養心殿台式養生鍋 (已結業)

自從試過養心殿台式養生鍋後就好像著迷了，不斷介紹比朋友，而自己久唔久也會與不同的朋友一齊去打邊爐回味回味，今晚就與老公去養身又養心。店鋪採用宮庭式設計，古色古香。枱與枱之間闊落，而且每幾張枱就有屏風間格，感覺好有私隱，傾計大聲少少都唔驚嘈到隔離枱。寧神養心鍋拼秘制薑母鴨鍋台式火鍋的靈魂在於鍋底，今次選擇了寧神養心鍋拼秘制薑母鴨鍋。奶白色湯頭是寧神養心鍋，採用川芎、白芷、天麻、當歸、豬肉、鮮魚頭及烏雞餚制而成，餚過湯的烏雞仍然好有質感，食落依然有濃厚的雞鮮味，鮮魚頭新鮮美味，這個湯底完全是民間袪頭風平肝火的傳統食療，每喝一口都好似飲緊屋企的老火湯，唔客氣地先喝了三大碗湯先開始打邊爐。另一邊是秘制薑母鴨鍋，採用老薑、馬蹄、冬荀、當歸及紅面番鴨餚制而成，鴨份量很多，餚過湯的鴨仍然滑溜，湯底味濃厚，既暖胃又滋補。手切牛肉(細)手切牛肉份量不少，雪花紋好靚，而且有濃郁的牛味，入口濃郁滑溜，必食推介。自家製鮮蝦雲吞(半份)雲吞皮薄餡多，蝦肉與豬肉比例剛好，層次好好。新竹米粉新竹米粉份量非常多，足足有6個細碗的份量。以幼身的新竹米粉吸上湯頭，實在太完美。

男友Sem Break月,喪食好西慰勞繼續~今晚我地去左佐敦食養心殿台式養生鍋。之前同朋友食過覺得好食~好野, 當然要帶男朋友再去食過啦!店內裝修行古典風~古色古香的~枱與枱之間距離好足夠,也有屏風相隔, 坐得幾舒服~店內的食物都係單點形式的~可以先同店員落左湯底先, 再慢慢睇叫咩食~湯底可以揀雙拼, 唔洗加$,只以高價錢湯底收費~今日我地叫左寧神養心鍋($168),拼美人鍋($188)，以高價錢湯底收費，即係$188。然後我地叫了4樣野:手切牛肉(細) ($238),手工丸類拼盤(12粒) ($108),自家製極品水餃(半份) ($42),炸午餐肉 ($58)。講下2個湯底, 真係勁足料, 唔洗CLOSE UP都睇得好清楚。雖然叫左雙拼, 每款湯底嘅湯料已減半~但都仲勁足料~寧神養心鍋($168)湯是奶白色的~裡頭有藥材,有半邊大魚頭~仲有1/4隻烏雞~餐牌寫係用左20斤鮮魚4小時精餚而成~湯頭濃厚, 超正!美人鍋($188)呢個都有唔同嘅藥材~仲有1/2隻烏雞~要講下, 烏雞都好好食!肉都仲嫩, 唔會鞋,而且仲好重肉味!而呢個鍋嘅重點係, 桃膠!睇下! D桃膠真係好多嫁!食極都仲有

冬天食咩好？最好不過就係打邊爐！所以今日特登同老公嚟咗呢間近期人氣好高嘅台式養生火鍋店！好彩事先book了枱，因為真係非常多人。一入到食店，已經聞到好濃郁嘅藥材香氣，因為佢以養生鍋為主，所以大部分嘅湯底都以藥材為主，不過可惜老公佢唔太好藥材，所以我地揀左💁🏼‍♀️：「酸菜白肉鍋」。至於食物方面，我地叫左打邊爐一定唔少得嘅手切牛肉、御選梅花豬，仲有手工丸類拼盤同冬瓜片。佢個手切牛肉一定要試，因為真係非常好味，一睇就知係高質素牛肉，每塊牛肉嘅脂肪紋分佈平均，所以食落口，塊牛肉基本上唔使點咬，已經溶化，好香牛肉味，肉質非常嫩滑，真係放左入鍋滾幾耐都唔會靭，係超正，早知佢D牛肉甘高質，我地就叫大碟！佢個手打丸都幾有特色，粒粒都爽口彈牙，特別推介💁🏼‍♀️黑松露蝦丸（黑松露個味都重，而且香噴噴）💁🏼‍♀️鵝肝墨魚丸，（丸𥚃面有粒鵝肝粒，口味確實幾新鮮同口感富豐）最後，蔬菜方面，可以一試冬瓜片，因為冬瓜片完完全全索曬D湯底，所以食落片片冬瓜片都好入味，就連豉油都唔使沾！正正👍🏻呢一餐邊爐，食到我同老公舔舔脷👍🏻👍🏻😋！