尚鮮海鮮料理

營業中

休息中

同老公慶祝生日第一炮，我地簡左位於佐敦站附近嘅<尚鮮火鍋海鮮料理>，放工過來非常方便，而且之前食過，對佢哋嘅食材質素好有信心，今次再來，果然冇令人失望吖!!餐廳雖然不算好大，但枱同座位都好闊落，絕對吾會覺得好迫，仲坐得好舒服，而且我好鐘意呢度好有日式居酒屋的小店感覺，可以慢慢傾住計，嘆住甘打邊爐，亦唔會趕客。先來火鍋調味料，足足有十款，客人可以自由配搭。<湯底：98三高茶什菌素鍋>湯底以什菌為主要材料，菇味好香，味道清甜。<手切安格斯牛肉>牛肉非常新鮮，油花好靚，而且油脂分佈得非常均勻，色澤帶紅，厚度適中，不會過薄。只要將牛肉放入湯底，輕輕灼一灼，就已經非常好食。牛肉入口極為嫩滑，而且仲有好濃郁嘅牛肉味，不用太多調味，已經好完美。<黑豚肉片>黑豚肉片肥瘦適中，肉質鮮嫩，入口亦完全沒有根同揸，值得推薦。<脆鯇魚片>脆鯇魚片肉每一片都切得好厚好大塊，入口非常爽滑彈牙，而且仲帶有魚肉的鮮甜味道，非常新鮮，絕對係必食之選。<四色丸尚盛>四色丸入面，包括有金沙鮮牛丸、松露豬肉丸、甜薯墨魚丸及芥末籽蝦丸

香港同台灣一樣，一年到晚都可以食火鍋。 今次同個台灣朋友就去咗佐敦呢一間晚餐 。位置唔算偏僻， 樓下仲有咪錶泊車位， 係商業大廈 一樓， 好在有個大招牌所以都好易搵到。一坐低就睇menu， 兩人嘅套餐選擇唔多， 價錢中等，但openrice預訂有折， 所以都ok。星級之選套餐有前菜， 鴛鴦鍋，肉類丸類蔬菜 麵食全有， 食完好飽前菜有清酒煮鮑魚泰式生蝦。 鮑魚上盤時很貼心地已切開了， 再加上個清酒汁， 味道清新。 泰式生蝦爽口彈牙， 配合辣椒，生蒜， 很惹味。火鍋湯底一邊芫茜皮蛋 一邊係血池麻辣鍋，滿足不同口味。海鮮拼盤， 手切安格斯牛肉先上場。海鮮拼盤有大蝦 蟶子，蜆， 蟮魚。 手切肥牛考刀工 排得好靚 牛味重，唔會過肥。其他配料入面嘅木耳鮮蝦雲吞， 芝心獅子狗卷 很出色 。木耳鮮蝦雲吞皮薄餡靚, 芝心獅子狗卷咬落流心芝士， 要小心熱。蔬菜新鮮， 仲有烏冬tim.值得一讚嘅係待應不斷走埋嚟幫手畢走火鍋上浮面嘅潺， 我諗一餐有走嗰黎十次左右，而且加湯都好主動，服務好好。

呢日係公眾假期，一家人齊齊整整去食好野，行經佐敦，成條食街食肆林立，行咗一陣唔知揀邊間好，查下OpenRice ,見好多人推薦這間海鮮火鍋店，決定上樓上試吓。今晚決定食好啲，叫咗一個星級之選套餐，真係有好多嘢食，打頭炮嘅係清酒鮑魚同泰國生蝦。鮑魚口感爽滑，可惜略嫌清酒味較弱。泰式生蝦好有驚喜，成隻有半隻手板咁長，非常彈牙，入口鮮甜，係新鮮的味道，點埋餐廳自製的酸甜辣椒醬汁更開胃。這個套餐有四款湯底供選擇，屋企人鍾意食清淡自然一點，選擇了姫松茸冬瓜和土鄉芫荽清湯，店員特別介紹係完全冇落味精，可以當清湯先飲用，估唔到又真係有自家湯嘅味道喎。你個海鮮拼盤不得了，特別推介聖子王和鱔片！聖子真係好肥美，啖啖肉，而且好鮮甜，新鮮度好似啱啱由魚缸撈出來煮熟咁好食，屋企人大讚。個人更喜歡鱔片，魚油甘香，放入湯裏滾大約1分鐘就食得，口感嫩滑。50/50脂肪牛肉比例不得了，這是手切安格斯牛，脂肪分布均勻，將牛肉薄片放在湯裏滾半分鐘，剛剛好熟就可以了，牛香滲透整個口腔。最後仲有呢個三層拼盤。呢到嘅手打墨魚丸真心好食，係其他火鍋店一般只能食到成口粉團，這裏的是啖啖墨魚肉，真係好新鮮，咬落爽口，仲食到一粒粒墨魚

