華嫂冰室 (已搬遷) 新店位置

上次光顧華嫂時，看到鄰座枱的餐蛋麵很吸引，餐肉煎得很靚，荷包蛋也不錯所以今日早餐叫「餐蛋丁」，還有「芝士咸牛肉蛋多士」、「豬扒丁加魚餅」、兩杯凍鴛鴦😁🔰所向無敵餐蛋丁😍，(個名都無敵過人🤣，I like)，餐肉有其厚度，又煎得焦香均勻，正😋👍🏼，但要快吃才吃到香脆質感；荷包蛋雪白有燶邊又流黃，掂😋🔰芝士咸牛肉蛋多士，4種食材一起，質感自然豐富。多士烘得金黃香脆💯，芝士香濃，咸牛肉不錯，加埋半熟蛋，各在其位的配搭，好味👏🏼🔰香煎豬扒丁，豬扒雖不及上次的軟嫩(實屬來貨的質量)，但都是好吃的；至於魚餅，雖然煎得香口，但內裏沒有魚肉的實體，不是我杯茶🔰凍鴛鴦，好飲在於有咖啡和奶茶味，而今次兩者混合的色澤靚

一早11 點幾已經到左華嫂等位，我地手拎33 號飛仔，但聽到只係嗌到17 號…其實之前都黎過幾次，次次都差唔多要等30 分鐘以上。時間差唔多既時候，店員會先幫你落一次order。最後一次過落哂所有，免得食食下中間再加單，坐得耐左，影響等位時間。結果我同朋友2 人等左差不多45 分鐘，好好彩被安排到冷氣房！分別點左雞翼芫茜湯通粉、所向無敵餐蛋丁同烤牛油伴碎蛋沙津豬仔包。味道確實係正呀! 係屋企既味道，但係你屋企又唔會咁整！芫茜皮蛋湯好濃味，通粉又唔會過淋。雞翼肉質彈牙入味！我次次黎都會嗌呢個！所向無敵餐蛋丁，是朋友的。佢都話麵質確實一流！處理得剛剛好！而個包呢，我地平時會點芝士咸牛肉蛋豬仔包，但今次決定試新野！烤牛油伴碎蛋沙津豬仔包，個包烤得非常脆，但碎蛋就有D 普通喇..華嫂係好食，店員都好友善！但係等候時間實在太長，唔介意既話..冬天黎會好好多！因為個人流哂汗，太熱會影響食慾呢…

落大雨既星期日都想黎食個華嫂既本店❤️上次試左觀塘個間 一直都想黎試下老店唔知係咪因為大雨 所以都似乎唔係太多人只係等左15分鐘到就有得坐 比想像中快好多因為keep住個效率問題 未入座已經會問你食咩要一次過落單 唔準加單😂😂所以一坐低無耐已經一次過黎哂d野所向無敵餐蛋丁 ($25)唔好睇佢普普通通咁 但餐肉係極厚肉 而且隻蛋係大蛋黎燒焦左既蛋邊係岩岩好 隻眼唔會過份熟蛋黃仲要係流心😍👍🏿 鮮茄墨魚丸魚餅米粉 ($38)呢個係用B餸粉麵方式嗌大愛佢既魚餅😳😳 唔會腥 而且個面有焦脆入面就好彈牙 有咬口💕墨魚丸就單純既彈牙 好味 鮮茄雞翼豬扒通粉 ($44)個湯底呢度介紹非常濃郁既蕃茄蓉打成🍅絕對唔係出面稀lunglung個一種非常足料 而且好鮮甜💕豬扒煎得唔老 岩岩好雞翼係豉油雞翼 個雞皮好香好入味 雞肉亦嫩滑🤤招牌芝士咸牛肉蛋豬仔包 ($20)上次已經食過 芝士味非常濃郁 配埋個咸牛肉同蛋簡直係絕配👍🏿❤️重頭戲係期待已久既招牌菠蘿包 ($18)菠蘿包烘得香脆入面有一層牛油 芝士 半熟既蛋 同蕃茄蕃茄仍然係新鮮 酸酸甜甜令到成個包減去太油膩既感覺😍牛油同芝士隨住熱力慢慢溶化 唔會搶左

來了幾次華嫂冰室，倒是第一次食評。這間家族經營的冰室非常有個性，下午一時至二時午膳時間休息，五時關門，星期天休息。汲取了上幾次經驗，特地在平日下午茶時間來，只等了半小時便能入座。店外有個小帳篷遮蔭，有數張膠椅讓我們坐著等，期間已經有人幫你下單，入座後很快便可以吃。蕃茄牛肉通粉 $33一向對茄通情有獨鍾，覺得蕃茄湯一定要配通粉才對，這個蕃茄湯正合我心意！非常濃！濃稠得有點像蕃茄醬，我連最後一滴湯也喝光了；牛肉份量十足，通粉不會煮得過軟，美中不足是湯底加了薑，不太配。招牌菠蘿包 $17招牌菠蘿包一貫的好吃，鬆脆的菠蘿包夾著新鮮蕃茄和煎蛋，又酸又甜又鹹，但出奇地配。有一回四時許才入座，菠蘿包已經賣光了，所以真的早吃早享受！豬扒菠蘿包 $24即是招牌菠蘿包加兩塊豬扒和芝士，像巨無霸般，噸位十足，吃一個已經飽了大半。本來菠蘿包加蕃茄煎蛋已經很新奇，再加煎豬扒真的是味蕾大衝擊！蛋沙律多士 $20色彩繽紛，賣相吸引，白汁碎蛋配蕃茄生菜味道清新，像公司三文治般有多層口感。所向無敵餐蛋丁 $25餐牌上真的寫了這個名字，其實只是一碗普通不過的餐蛋麵，實在想不到有甚麼評語。檸檬益力多 $17喝得出是真材實料

真心無諗過有人患，人數多得恐怖，但既然到咗，附近亦好似並無他選，唯有死等。但千計萬計，計算埋中場休息等重開，居然要等接近兩小時。等到肚子餓，入到場嗱嗱臨叫野食。先上秘製雞翼米($23)，價錢算平宜，味道都算ok，但太秘製啦，完全發現唔到有咩唔同。再唻招牌菠蘿包($16)，呢個算係有誠意啦，蕃茄爽、鮮牛油滑、雞蛋厚實，幾好幾好。接力有話梅柑桔($16)，正常野，不過不失。最後係所向無敵餐蛋丁翼米($24)，其實都好難唔好食，午餐肉煎得幾香脆囉。