走過十萬八千里找到你

營業中

休息中

走過十萬八千里找到你 📍旺角彌敦道575號Ladder Dundas10樓━━━━━━━━━━━━━━━━━━━━━━━━━━━━又打卡一間好Igable嘅樓上cafe~ 平日午餐時間都幾旺場 建議提早book位!餐廳飯類 麵類 主菜類都有好多選項 而嗌嘢都可以價錢升級套餐 會包餐湯 餐包同$60嘢飲~━━━━━━━━━━━━━━━━━━━━━━━━━━━━🥯 餐湯·餐包▶︎ 餐湯係南瓜湯 而餐包係圓面包▶︎ 餐湯有南瓜甜香 質地偏稀 飲落好暖胃🫶🏻▶︎ 餐包有烘熱 正常發揮~好味指數:●●●◐◯━━━━━━━━━━━━━━━━━━━━━━━━━━━━🍛 原條鰻魚意大利飯 $178 +10%▶︎ 真係有一條鰻魚 下面係意大利飯 入面仲有蘑菇同翠玉瓜 整體分量冇想象中咁大~ ▶︎ 鰻魚膠質感重 照燒汁都幾惹味🤩▶︎ 意大利飯唔會煮得太過淋身 另外調味上係鹹香為主 所以食落唔會好漏🫶🏻好味指數:●●●●◯━━━━━━━━━━━━━━━━━━━━━━━━━━━━🍝 北海道帆立貝海膽醬扁意粉 $178 +10% ▶︎ 用碗裝嘅意粉幾新奇🤣 有兩大隻帆立貝 另外有魷魚碎粒同木魚花▶︎ 帆立貝大隻新鮮 熟度適中😌

朋友特登揀左一間用乾花做主題嘅餐廳，一入門口已經見到天花板佈滿左乾花，非常有特色，餐廳名亦都好有意思。餐包麥包上枱仲係熱辣辣，健康得來鬆軟。餐湯是日餐湯係蕃茄湯，稠身，茄味非常濃郁。忌廉龍蝦汁甲羅燒貓耳朵甲羅燒入面都係綿密嘅蟹膏，入口鮮甜，上面加埋芝士焗，十分邪惡，香濃龍蝦汁覆蓋住每一粒貓耳朵粉，高質之選。北海道帆立貝海膽醬扁意粉大大粒嘅和風帆立貝咬落去爽口，扁意粉吸收晒海膽醬味道，配搭好夾。紅寶石巧克力草莓鮮奶 （限量供應）賣相滿分💯，入面加咗鮮士多啤梨醬，飲落去有士多啤梨醬嘅酸味加埋朱古力嘅甜味，唔會太甜。手工黑芝麻（限量供應）黑芝麻Latte上面拉花好靚，口感香醇濃厚，健康有營養之選。

今日要去旺角拎續約禮品，順便約埋朋友係附近食。近油麻地嘅樓上cafe走過十萬八千里找到你，係主打多國菜嘅cafe，一入就門口就見到天花板掛住琳瑯滿目嘅乾花，有時可以沉醉於花花世界都係幸福嘅事！今日嘅餐湯係健康椰菜花湯，跟餐嘅餐包超香軟，有驚喜！明太子岩鹽燒蟹棒貓耳朵（$138）鎮店名物之一，入口奶油味好香濃，明太子加上蟹籽蟹棒，多重口感又鮮味十足，個人好鍾意貓耳朵粉煙韌有咬口嘅質感！安格斯牛肩胛一口牛溫泉蛋茶漬意大利飯（$198）呢個係餐廳其中一款fusion菜，將日式嘅茶漬飯元素加入意大利飯，採用口感會比較硬身的意大利飯就唔會太快被熱茶泡腍，一口牛方便女士優雅地食用。手工黑芝麻（$56）濃厚到好似食緊即磨養生芝麻糊，帶有奶香，口感順滑，芝麻糊都可以拉花嘅感覺真係好特別！紅寶石巧克力草莓牛奶（$68）IG able哪打卡特飲，香甜嘅草莓牛奶上面鋪咗cream加玫瑰花瓣，仲有淡淡的朱古力味，原來都幾好飲！

今日約左個朋友去一間靚靚花系餐廳食午餐，一入去就見到滿天既乾花，牆身都係粉色系既壁畫，好岩打卡！意大利煙肉咸蛋黃汁貓耳朶（$128）貓耳朵粉好煙韌，聽朋友講佢既卡邦尼汁都好好味，可以下次再食！日式壽喜燒牛肉溫泉蛋茶漬意大利飯（$148）份量都幾大，係日式壽喜燒口味，有甜醬油既香甜加滑溜既温泉蛋，仲有芝麻同紫菜係面，而飯底就選用左意大利飯好特別，好有咬口，口感好豐富。食到一半再加茶，增加返茶既香味，好有層次！跟餐既係紅菜頭湯加餐包，粉紅色既湯好岩出現係呢間餐廳，仲用好得意既柴犬湯碗上枱，super cute!!!!!手工黑芝麻（$56）呢個係其中一款限量供應既拿鐵，超級香濃，飲到最尾真係好似食緊芝麻糊！玫瑰抹茶（$56）香濃既抹茶拿鐵，入口馥郁茶香，口感順滑，帶有陣陣玫瑰花香氣，非常推薦！另外，見到佢有好多fancy甜品，下次有機會要再試一試！