同撈同煲 (堅拿道西)

營業中

休息中

懷舊港式火爐店，以70年代作懷舊裝修，有賣魚勝海鮮檔，舊式霓虹光管招牌…….重播放70、80年代既舊歌，開心聽到哥哥既金曲，可以繼續懷念哥哥。湯底揀左-花雕醉雞鍋，上枱已經聞到濃郁的藥材味，當中黨參的參味最突出，另外有半隻雞，落埋再煲滾，花鵰味先滾出黎。而且雞件好滑，已經調左味，好正。餐前小食-椒鹽豆腐，細細粒，要夾埋旁邊嘅炸蒜等一齊食先夠香口，就咁食反而係外脆內滑既豆腐香。特級手切牛肉，雖然係本地牛肉，但有明顯既雪花紋，牛味濃但依然係入口即化。另外，重係「賣魚勝」叫左個海鮮拼盤，有蟶子、鮑魚、海蝦。蝦腳重郁郁下，超新鮮，肉質彈牙，蝦頭鮮甜。賣魚勝重幫我地清理好d鮑魚，起左隻鮑魚，無晒內臟，唔洗放埋個殼落湯度👍🏻而蟶子夠大隻又厚肉，正！黑松露墨魚滑， 松露味唔會好搶，烚熟重食到有墨魚既鮮味。養顏美人餃入面加左椰菜同桃膠，食落口其實唔太覺有桃膠，但味道唔錯，屬於清清地既餃～黑栢葉係我最愛，無經過加工，比起白色應爽口，但一定唔可以烚得耐，烚一分鐘內就要食爽脆😋即炸響鈴，熱辣辣上枱，可以點甜酸汁即食，但我都係鍾意浸一浸湯，吸埋湯既精華一齊食～再叫左粟米、唐生菜，都係生鮮，粟米烚完好甜👍🏻我重

朋友喺網上見到一間裝修得好有懷舊風嘅火鍋店，叫埋我去感受一吓～ 💈先講環境～係樓上舖嚟嘅～樓梯選用紙皮石pattern嘅牆身貼紙，門口用咗classical嘅當舖霓虹光管招牌，一路行去火鍋店就好似行入咗時光隧道咁，走進七、八十年代嘅感覺～公雞碗碟、茶壺水杯，橙色卡位雅座、紙皮石地面、舊式掛牆鐘，豬仔錢罌、舊式理髮店嘅紅白藍旋轉燈筒同埋舊式風筒、暖水壺、收音機、電話、信箱…… 仲有藍精靈、黃金戰士、忍者小靈精、（大鐵人17、星仔走天涯，利申：未出世🤪）嘅打卡位添～～～ 未食嘢淨係睇個環境已經好興奮、超開心！🥳再講吓服務～店員會用夾將碗、碟、茶杯浸入滾水清潔一次，食具乾淨企理我有選擇障礙😝，望住湯底唔知揀邊個好，問吓每個湯底有咩特色，店員都不厭其煩地細心解釋👍🏻佢介紹海鮮套餐俾我哋，又提議調配一下組合，令份量更適合我哋兩個人食問唔同嘅牛肉組合有咩分別，佢又主動入廚房問吓師傅今日係用牛嘅邊個部位 👍🏻👍🏻入正題：食物結果湯底揀咗”冬甫美人鍋” ，同埋叫咗3款火鍋配料🔸冬甫美人鍋（雞湯）個鍋擺盤好有心思，店員放上枱俾我哋影相之後，就夾起隻雞去斬件雞下面有一大塊冬瓜，店員用鉸剪將冬瓜剪開方便食用

朋友介紹呢間火鍋店主打係各款特色同養生湯底，足料味濃不欺場。店名叫「九龍城同撈同煲」，一睇就知發跡於九龍城，再擴充業務至銅鑼灣方便我呢類港島工作既客。火鍋店設計以6、70年代舊香港為主題，餐廳播住經典懷舊金曲，四處都係打卡位，賣既係昔日老香港感覺。.火鍋料選擇好多，除左火鍋料，仲有海鮮、刺身供應。.🍲冬甫美人鍋 💲198見各款湯底價錢唔太貴以為都係普通一個冬瓜湯底，結果真係太睇少佢。呢個冬甫美人鍋原來係雞湯底仲有足半隻雞，加上大冬瓜、花膠、桃膠、瑤柱、竹笙、蟲草花同紅棗。影完相後，服務員會幫手將雞件同冬瓜剪開，飲湯後先開始打邊爐。大大煲滿滿料，以呢個價錢計性價比高。.🐮特級手切牛(小) 💲308餐廳提供多款不同牛肉選擇，可以選擇小或大份。揀左級數接近最高既特級手切牛，牛肉雪花紋理好靚確實係高質素貨色。份量不算少。.👻老友鬼鬼 💲68原來係小食，全熟可以即食，油炸鬼配黑松露墨魚滑，香脆惹味。.🐷梅菜豬肉丸 (半份) $48手工丸子試左喜歡既梅菜，梅菜味可以再濃一點更好。.🐽豬腰 $58🌿唐生菜 $38🧃杞子圓肉菊花茶 $28.🐟懷舊糖不甩埋單後服務員送上兩款甜品話係餐廳送既。其中一款係錦