可唔食另外，如果一碗拉麵唔夠食喺可以免費加一碗白飯如果Weekends想去食 就要預早啲去排隊同埋星期日唔開㗎 唔好摸門釘呀

店舖細細 多多人幫襯食人情味嘅小店慢煮叉燒拉麵平價而不失份量 湯清但略咸 麵硬度啱啱好 唔會冧身叉燒好容易咬開 仲系粉嫩色 吸引身處係街市內食住一碗熱拉麵感覺好暖身又特別大家都多啲留意小店

青衣島民，今次上開長康，當然順便就試下長康市集內嘅木屋小食店。一定要試下慢煮叉燒拉麵。$40食到1碗有質素嘅拉麵😊抵抵抵！10蚊10粒燒賣！俾我order左最後1份黎食😬個汁有少少偏甜但又幾好味吖😌

近排在公眾平台因一件事見到呢間小店，網民（街坊）力撐此店及支持老闆。今日假期都要上班，放工已經係下午三時，諗緊吃什麼午餐時就諗到此店試吓。第一次探訪青衣屋邨，有google map幫忙，下車後行十分鐘就找到了，此店在市集內，地方乾淨整潔，餐牌非常簡單，只有幾款食物，我當然要試招牌慢煮叉燒拉麵🍜（加隻溏心蛋）麵是即叫即煮，不過也只是數分鐘。賣相：好得，就係一碗日本拉麵，紫菜，叉燒、荀及蛋的鋪排，簡單得來似日本街頭麵檔的一碗簡單拉麵。味道：試啖湯，清甜，唔太咸或太濃。溏心蛋要超讃，賣相及軟硬度非常正（唔怪之得我加蛋😆）叉燒味道偏淡，麵質也合格。價錢：$40一碗，當然超抵。最開心今日到店時間係冇人，可以坐在店內牆邊枱，望住牆上好多支持者，朋友留言支持此店，更加有日本拉麵店feel。（建議老闆提供細杯飲水及七味粉，更有日本feel) 。心想一間小本經營的店，只是座落在普通屋邨𥚃，老闆一人用心經營，用$40令屋村學生及居民好方便就吃到拉麵，根本冇可能與外面高級地點的高級日式餐廳比較，但簡單並不代表質劣。註：昨天埋單時，老闆忘記我加左隻溏心蛋，話收$40， 我提一提佢，他也申一申脷😬⋯⋯收咗$45

朋友介紹青衣有性價比拉麵，話好平，高質。於是趁著假日，喺灣仔運動後﹐搭巴士黎食。叫一碗慢煮叉燒拉麵同埋玉子燒。真係好平🤭 拉麵$40；玉子燒$15。出面真係食唔到咁抵😆味道方面：湯係鰹魚湯﹐味道剛好﹐唔會咸，我好欣賞。份量剛剛好，叉燒又煮得適中。又有紫菜，又溫泉蛋，好抵，好食😋另外，玉子燒上面有d 沙律醬，熱辣辣咁食，非常好食！友人好推薦😙

閒日嚟食lunch 要等位， 不過都好快有位。 今次係第一次食， 見大部分學生為主，見佢地牆上有好多學生留言支持及推介， 相當受學生歡迎。再望一望價錢估唔到40蚊有拉麵食，而且配上一隻有囍字嘅紅碗幾靚下。味道:朋友食油麵話幾唔錯，我就試佢嘅慢煮叉燒拉麵。 薄切叉燒夠淋而且份量有四大片， 半隻溏心蛋加上兩片紫菜同大蔥花， 另外有幾片唔知係咪筍片，拉麵幼身而且夠爽彈， 湯底濃厚但唔會過咸， (其他地方食好多時都覺得太過咸，包括喺日本食)。 雖然碗麵唔係驚為天人，但絕對係好食而且平靚正， 一定有下次份量: 算正常， 但我發現原來可以免費加白飯，即使加麵都係五蚊雞， 溏心蛋都係五蚊一隻， 我絕對有理由相信佢係一間屋邨良心小店衛生:雖然係街市入面， 但見佢哋乾淨企理，整個廚房都一眼清楚見曬，完全冇擔心佢哋衛生問題。服務:店內見一男一女估計係夫婦， 雖然多客人好忙下，但由安排我哋坐位到我哋離開， 整個過程感覺都好舒服完全冇抬慢。 今次係順路去郵局所以嚟食，下次應該會特登嚟食， 因為見留言板話牛肉飯好食

位於長康邨一期街市入面嘅小店!之前食過幾次慢煮叉燒拉麵，印象中湯底比較香濃厚身，油份較高。唔知喺味轉咗湯底，對比上幾次，今日湯底較清，味道清甜，比較啱我口味!拉麵及叉燒份量足，個人建議可以慢慢咀嚼叉燒，味道會更豐富!另外仲叫咗3條腸仔，不過略嫌醬汁太甜!

我每次去長康邨睇完醫生之後都會去木屋小食店食拉麵。外面既拉麵通常都係濃厚嘅豬骨湯又或者係蝦味增湯，而呢度就係用魚乾、醬油、雞湯做湯底（如果我無食錯的話😅）比較清甜，有啲似以前細細個去八佰伴食麵拉麵嗰種湯底，當然呢度正好多啦！而且呢度仲多一份人情味，係度食嘢好似老街方咁，老闆一家好親切好warm，外面普普通通一碗拉麵都收你$100，呢度只係賣$40，仲要係用慢煮叉燒，你話CP值幾高👍🏻（溫馨提示：呢度嘅豬軟骨超級正！）

去咗試呢間小店，慢煮叉燒好淋好好味、拉麵爽口、湯清甜，燒賣個辣汁好正，入口甜甜地辣嘅後勁由你吞左之後由喉嚨慢慢上返嚟，令你會有少少出汗。我見好多人寫字喺佢幅牆度話牛肉飯好食，下次要試吓先😝慢煮叉燒拉麵$40

拉麵之旅來到近排工作的地點長青邨，在這個美食沙漠發現了一個綠洲！長青市集裏面有兩間有良知的良心小店，其中木屋小食店就是賣拉麵和手卷的。【慢煮叉燒拉麵】第一次吃的時候真是驚為天人！湯底超級令人難忘！很重的魚乾味道，又嚐到清甜雞湯鮮味，真的無想過$40價錢吃到$90貨式的拉麵！而慢煮叉燒亦超級好味道，老闆刀工一流，切得很薄，不過一碗有4-5大片，實夠喉！最後溏心蛋半隻，浸得甜甜的，中間質感又正！完全無懈可擊。老闆亦非常有心和認真，近排換了一款新的曲拉麵，鹼水味輕了不少。【豬軟骨烏冬】三大舊超級軟腍的豬軟骨，真的是入口即溶的豬軟骨，$45實在是令人難以置信的價錢。由於豬軟骨比較肥膩我覺得配烏冬更加好吃，而選擇烏冬並非拉麵最好就是沒有鹼水味道，吃完烏冬還可以喝下整碗湯！【咖喱豚肉飯】日式咖喱汁調味十足，又咸又甜的特色煮法配上角切豬肉，很適合較大食嘅朋友，因為飽肚美味開胃！【牛肉飯】自從冇食吉野家後，已經很少在外面吃牛肉飯，而這裏的牛肉飯又不錯，牛肉汁味道很適合送飯吃，牛肉份量亦不少！【秘製辣汁魚蛋】本身這裏的魚蛋和燒賣已經超級便宜，最特別是這個秘製辣汁！質地比較稠，有點像韓式辣醬的味道，加上魚