森．湯咖哩 (已結業)

除咗主打嘅北海道湯咖喱之外，仲有湯烏冬、串燒、刨冰等等，Weekend去到算好靜，睇嚟觀塘佢都係做平日生意整體食物質素高，用料、賣相、食材配搭都好唔錯，原價定價比較進取，堂食有八折可以接受，外賣仲有七折添慢煮炙燒雞叉燒湯咖哩雞叉燒好嫩滑仲有輕輕炭燒香味，肉嫩多汁冇得彈，更令人驚喜嘅配上多款慢烤蔬菜，每款都好正，西蘭花焗到抽乾晒水份，再浸咖喱汁外脆內軟勁好食。為方便執行北海道湯咖喱嘅正宗食法，除咗兜餸仲另外俾咗碗咖喱湯😌 送晒啲飯之後就咁飲都好正吉列鱈魚柳蕃茄湯鳥龍麵本身有兩塊鱈魚柳，另外加配咗多一塊🤣 炸得金黃鬆脆非常唔錯，無論浸蕃茄湯定咖喱汁都好夾加$10就有前菜及無糖鳥龍茶，前菜係漬魚仔鹹鹹地幾開胃，烏龍茶大大杯又夠凍，可以解辣小食方面叫咗脆皮燒魚卷同芝士年糕，兩款都應該係出面來貨，但燒得唔錯重點推介$100燒鳥6串送Suntory啤酒，串燒有兩個set，兩個都係3肉3菜，送杯啤酒洗晒杯但過下口癮都好唔錯好抵食，就算唔食串燒單點啤酒都有買一送一， $58兩杯！叫咗B餐有雞肝、心、腎、冬菇、四季豆、蒜芯，調味得宜，唔會燒得太乾，尤其是雞腎爽口juicy好味！

首先QR code落單但收服務費照收ok當你行規都可以忍。但我相信無人會想一路食飯 一路隔離就瘋狂閃光燈📸️眼尾keep住閃過不停見到貴公司都有落場時間，既然有落場無客時間。好想問下，點解係會係接近7成滿既星期五晚晚飯時間，去選擇影product定唔知宣傳相？設身處地你係客，比成舊水食個烏東，烏東唔彈牙湯底偏咸都可以忍。食個飯食到去夜場咁閃閃下 我諗你都會唔爽。臨走見到有客見有空位，真係忍唔住要求調位，老闆都識講唔好意思。咁你係咪應該預早解決個問題？或者入黎味落單比錢就講定先？唔洗回我話點解我唔開口調。我食到大半先有空位，仲要去遷就你個閃光燈📸️？真係多謝晒，比正常價貴介可以享受閃光燈下食飯

湯咖喱一向喺香港嘅選擇都極少，難得最近見觀塘開咗間主打湯咖喱嘅新餐廳當然要去試吓！另外新張期內做緊優惠，全單會有八折～🔸慢煮炙燒雞叉燒湯咖哩 $108🔸飛驒和牛漢堡扒湯咖哩 $138湯咖哩自家足料熬製，辣度可以選擇原味、小辣或中辣，配上10款炸過的時令蔬菜，例如薯仔、西蘭花、秋葵、南瓜等等。慢煮炙燒雞叉燒肥瘦適中，肉質嫩滑有厚度。飛驒和牛漢堡扒牛味濃郁，輕煎過外焦內軟特別香口。🔹蜂蜜柚子梳打 $38🔹水蜜桃梳打 $38

觀塘區又有新餐廳，森 • 湯咖哩，位於觀塘駿業街56號中海日升中心2樓C號舖。 餐廳以日式湯咖哩為主，午餐 ～ 日本帶子湯咖哩$138、 慢煮炙燒雞叉燒湯咖哩$108、 蜂蜜柚子梳打$28、 鳳梨檸檬梳打$28。 ◾日本帶子湯咖哩🍱 ～ 湯底入口香香的帶甜， 帶子有三粒， 大粒爽口， 配菜有紅椒、南瓜、秋葵、薯仔、西蘭花、粟米和蕃茄仔， 夠健康拌飯又好吃。 ◾慢煮炙燒雞叉燒湯咖哩🍱 ～ 雞叉燒都一樣好味， 雞扒與咖哩湯的味道很夾。 ◾蜂蜜柚子梳打🥤 ～ 飲品清爽。 ◾鳳梨檸檬梳打🥤 ～ 味道甜甜的，鳳梨香清甜美味。 多一間湯咖哩，打工仔中午時段又多一個食午飯的選擇了😊。 🏷️溫馨提示～ 整個用餐體驗均屬個人分享意見， 只作參考😊。

去觀塘party room前諗住食個lunch，於是去咗中海日升中心，原來最近開咗間新嘅日本湯咖哩專門店，同朋友點咗兩個湯咖喱試下🌟慢煮炙燒雞叉燒湯咖喱🌟日本帶子湯咖哩湯咖哩配珍珠米飯，幾啱撈汁送飯咖哩唔太辣又唔太鹹，入面仲有好多蔬菜：紅蘿蔔、蓮藕、茄子、紅椒、西蘭花、秋葵、粟米、南瓜、車厘茄、薯仔，全部都煎香過，所以食落幾惹味至於雞叉燒原來係日式叉燒樣嘅雞，雞肉煮得夠淋夠入味，而帶子幾大粒同幾有鮮味，令個咖哩湯味道昇華🌟荔枝梳打🌟鳳梨檸檬梳打呢度飲品係提供唔同水果味嘅梳打，非常之適合大熱天時用嚟消暑喺觀塘返工嘅朋友可以黎試下呢間，宜家新開張仲有8折優惠，夠哂抵食