Coti the Bistro (五芳街)

營業中

休息中

首先！門口係喺彩虹道，唔係五芳街！小編揾咗十分鐘先揾到😅二人餐 $368 （另收+1服務費）慢煮雞胸肉沙律雞胸肉幾好食，唔會鞋口👍🏻我唸雞肉塊砌埋都有一片雞胸嘅～沙律菜唔算新鮮，勉強接受啦🫢蘑菇濃湯 （蕃茄濃湯sold out）正常發揮啦👌🏻16小時慢煮西冷牛排 配 薯條沙律菜牛排叫咗5成熟，但turn out 過熟🫠，材料都唔算新鮮😓。牛排中間先好少少，但都要用力咬一陣先至咬得開😬😬😬。邊位更加唔洗講，可以練下牙力🤯🤯🤯牛排真係唔掂，但薯條又幾好食喎，表面炸到脆而非死硬👍🏻👍🏻👍🏻小編同友人都覺得入餐最好食係個薯條lol😂16小時慢煮羊架 配 薯條沙律菜同行友人怕羊羶味，但都食到呢個羊架(除了脂肪位)。羊架比牛排淋同濃味，係比較okay嘅👍🏻北海道芝士蛋糕 （北海道布甸sold out）蛋糕味道正正常常，加了少許玫瑰花瓣，食落有花香味fresh下嗅覺👌🏻凍蜜桃茶 和 熱啡正常發揮啦～結論餐廳環境唔算好，小編食食下冷氣機滴水😰椅桌都偏舊，有污漬🫠食物味道非常普通，牛排甚至係唔好食😟😟😟呢個價位唔算貴，但係偏僻嘅地方、計埋味道質素，完全唔值喎😒小編weekday大約晚上7點到訪，冇其他客

新蒲崗這個地方原來都唔少朋友唔知點去，咪就係鑽石山站一出Ａ２出口附近。是晚食飯朋友想食平ＤＤ，帶左去依間食，環境唔錯cafe格局，二人套餐吸引，重點係抵食大份，味道唔錯，價錢吸引。Dinner Set $368意大利巴馬火腿巴馬火腿口感柔軟，配沙律菜食，咸香味美。慢煮雞胸肉沙律雞胸肉大件，肉質軟嫩而不柴，伴有沙律菜，食得健康。辣蕃茄蟹肉扁意粉醬汁特別濃郁，酸酸微辣開胃惹味，更突顯雪白蟹肉的鮮甜。扁意粉相當粗身，好易飽肚，口感彈牙有嚼勁，味道幾好。16小時慢煮西冷牛扒牛扒厚身肉質軟腍，慢煮16小時，切出來色澤粉嫩有７成熟，牛味一般，配意粉洋蔥汁，唔錯。士多啤梨牛角包窩夫牛角包窩夫酥脆，上層厚厚忌廉，仲有塊軟芝士蛋糕，士多啤梨佈面滿滿的，淋上士多啤梨醬，充滿儀式感。Caffe Latte (iced)偏重咖啡味，味道一般。Mocha (iced)正常發揮，又甜又苦岩我，味道唔算好濃。

🥣 Dinner Set $368 for 2🥢士多啤梨牛角包窩夫 ⭐️呢個甜品真係今餐嘅MVP!!牛角包窩夫外脆內煙韌內餡食落有種麻糬窩夫嘅感覺👍🏻面頭除左cream同士多啤梨仲有一層芝士蛋糕!!!😍口感層次豐富必點!***🥢蕃茄濃湯👉🏻羅宋湯本身starter揀左蕃茄濃湯店員送餐上咗羅宋湯 因為蕃茄濃湯售罄🥹建議大家可以問吓濃湯仲有冇先落單雖然飲唔到蕃茄濃湯但係羅宋湯味道都幾出色味道唔會太酸啱啱好***🥢慢煮雞胸肉沙律作為Starter黎講 份量比預期多👍🏻雞胸肉唔柴配料酸酸甜甜好開胃***🥢 16小時慢煮西冷牛扒 可以配飯/意粉 跟少少沙律菜我地想走飯麵所以店員主動話比多啲沙律菜🥳牛扒唔韌 筋位容易入口***🥢龍蝦意大利飯龍蝦係已剝殼嘅龍蝦肉意大利飯偏濕有淡淡胡椒味***🥢鮮奶咖啡🥢凍檸茶

