潮州鹵漢大飯店 (已結業)

.‼️❤️ 記得CLICK我PROFILE關注我呀 ❤️‼️.🥘 𝘼𝙡𝙡-𝙔𝙤𝙪-𝘾𝙖𝙣-𝙀𝙖𝙩 𝙃𝙤𝙩𝙥𝙤𝙩 𝘿𝙞𝙣𝙣𝙚𝙧 𝙎𝙚𝙩 @ 🌟 潮州鹵漢大飯店《👽食神大媽打邊爐》.👽 大媽覺得一個價錢任食，起呢個年代一啲都唔出奇。但係又有得打邊爐，又有得食海鮮袋，仲要有超級多潮州主打嘅美食，呢個就真係稀有啦！最近發現左呢間性價比超高，有齊以上咁多樣美食，主打新派潮州風味嘅任食火鍋店 😱 只需要 HKD 298，就可以享用套餐B，會包括：任食安格斯靚牛牛、一大盆嘅海鮮袋、超級多潮汕美食任夾，仲要俾你坐足兩個鐘頭，簡直性價比高到衝出宇宙 🌍.👀 呢個價錢，真係以為會普普通通，環境麻麻，坐得唔耐。點知，呢間邊爐店光潔明亮、現代中國風、位置寬闊舒適，慢慢食足兩個鐘，一路吹水一路食真係非常正 🤩.🦞 你有冇幻想過任食打邊爐會同步嘆惹味海鮮袋？！真係非常之興奮，仲要超好味，調味一流！海鮮非常多，有龍蝦、鮑魚、大帶子、蜆、蝦、墨魚仔、東風螺。唔係全部細細件嗰啲，調味可以自己揀架 😝 唔好以為係會揸流攤俾啲唔新鮮嘅你，係非常之好似爽口、彈牙、大隻！唯一無奈嘅係胃口真係唔夠大，仲要留肚打邊爐 🤣 一大盤海鮮拼盤！

呢間潮州鹵漢想試好耐！之前見ig d相好吸引👍🏻今日黎食，完全無令我失望，仲係出乎我意料之外嘅好食 同老公2個人叫B餐，入座首先有手搖海鮮袋，叫左蒜蓉味👍🏻店員已經撈好曬，係我哋面前先熱辣辣咁倒出黎。海鮮份量，我覺得可以用洩本黎形容呢間鋪，有帶子，龍蝦，鮑魚，仲有好多蜆同螺肉。蒜蓉醬仲要撈得好惹味，講真！我覺得淨係食呢盤海鮮，已經幾乎值回票價！仲有之後嘅任食火鍋點知我出去行個圈，仲有一大個熟食區，丸類區，雪糕櫃同飲品櫃😮咁多野食，咁多選擇😂仲要係任食任飲（啤酒都係任飲），早知我餓3日先黎😂熟食仲有D係海鮮嚟🤩又有潮州菜必食嘅反沙芋之後又到另一特色，鹵水火鍋🤤湯底好香🤤用鹵水黎打邊爐，基本上所有肉唔洗再點醬油，已經好夠味。牛肉類都係安格斯牛肉片，切得夠薄身👍🏻滾幾秒就食得，夠曬鮮嫩滑👍🏻總結：一個價錢，食到高質海鮮，特色鹵水火鍋，而且任食任飲區非常豐富，豐富到令我地覺得老闆係咪有利潤架？ 😂未食過嘅朋友，我只能講：瓊華必食餐廳！快啲黎🤤

自己對任食火鍋一向無咩好感，不過呢間潮式任食火鍋改變左我少少睇法，環境同食材都好好。潮州鹵漢大飯店以紅色為主調，無論牆身、傢俬同天花一律紅色。環境都好寬躺，而且好乾淨，完全唔似平時任食火鍋餐廳既環境🤩我地試B餐，由於7點前入座，價錢只係$238。套餐包括手搖海鮮袋同任食火鍋。- 手搖海鮮袋職員等我地打卡之後先幫我地將海鮮同醬汁撈埋。入面海鮮包括鮑魚、龍蝦、帶子、東風螺同蜆、海鮮大部份都高質素，龍蝦肉質就比較鞋，但沾上蒜蓉醬就變得惹味。東風螺同蜆既數量好驚人，食極都仲有🤣。配料仲有萵荀、栗米同金菇。食完海鮮袋就可以打邊爐，湯底有六款，我地㨂左潮仙沙茶鍋，味道唔算太鹹幾適合香港人口味。食物質素對比其他任食火鍋更加出色，估唔到有幾款食材唔駛加錢都係可以任食，包括爽口蝦滑、響鈴、潮州牛肉。所有食材都新鮮乾淨👍🏻套餐可以任食特式小食，其中香芋地瓜球同潮式反沙芋最令人印象深刻。雖然地瓜球唔算熱辣辣，但外脆內軟，味道香甜。另外仲有鹵水五花腩同咖喱牛筋。由海鮮袋、火鍋到特式小食，所有食物都幾好味，自己又坐得舒服，以後朋友gathering話食火鍋，我應該唔會再抗拒🤣

朋友介紹我食潮州鹵漢大飯店，位於旺角彌敦道620-628號瓊華中心8樓。 店內裝修以中式為主，座位舒適。 店員服務很好， 餐廳主打潮式火鍋放題🫕， 有三款套餐可以選擇， 今次與朋友選了Set C 鹵漢全席$288+10% 位 (8點前離座) ， 已包括手搖海鮮袋、醬油漬海鮮、 安格斯牛肉、海鮮、火鍋配料。 首先店員為我們送上手搖海鮮袋😋， 我們選了蒜蓉味， 海鮮包括有波士頓龍蝦、北海道元貝、鮑魚、魷魚筒、沙白、時令海產和時令蔬菜， 全部海鮮都是即日新鮮製作👍🏻，味道鮮甜。 食完海鮮之後就到打邊爐時間，共有六款湯底可以揀，我們當然要試下招牌鹵水鍋，其他火鍋配料可以用q r code落單📲， 另外自助區有各款熱熏、 醬料、湯類、飲品、雪糕和火鍋配料等等。 鹵水鍋底甜醇，是我喜歡的味道， 火鍋配料我推介美國安格斯牛肩胛， 肉味濃，口感軟嫩。 喜歡食羊的可以試下紐西蘭羊卷肉， 入口嫩滑。 另外有多款丸類，滑滑鴨血都是推介之一。 必食潮州伊麵🍜， 與招牌滷水鍋湯底非常夾， 伊麵吸了鹵水味， 很好吃的🤤。 熟食方面我喜歡韭菜豬紅、 普寧豆腐、 辣酒煮花螺、 咕嚕肉、炸物、蒜蓉粉絲蒸生蠔和青口， 記