Macky's (已結業)

難得可以係早少少收工所以就去左一間中環嘅小店覓食而且睇出面牆外嘅裝修就知道呢間係一間黃店🤣💛-🌟難忘漢堡 ($98)漢堡包塊厚厚嘅牛肉煎得好香而且包同餡嘅比例完美 唔會因為太厚掉晒d料出黎🍔又唔會太薄好似食空氣咁薯條都唔錯～🍟
-🌟三文魚芥末牛油果意粉 ($98)三文魚卷成一朵花 意粉亦都好彈牙🍝最特別最好食就係個意粉醬有淡淡嘅芥末味同忌廉汁配合得天衣無縫而且仲有牛油果呢個super food 既健康又好味🥑-🌟手工啤酒 ($88@1)有買一送一嘅優惠咁抵所以試下🍻{Fabulous Mosaic (Single Hop Ipa)}呢款係香港產 用左啤酒花 令到隻酒有花香同莓味 {Sunmai (Honey Lager)}而呢一款係台灣產可能係加左蜂蜜 比較甜所以好易入口 大部份人都會飲到-店員好nice 亦都好用心為我地介紹各種啤酒嘅特點加上我地去個日播左少少懷舊嘅廣東話同日文歌🎶所以更加係我地心目中加分🥰

一間位於中環嘅小店好似成兩三年前都有幫襯過，估唔到係同路人，店內有文宣💛·呢間價錢定位都唔算貴，為返$100以下就有一個主菜或者burger，小食都係兩位數字左右，中環來講真係算唔錯啦🤑·我哋叫咗一個unforgettable burger、明太子意粉、再加多左兩個手工啤🤗·估唔到個burger又真係幾難忘，嗰塊漢堡都係多肉汁嘅類型，配埋啲番茄同生菜，仲有我最愛嘅洋蔥🧅係爽歪歪既～好Juicy呀喂！🤩不過塊肉就有少少鹹，好彩個包皮冇咩味balance番，再飲埋啤酒就爽🤟🏻·薯條有薯仔味，唔會乾爭爭，不過份量多少少就再開心啲啦🤪🍟·明太子意粉，同我想像中有少少出入：可能我未食過熱辣辣嘅明太子啦🙉，唔難食嘅不過純粹感到新奇😌·最後，佢哋嘅手工啤做緊買一送一，我哋揀咗兩支味道都唔錯，大家有興趣都可以叫下😗中環有呢一個價位真係良心價🤟🏻💛-Unforgettable burger | $98Spaghetti with Mentaiko and Cream | $88Hitachino Lager & Lindemans Apple | $88 (Buy one get one free)-M

叫咗個青醬帶子麵，個醬好好味，又有啲蒜蓉味。個帶子唔會太熟，而且幾大站。之後叫咗個牛肉漢堡，個牛肉好juicy，加埋番茄同生菜好有口感。最後叫咗西柚味手工啤酒，唔會太苦，仲有啲果味！