工廠區晚市唔多人，好悠閑地跟朋友享受晚餐慶祝Long Weekend🥳 Dinner Set 二人餐 ($368) 有兩個小食、兩個主菜、甜品及兩杯飲品，環境闊落舒適，整體都唔錯👍🏽🍅蕃茄濃湯有雜菜、薯仔、洋蔥、紅蘿蔔及牛肉粒，味道幾好🥗慢煮雞胸肉沙律有唔少雞肉粒，亦有幾粒柑肉，清新又健康🥩16小時慢煮西冷牛扒肉質軟腍，牛味亦夠，肉質唔會太腍或嚡身😋 睇食評話薯條好食，可惜當晚賣哂冇機會試🥲 揀咗意粉，配牛扒燒汁都幾好食🦀辣蕃茄蟹肉扁意粉蟹肉份量都唔少，湯汁比較多，辣度近似辣椒仔，幾惹味🍓士多啤梨牛角包窩夫一上枱已經聞到淡淡牛油香氣，窩夫暖暖地表面微脆，仲有一片軟滑芝士蛋糕，士多啤梨香甜又好味😋 飲品點咗🍫凍朱古力咖啡

撞啱今日去新蒲崗做野，見彩虹道有間凍肉舖就諗住入去八下，點知係連接住一間新開嘅cafe，Cafe有小清新嘅感覺，原木色加米白色嘅佈置，天花仲有小稻草，清幽嘅環境令人忍唔住要坐低休息一下，好好享受一個午餐。首先我地有慢煮雞胸肉沙律，沙律菜好新鮮，食落口聲音清脆，而且好少餐廳會配以櫻桃蘿蔔😋，雞胸每件都好厚，但完全唔「鞋」仲好夠味道👍🏻👍🏻主菜我地叫左伊比利亞豬肩肉伴野菜沙律、蕃茄蔬菜汁、鼠尾草炸薯條同原條鰻魚滑蛋飯，雖然豬肩肉醬汁唔多，但好夠味，不過豬肩肉略微overcook嫩返啲會更好，豬味亦好夠，蔬菜汁有少少似西梅汁嘅味道，配以沙律都唔錯，另外，鰻魚飯上嘅滑蛋蛋味濃且滑，配合啖啖鰻魚飯簡直一流👍🏻至於甜品亦非常美味，本來我唔太鍾意食千層蛋糕，怕太creamy，估唔到呢個crepe cake又唔會呢種感覺，cream嘅甜度剛剛好，加埋朱古力醬一齊食令味道更好，不過如果旁邊舊cream改做雪糕就perfect! 飲品我地揀左棉花糖朱古力同蜂巢咖啡，朱古力味好濃好濃👍🏻👍🏻，雖然有棉花糖喺面都唔會過甜，至於蜂巢咖啡，個人就鍾意咖啡味重返啲，少啲奶會更啱口味。

放假去邊都多人，想靜靜地過個下午都要身水身汗排長龍掙位先得，不如逆向思考吓，去啲一般人假期唔會想去嘅地方，就係工作嘅區域—新蒲崗喇唔使過海都好似去咗藍屋咁，記得喺彩虹道個入口入去呀有得睇有得DIY，好新奇呀成舊蜂巢整落去，攪吓佢再倒咖啡落去，感覺好神奇呀雞胸好嫩同好香香草味，配搭又新鮮原條鰻魚好肥美，蛋包誘人到不得了豬肩肉肥瘦比例完美，彈牙又唔嚡，配埋無花果醬好特別呀近排好興奶醬多味嘅嘢，竟然咖啡都有，飲落唔會太甜好合宜千層蛋糕唔易整得好食，但佢嘅餅cream份量剛好，完美組合呀咁樣過一日人世都幾好吖

店內燈光柔和，裝潢設計走日式簡約風格，花藝擺設為環境添上幾分生氣，營造出溫馨舒適的用餐環境。慢煮雞胸肉沙律誰說雞胸肉一定是乾柴!? 這個慢煮雞胸肉徹底改變了我對雞胸肉的印象！肉質非常柔軟嫩滑，沾點無花果醬才吃，即時令味道有所提升，更是開胃。燉牛肋骨飯香氣四溢，牛肋骨外層帶有層薄薄的筋膜，令口感帶嚼勁，牛肋骨軟腍入味且有少許脂肪，味道香口微甜，相當下飯！天然蜂巢咖啡咖啡和奶是分開的，客人可按自己的口味去調配；咖啡香濃，用蜂蜜取代果糖健康又滋潤！千層蛋糕層次分明，餅皮夠薄，忌廉滑溜，質感輕軟，入口creamy。