呢日係專登聽朋友介紹黎到呢間火鍋舖開餐見佢吹到咁大一於試試佢樓上舖黎，去果陣係晏晝五點半，可能太早無咩人一上到去，地方唔大，但好企理整齊，仲有個魚缸可以望下魚一坐低，就有人拎盆調味料黎，麻油辣椒蔥之類咩都有，芫茜最緊要打邊爐果然人多先食得多野，我同朋友兩個睇完餐牌都有啲選擇困難疑似老闆嘅人主動行黎，介紹個套餐，我地即刻話好冷盤 - 清酒鮑魚&泰式生蝦作為餐前小吃，感覺真係好奢侈，鮑魚有淡淡清酒香生蝦爽脆，伴著汁料吃更覺鮮甜蕃茄併椰子雞湯底湯底非常濃郁，唔洗點豉油都好夠味豬紅，豬皮&潤，豬肉丸，墨丸值得一提係手打丸類彈牙爽口，值得encore一碟海鮮 - 海蝦，蟶子，鱔片，大蜆海產味道令人上癮蜆同蟶子都唔會好似咬香口膠咁，而且最好烚完唔洗點醬汁食咁先對得住啲咁新鮮既食材手切安格斯牛肉雪花分佈均勻，色澤靚，烚幾秒拎上黎，入口即溶，牛香味爆曬出黎隻牛泉下有知一定會引以為傲菜蔬野菌盒 肥婆食完肉，終於有啲綠色野中和下舊菇上面個交叉都靚過人 烚響蕃茄湯底果邊最夾紫貝天葵&柚子特飲朋友的確無介紹錯求其一條菜都好，都係極度新鮮嘅食材用心，老闆服務態度都非常友善希望呢啲店長做長有 下次再黎幫襯

天氣開始轉冷，又到了打邊爐的季節。今天，我們捐窿捐罅，來到這間尚鮮火鍋店，佐敦地鐵站走五分鐘就到，看到幸福商業大廈上一層，位置尚算方便。隨著升降機門打開，大紅門簾眏入眼簾，黑白紅配色的招牌懸掛著，十分醒目。餐廳內的燈光柔幽暗，裝潢簡約整潔，坐位不多，但寬敞舒適，建議預約，以免等位。我們看了看餐牌，食物款式很多，我們只得兩人，最後決定點尚鮮的星級之選套餐，包括多種不同火鍋配料，還有海鮮拼盤，比較划算，適合有選擇困難的我們!湯底是火鍋的靈魂，我們揀選了姬松茸東瓜湯及血池麻辣湯。店員首先盛了碗冬瓜湯給我們品嚐，冬瓜湯秀珍菇味很香，清甜下火。相反麻辣湯辣度十足，簡直是天堂與地獄般強烈對比。兩個湯底各有特色，煮熟的食物都不用再沾醬汁，已足夠味美。冷盤方面，每人有一隻清酒鮑魚和泰式生蝦。 清酒鮑魚。酒味香醇，甘而不苦，彈牙不韌。泰式生蝦。新鮮爽口，加上泰式醬汁，酸甜醒胃，又帶點微辣刺激。手切安格斯。牛肉鋪滿整整一碟，賣相誘人，脂肪分佈平均，滾一滾即可，肉質嫩滑鮮味，軟腍容易咬開。海鮮拼盆。這套餐的重點之一。今晚海鮮包括海蝦，蟶子，鱔片，大硯。食材新鮮，份量每款每人一隻，但海鮮大大隻絕對沒有欺場。最