米走雞 (昭德大廈) (已結業)

今晚朋友約左我食久違了的雞煲😋呢度主打芝士同麻辣，我同朋友都覺得雞煲要配麻辣先夠惹味刺激🤣我地叫左個細既火焰麻辣雞煲(一隻辣椒)，細份手切新鮮牛頸脊，半份竹笙墨魚滑，鵝腸，一個白飯同一杯咸檸七～落完單店員好快就送左個雞煲黎😍 然後幫我地點火，好吸睛，影相厄like一流🤣雞肉件件都好滑😋個雞煲一開始食對我哋嚟講都幾辣，不過加咗湯黎煮其他材料就啱啱好😁手切新鮮牛頸脊雪花分佈好靚😍 牛味濃郁，肉質嫰滑，用料果然靚👍平時好似比較少見到有竹笙墨魚滑，原來都幾夾😯外層既竹笙爽口兼索晒個湯底，裏面嘅墨魚滑係呢度自己手打，非常彈牙！咬落去爆汁口感豐富🤤🤤鵝腸份量都幾多，洗得乾淨👍一開始果幾條烚得太耐好韌😂 之後識得控制時間就好食好多，配埋個惹味麻辣湯底一流🤣我地7點黎到果陣無乜人，估唔到平日夜晚坐坐下都full晒😯 難怪朋友指定要黎呢間食雞煲，果然好介紹😊

雖然天氣熱，但阻唔到我食雞煲嘅！我仲要食火焰麻辣雞煲，夠哂刺激！地方光猛整潔服務仲幾好，撈醬攪拌一一有店員代勞，我坐喺旁邊欣賞，「逢」一聲點起火，慢慢聞到香味撲鼻。超級惹味，雞件量多，靚洋蔥同蒜炒半熟勁好食。食飽加雞湯，打埋邊爐認真爽！新鮮靚脆鯇片，大大塊蝴蝶形，份量多口感幾爽脆抵食。必叫手切新鮮牛頸脊同竹笙墨魚滑，牛頸脊牛味濃郁纖維口感較幼細，咬落有少少肉汁。原來墨魚滑釀入竹笙好好味，食到竹笙吸到湯汁又食到墨魚滑嘅爽，好高滿足度。食埋打邊爐唔少得嘅生菜、粉絲、稻庭烏冬，雞煲邊爐一tick過滿足哂！

原來已經有一年沒有吃火鍋了，跟老公二人世界一下，訂了6:30的座位，可以慢慢吃。店員細心親切地介紹食物。火焰麻辣雞煲 $168（二至三人）店員點起火，再兜炒一下，香味十足。用了三十多種香料、辣椒乾、洋蔥、中芹和芫茜作配料，加入雞件。雞肉嫩滑，十分美味。手切新鮮牛頸脊$138雪花紋理好清晰，非常高質的牛頸脊，下次要點大份，太好吃了。 手打鮮墨魚丸$43 半份另外手打墨魚丸很彈牙，值得推介。脆鯇腩$98脆鯇腩，真的很爽脆，魚肉鮮嫩，點上麻辣汁，很過癮。下次要來試試黃金芝士雞煲

原來長沙灣都有好多好嘢食㗎！今日行行吓就發掘到一間都幾有特色嘅芝士雞煲。事緣係今日同老公去長沙灣買嘢，買完之後行行吓見到間野叫米走雞，好似幾得意就去試吓。格局似茶餐廳，初頭諗住質素一般，點知食落有驚喜！我哋叫咗個黃金芝士雞煲（2-3人 $178），芝士碎重要揀左激量🥰🥰 見到個雞煲真係「嘩」一聲，因為真係好大煲同賣相好靚！店員仲好細心咁教我哋點樣食，芝士味極濃，起碼落咗兩種芝士，每舊雞肉肉質嫩滑多汁，啖啖肉，而且均勻地沾上芝士醬，質素極高👍🏻👍🏻而且份量十足，食到大半已經飽飽地☺️之後仲叫咗：手切新鮮牛頸脊（小 $138）- 肉質一般，牛肉味亦不濃，不過勝在分量算多。手打五寶拼盤（半份 $48）- 呢個可以一試，因為粒粒都大粒，而且爽口彈牙，尤其特別推介蝦肉丸，絞碎蝦肉撈埋原條蝦肉，有雙重口感！❤️鮮製五拼餃 （半份 $58）- 餃子感覺冇丸咁特別，不過質素尚可，可以一試。響鈴 - 同出邊一般嘅響鈴唔同，超大條，塊皮較一般厚同韌，但又好脆，好特別呢！😋

一直都想食呢間既芝士雞煲好耐，今日終於有時間同朋友黎。餐廳分左2邊，每邊得幾枱所以都唔會好迫，入面都唔會油淋淋一大陣味，坐得好舒服。由於我地得2個女仔，所以叫左個細煲，點知份量我覺得可以比4個人食！老闆話佢地只會用雞脾肉，件件又大又嫩滑，真係同一般其他雞煲既細細粒，又冇乜肉既雞粒差好遠！除左大大嚿雞，仲有d洋蔥塊，乾蔥粒同蔥段起鑊，當然唔少得另一個主角芝士啦！芝士既份量都好足，做到拉絲效果其實咁多芝士話唔會濟都呃你啦，但食完雞煲之後加左d湯稀釋左就得翻淡淡芝士味，唔會愈來愈漏，可以繼續下半部分打邊爐！我地2個叫左好多料，包括一碟細既手切新鮮牛頸脊，牛肉肥肉分佈均勻，手切既厚度岩岩好，比平時食既肥牛更濃牛肉味，更有口感，十分推薦！另外仲叫咗唔同嘅蔬菜，包括翡翠苗，豆腐同雜菇拼盤，每樣都份量適中，好新鮮。而除左手切牛之外，另一推介係響鈴。睇圖都見到佢比平時個d大條好多，炸到非常脆，浸一浸落d湯到索哂d芝士味好正！仲要一碟有6條，非常抵食！整體來說，絕對會再encore既抵食店！

冬天來了, 禦寒食品又怎能缺少近年一直備受港人寵愛的雞煲!? 雞煲店開得成行成市, 但我相信, 只有用心製作的食物, 方能屹立於這個競爭激烈的雞煲市場.  當晚我們再次來到這間位於長沙灣青山道的 米走雞 Running Chicken 吃個雞煲, 看看其水準有否比上次進步!還貼有很多報章雜誌的專訪和城中名人的相片 .... 不過, 那又代表什麼呢?內裏的裝修保存著一般茶記的裝潢 , 一舉手一投足都會撞到別人 , 滿座時坐得迫狹 , 幸而二樓有雅痤 ~今次擺明車馬來吃 " 黃金芝士雞煲 " , 但是貪吃的我們又怎能安份於此~   吃雞煲就當然要有一個爐, 工欲善其事必先利其器, 一個安全又穩固的爐, 實在不可輕視, 好似這個由韓國技術製造的氣爐, 能令你有信心嗎?黃金芝士雞煲 :芝士的味道獨特 , 層次感高, 濃稠卻又不油不膩 , 加上底層有中芹、蔥頭這些配料, 大有中式西菜之 fusion 感 ~啖啖肉的雞脾肉用了與別不同的秘方醃製 , 先爆香再入煲加芝士~   外皮爆得金黃的雞件 , 醃得入味也掛滿芝士的濃香 , 卻略嫌有點嚡口 , 未能做到外脆內嫩之境界 , 口味獨特 .... 推